Дэлхийн мэдээ 2007 10 31 Лхагва гараг

Лид 1 Бирмийн арми, бага насны хүүхдүүдийг, хүчээр цэргийн алба хаалгаж байгаа тухай мэдээллийг АНУын хүний эрхийн байгууллага, дэлхийн нийтэд мэдээллээ.
Олон улсын хүний эрхийг байгууллагын мэдээллэж байгаагаар, Бирмийн цэргийнхэн бага насны, 10н нас ч хүрээгүй балчир хүүхдүүдийг хүч хэрэглэн цэргийн албанд элсүүлж байгаа гэнэ. Тэр ч байтугай цэрэгт элсэхээс татгалзсан хүүхдүүдийг, зэрлэгээр зодон залхаадаг байна. Иймээс, бага насны хүүхдүүдийг цэргийн албанд хүчээр элсүүлж байгаа Бирмийн засгийн газрыг эсрэг арга хэмжээ авахаар олон улсын хүний эрхийн байгууллагынхан, АНУын Аюулгүйн Зөвлөлтэй хамтран ажиллахаар болсон байна. Хамгийн сүүлд гаргасан тоо баримтаас харахад, одоогийн байдлаар Бирмийн армид нийт 1000 гаруй хүүхэд цэргийн алба хааж байгаа гэнэ. Цэрэгт хүчээр татсан бага насны хүүхдүүдийг, 18 долоо хоногийн турш цэргийн сургалтанд хамруулж нэг баттолан болгон хот тосгон галдан түймэрдэх, зэвсэгийн агуулах сүйтгүүлэх гэх зэрэг хорлон сүйтгэх ажиллагаанд явуулдаг байна. Тун удахгүй НҮБын Аюулгүйн Зөвлөл, Бирмд очиж бага насны хүүхдүүдийг цэргийн алба хүчээр хаалгаж байгаа асуудлаар Бирмийн засгийн газартай хуралдахаар болсон юм.

Лид 2 Их Бритианд төрийн өндөр дээд айлчлал хийж байгаа Саудын Арабын Хаан Абдуллахыг, өчигдөр Их Бритианы хатан хаан Букинхамын Ордонд хүлээн авч уулзсан байна.
Өчигдөр Букинхамын ордонд болсон хүлээн авалт дээд зэрэглэлийн тансаг, албан ёсны түвшинд болж өнгөрлөө. Их Бритианд айлчлал хийж байгаа Саудын Арабын Хаан Абдуллахад зориулсан хатан хааны цайллаганд, Их Бритианы ерөнхий сайд Гордон Браунаас гадна дээд хэмжээний 170 гаруй зочид уригдан оролцсон байна. Тэс хоёр өөр шашин, соёлтой орнуудын хатан, хаан хоёр 20н жилийн дараа анх удаа албан ёсоор хүндэтгэлийн зоог барьж байгаа нь энэ юм.
Эм: Бид олон улсын алан хядах үйл ажиллагааны эсрэг тэмцэх хамтын ажиллагаагаа бид цаашид үргэлжлүүлэх болно. Учир нь алах хядах ажиллагаа нь, манай охоёр орны ард түмэн, тусгаар тогтнолын эсрэг бодит заналхийлэл учруулж байна.
Эр: Бритианд амьдарч байгаа Мусламан иргэд, манай ертөнцийн бүрэн төлөөлөл болж байгаагийн хувьд, өөрсдийн нэр хүндийг нэр төртэй авч яван, Бритианчуудад Мусламанчуудын шинэ дүр төрхийг ойлгуулж чадна гэдэгт итгэж байна.
Саудын Арабын хааныг Букинхамын ордонд алтадсан сүйх тэргээр хүргэсэн бөгөөд хатан хааны хүндэтгэлийн харуул угтаж авсан юм. ХатанХаан, Гүн Эдинбургтэй хүндэтгэлийн зоог барьсаны дараа, Саудын Арабын Хаан Абдуллах Хатан хааны тусгай цуглуулгыг үзэж сонирхосон юм. Хатан хааны цуглуулганд 1898 онд хатан хаан Викторияд Саудын хаанаас бэлэглэж байсан 15р зууны Коран судар, 1943 онд 6Р Жорж Хаанд, Саудын Арабын Хаанаас дурсгасан бүрэн алмаазан тоноглолтой алтан сэлэм зэрэг байдаг байна. Өөрт нь хүндэтгэл үзүүлсэн Хатан хаанд, Саудын Арабын хаан Абудаллах цэвэр цусны араб үйлдэрийн морь бэлэглэсэн юм.
Харин өнөөдөр Саудын Арабын Хааны айлчлалыг эсэргүүцсэн хүний эрхийн байгууллагынхан, Лондон дах Саудын Арабын элчин сайдын яамны гадаа жагсаал зохион байгуулах гэж байна.

Лид3.Гүрж Абхазын хил дээр оросын энхийг сахиулагчид гүржийн цагдаа нарын хооронд мөргөлдөөн гарсан байна.
Гэрчүүдийн хэлж байгаагаар Оросын энхийг сахиулагчид руу гүржийн цагдаа нар халджээ. Энэ үед энхийг сахиулагчид хариу гал нээжээ. Гүржийн тал оросын энхийг сахиулагчидыг Ганмухури гацааны ойролцоо бүслэх гэж оролдсон юм байна. Оросын энхийг сахиулагчид эн бүс нутгийн аюулгүй байдлыг хангах үүднээс байнга эргүүл хийдэг юм. Оросын цэргийн албан хаагчидын хэлснээр гүржийн талаас оросын энхийг сахиулагчидын зүг эрчимтэй гал нээж машиныг нь галдан шатаах гэж оролджээ. Харин гүржийн тал болж өнгөрсөн мөргөлдөөнийг арай өөр байдлаар тайлбарлаж байна. Оросын цэргүүд гүржийн Ганмухури тосгонд ирж хүмүүсийг олзолж, гүржийн цэргийн албан хаагчидыг зэрлэгээр зодсон гэж мэдээлжээ. Энэ хэрэг явдал болсны дараа Гүржийн ерөнхийлөгч Михаил Саакашвили тусгай албаныханаар хамгаалуулж мөргөдөлдөөн болсон газар иржээ
Тэр оросын энхийг сахиулагчидын зүг хэд хэдэн ширүүн шүүмжлэл хийсэн байна. Тэр оросын энхийг сахиулагчидыг тэргүүлж байгаа генерал Чабаныг персона нон грант гэж нэрлэсэн байна. Оросын энхийг сахиулагчидын захирагчыг ТУХН ийн орнуудын хамтарсан шийдвэрээр баталдаг юм.
ТОВЧ
Энэ Шинэ жилийн баярын үеэр ОХУ даяар арав хоног амрах гэж байна. 2007 оны 12 сарын 30 аас 2008 оны 1 сарын 8 хүртэл амрах юм байна.
Алс дорнод дахь ОХУ ын ерөнхийлөгчийн бүрэн эрхэт төлөөлөгчөөр Олег Сафанов томилогдсон байна. Владимир Путин түүнийг энэ албан тушаалд томилогдсонтой нь холбогдуулан өөрийн өргөөндөө хүлээн вач уулзжээ.Олег Сафонов нь Оросын дотоод хэргийн яамны хаяъяа цагдаагийн газрын орлогч даргаар ажиллаж байсан. Үүнээс өмнө Алс Дорнод дахь ерөнхийлөгчийн бүрэн эрхэт төлөөлөгчөөр Камиль Исханов ажиллаж байсан юм.

Лид4. Канад улсад тун гайхалтай явдал болжээ. Өвөөтэйгээ жижиг оврын онгоцоор яьж байсан гурван настай охин онгоцны ослоос амьд үлдэж чаджээ.
Нисэх онгоцыг жолоодож явсан өвөө нь жолоодлого алдаж цаст уул мөргөж осолджээ.Охины өвөө Алан Уильямс, түүний найз Стивен Саттон нар гадар дээрээ нас барсан байна. Аз болоход онгоц шатаагүй бөгөөд онгоцны хэлтэрхийнүүд өндөр уулын бүсэд нэгэн жижиг горхиний дэргэд байжээ. Осол болсоноос хойш таван цагийн дараа аврах албаныхан исэн байна. Осолоос хойш таван цагийн турш гурван настай Кейт охин онгоцны хүүхдийн суудалд бэхлэгдэн толгой нь уруу байдлаар байжээ. Онгоцонд автомашины хүүхдийн бэхэлгээтэй суудлыг суурилуулсан байжээ. Энэ нь бяцхан охины амийг аварсан байна.

Лид5. Сансрын олон дахин ашиглах Шатлл Дискавери хөлгийн багийн гишүүд гурав дахь удаагаа задгай сансарт гарч ажилласан байна.
Америкийн сансрын нисэгч Скотт Паразински, Даг Уилок нар олон улсын сансрын станцын цахилгаанаар хангах системд шалгалт хийжээ. Учир нь сансрын нисэгчидийг задгай сансарт хоёр дахь удаагаа гарч ажиллах үед Олон улсын сансрын станцын нарны эрчим хүчний хураагуурт гэмтэл гарсан юм. Задгай сансарт ажиллаж байгаа сансрын нисэгчид олон улсын сансрын станцид ажиллаж байгаа нисэгчдэд олон улсын сансрын станцид ажиллаж байгаа багийн бусад гишүүд нь тусалсан байна. Нислэгийг газраас удирдаж байгаа НАСА ийн мэргэжилтнүүд олон улсын сансрын станцид юунаас болж гэмтэл гарсаныг хараахан тодруулаагүй байна. Олон улсын сансрын станцын Пи 6 сигментын нарны зайн хураагуур дэлгэгдсэний дараа 90 см урт гэмтэл үүссэнийг тогтоосон юм. НАСА ийн мэргэжилтнүүд шуурхай хуралдаан хийж цаашид ямар арга хэмжээ авах талаар ярилцжээ. Нарын зай хураагуурт гэмтэл гарсан нь олон улсын сансрын станцы эрчим хүчний хангамжинд ямар ч нөлөө үзүүлээгүй байна. Нарны зайн хураагуурт гарсан гэмтэлийг засах зориолгоор Шатлл Дисковери хөлгийн дэлхийн тойрог замд ажиллах хугацааг нэг хоногоор сунгасан юм.
Лид6 ОХУ ын гадаад хэргийн сайд Сергей Лавров мягмар гаригт Иран улсад урьдчилан төлөвлөөгүй гэнэтийн айлчлал хийжээ. Тэр Ираны гадаад хэргийн сайд Манучехри Моттакитай уулзсан байна.
Оросын Ираны гадаад хэргийн сайд нар уулзалт хийсний дараа хэвлэлийнхэнд хамтарсан мэдэгдэл хийсэн байна. Ираны эсрэг хориг арга хэмжээ тогтоож байгааг ОХУ эсэргүүцэж байгаа гэж Оросын гадаад хэргийн сайд Лавров мэдэгджээ.
Эр. Бид ОХУ ын эсрэг эдийн засгийн хориг, хязгаарлалт хийх нь үр дүн муутай.
Иран улс цаашид олон улсын цөмийн эрчим хүчний агентлагтай нягт хамтран ажилах болно гэж онцлон тэмдэглэж байжээ. Ираны цөмийн хөтөлбөр нь энхийн зорилоготой гэж ОХУ, Ираны төрийн албан тушаалтнууд дэлхийн хамтын нийгэмлэгт тайлбарладаг юм. Харин барууны орнууд Ираны цөмийн хөтөлбөр нь цөмийн зэвсэгтэй болгох далд санаа агуулж байгаа гэж харддаг юм. ОХУ ын гадаад хэргийн яамны хэвлэлийн албаны тараасан мэдээнд хоёр орны сайд нар бүс нутагийн хэмжээнд хамтран ажиллах талаар санал солилцжээ. Каспын тэнгисийн орнуудын чуулга уулзалтанд Путин оролцож Тегеранд ирсэн нь хоёр орны хамтын ажиллагаа харилцаанд шинэ дэвшил авч ирсэн нь дамжиггүй гэж Ираны гадаад хэргийн сайд хэлсэн байна. Үндэсний эрх ашгийг үүднээс хоёр орны харилцаа идэвхитэй хөгжих байх гэж найдаж байгаагаа Оросын тал илэрхийлсэн байна. ОХУ ын гадаад хэргийн сайд Иранд гэнэтийн айлчлал хийсэн нь ИРаны цөмийн хөтөлбөрийн ерөнхий зохицуулагч Али Ларижин албан тушаалаасаа огцорч, түүний оронд шинэ хүн томилогдсонтой холбоотой гэ ажиглагчид дүгнэж байна. Үүний зэрэгцээ өнгөсрөн ням гаригт олонм улсыгн цөмийн эрчим хүчний агентлаг Иран улсы цөмийн зэсвэг хийхээр бэлтгэж байгаа гэх нотолгоо олдлоо гэж мэдээлсэн юм. Энэ мэдээлэлд АНУ, Францын албаны хүмүүс тун хянуур хандаж байна. НҮБ ийн аюулгүйн зөвлөл Ираны эсрэг хоёр удаа хориг тогтоож байсан бол АНУ дангаараа тус улсын эсрэг эдийн засгийн хориг арга хэмжээ авсан.

Лид7. Францы нийслэл Парисын дагуул Бонди хотын хамгийн алдартай рестораны ойролцоо хүчтэй дэлбэрэлт болсон байна. Дэлбэрэлтийн үеэр хүний амь нас эрдсэдсэн тухай ч мэдээлэл ирж байна. Гэхдээ энэ удаагийн дэлбэрэлт нь алан хядах үйл ажиллагаатай огт холбоогүй гэдгийг албаны хүмүүс нотлож байна.
Парисын дагуул Бонди хотын нэгэн рестораны хажуугийн байшинд ахуйн хий хоолой дамжуулах шугам дэлбэрчээ. Дэлбэрэлтийн хүч маш хүчтэй байсан бөгөөд байшинг бариаг тэр чигээр нь нураажээ. Бас зэргэлдээх байшин барилгадаа ч их хэмжээний хохирол учруулсан байна. Гудамжны яг тэг дундаас нь хэдэн метрийн өндөр галт багана оргилон гарсан байна. Дараа нь галын дөл уг гудамжный байшин барилгыг хуйхалжээ. Дэлбэрэлт болсны дараа гал унтраах албаны 200 хүн ирсэн байна. Гал сөнөөгч нар түймэрийг гурван цагийн дараа л бүрэн унтрааж чадсан байна. Энэ гудамжны явган зорчигчийн замд хэдхэн өдрийн өмнө засварлаж дуусаад байжээ. Зам захсах хүнд машин механизм байгалийн хийг дамжуулах хоолойг гэмтээсний улмаас өнөөдрийн энэ үйл явдал боллоо гэж мэргэжилтнүүд үзэж байна.
Эм. Би амь үрэгдэж болох байлаа. Энэ кафены хажуугаар явж байхдаа ахуйн хийний хурц үнэрийн мэдэрч хийг хоолойгоо нэн даруй хаах хэрэгтэй гэж би кафены ажилчдад хэлсэн. Тэд санаа зовох зүйлгүй гэж тайтгаруулсан. Тэгэхээр нь би гал унтраах албаныханыг дуудахаар явсан. Ягтэр мөчид дэлбэрэлтийн чимээг сонссон
Дэлбэрэлт өдрийн хоолны цагаар болсон тул кафед маш олон үйлчлүүлэгч байжээ. Дэлбэрэлт болох үед өдрийн хоолоо идэж байсан хүмүүсийн ихэнх нь түлэгдэж бэртсэн байна. Одоогийн байдлаар 46 хүн шархтаж, нэг хүн нас барсан байна. Дэлбэрэлт болсоноос хойш цагийн дараа Францын ерөнхийлөгч, ерөнхий сайд нар хэргийн газар биечлэн иржээ.
ЭНЭ ӨДӨР
1887 оны энэ өдөр хятадын Гоминданы намын тэргүүн, Тайвана арлын анхны удирдагч Чан Кайши мэндэлсэн байна.
1888 оны энэ өдөр Шотландын зохион бүтээгч Жон Бойд Данлоп унадаг дугуйн хийлдэг дугуй зохион бүтээж патент авч байжээ.
1961 онд ЗХУ ын коммунист намын 22 р их хурлаар Улаан талбай дахь бунханаас Сталины цогцосыг нүүлгэн шилжүүлсэн байна.

Үдшийн мэдээ
Лид1. АНУ ын эрдэмтэд саран дээрээс эртний соёл иргэншилийн ул мөрийн илрүүлсэн байна.
АНУ ын эрдэмтэн Кен Жонстон, Ричард Хогланд нар Вашигтон хотод хэвлэлийн багар хурал зарлаж сарны гадаргуугаас маш эртний харь гаригийн соёл иргэншилийн ул мөрийг олсон тухай мэдээлжээ. Сарны гадаргууд хийсэн зурагаас харвал тэнд эртний хотын байшин барилгийн туурь, чулуун байшингийн хана туурга, цайзны хэлтэрхийг илрүүлсэн гэдэгтээ тэд итгэлтэй байна.
АНУ ын сансрын уудмыг шинжэн судлах төвийн эрдэмтэдийн хэлснээр бол сансар судлалын шинжлэх ухаанд тэргүүлдэг их гүрнүүд энэ тухай аль эрт мэдэж байсан ч мэдээллийг өдий болтол нууцалжээ. Гэвч эрдэмтэдийн сэтгүүлчдэд харуулсан зурагийг чанар маш тааруухан тул хэр баргийг хүн аль нв байшингийн туурь вэ гэдгиийг ялгаж мэдэхэд тун бэрх гэнэ. Эрэдмтэн Кен Жонстон сарны энэ зургийг одоогоос 40 жилийн өмнө авсан бөгөөд тухайн үед албаны хүмүүс энэ зургийг устгахыг тушааж байжээ. Гэвч тэр энэ тушаалыг биелүүлэхгүйгээр гэр зургийг өөртөө авч үлдсэн байна. Америкийн сансрын нисэгчид саран дээр хөл тавьсанаар татах хүчийг удирдах нууцыг мэдэж авсан юм байна. Гэвч тэр технологийг эх дэлхий дээр хэрэглэдэг эсэх нь одоогоор тодорхойгүй байна. Хятад улс сар руу хиймэл дагуул илгээсний дараа ОХУ ч сарыг шинжлэн судлах хөтөлбөрөө сэргээх гэж байгаа юм. Дэлхийн дагуул сарыг судлахаар хүйтэн дайн үед орос, америк гээд хорхон улс өрсөлдөж байсан бол өнөөдөр хятад, япон, энэтхэг, улс сарыг судлах зориглгоор идэвхитэй ажиллах байна. АНУ ын ерөнхийлөгч Жорж Буш сарыг шинжлэн судлах хөтөлбөрийг дахин хэрэгжүүлэхийг дэмждэг хүн юм. Тэр сарыг судах тусгай төв байгуулах санаачлага гаргаад байгаа юм.
Лид2 АНУ ын Аризона мужын эрдэмтэд ДОХ өвний вирус хэрхэн тархсаныг тогтоож чадсан талаар мэдээлж байна. Тэд Хүний Дархлалын Хомсдолын М, Б ангилалын вирус нь африкийн Гаити улсаас гаралтай болохыг тогтоосон байна.
ДОХ ын М, Б ангилалын вирусийг АНУ, Япон, Австрали, Латин Америкад олон зуун сая хүн шаналж байгаа юм. ДОХ ын вирусын энэ хэлбэр бүр 1969 онд нэг хүнд халдаж тэр хүн цаашид тараасан байна гэж Аризонагийн эрдэмтэд дүгнэлт хийжээ. ДОХ ын халдвар авсан хүмүүсийн цусанд шинжилгээ хийж вирусын гарал үүсэлийг нь судалснаар хамгийн анх ДОХ ын халдвар авсан хүнийг тогтоох гэж оролджээ. Эрдэмтэдийн таамаглаж байгаагаар ДОХ ын вирус бүр 1966 онд Конго улсаас Гайти улсад дажмжин иржээ. Тэнд 1966 онд Гайтигийн иргэд ажилладаг байсан юм. ДОХ ын халдвар авсан анхны хүн дараа нь энэ вирусээ бусдад тараажээ. АНУ ын улсад ДОХ ын халдвар авсан анхны тохиолдод 1981 онд бүртгэгдэж байсан билээ.
Лид3 Их Бритианд гэрийн тэжээмэл амьтаны цусны банк байгуулах саналыг их бритианы тэргүүлэх зэргийн эмч нар санаачлалаа.
Гэрийн тэжээмэл амьтадын цусны банк байгуулсанаар, нохой, муур гэх мэт хайртай амьтдаа үхлийн аюулаас аврах боломжтой болох гэнэ. Хүнд зүрхний мэс засалд орсон амьтад маш их цус алддаг учраас цус хэрэг болдог байна. Харамсалтай нь өнөөдрийг хүртэл эрүүл баталгаатай, их хэмжээний цусны банк байхгүйн улмаас, зүрхний мэс засалд орсон гэрийн тэжээмэл амьтад үхэхэд хүрдэг байсан юм. Иймээс энэ асуудлыг шийдхийн тулд гэрийн тэжээмэл бүхий л амьтаны цусыг нэг дор хадгалах банк байгуулах ажил Их Бритианд эхлээд байна. Дашрамд сонирхуулахад их Бритианчууд хайртай гэрийн тэжээмэл амьтдаа 3000-10000 фунт стрелингээр даатгуулдаг гэнэ.
Лид4. 2014 оны дэлхийн аварга шалгаруулах хөлбөмбөгийн тэмцээнийг Бразил улс зохион байгуулах эрхийн авсан байна.
Бразил улсыг хөлбөмбөгийн эх орон гэдэг. Тиймээс 2014 онд болох хөлбөмбөгийн дэлхийн аварга шалгаруулах тэмцээнийг зохион байгуулах эрх авлаа гэсэн мэдээг тус улсын бүх хотод баяртайгаар хүлээн авчээ. Бразилийн бүх хот тосгонд шар, ногоон өнгийн уг далбаагаар гоёжээ. Бразидийн Рио Де Жанейро хотын төв талбай, Коркуваду уулын оройд байдаг Исус Христийн хөшөөний өмнө олон зуун хүн цугларч бүх нийтийн өргөн зугаалага хийсэн байна. Хөлбөмбөгийн спорт нь Бразилчуудын хувьд бараг шашин шиг нь болсон юм. Хамгийн сүүлд одоогоос 60 жилийн өмнө Бразилд хөлбөмбөгийн дэлхийн аварга шалгаруулах тэмцээн болж байсан юм. Бразилийн баг 5 удаа дэлхийн аварга болж байсаныг спорт сонирхогчид сайн мэднэ биз ээ. Дэлхийн аварга шалгаруулах тэмцээнийг зохион байгуулахын төлөө Бразил улс ганцаараа нэрээ дэвшүүлсэн юм.