2008-03-29

Дэлхийн мэдээ 2008-03-29 Бямба гараг

Лид1. ОХУ ын Монополийн эсрэг байгууллага тээврийн хэрэгслийн зогсоолын үнэ төлбөрийн асуудлыг авч хэлэлцжээ.

Внуково , Домодедовогийн онгоцны буудлын тариф өндөр байгааг хүлээн зөвшөөрсөн бөгөөд нийслэлийн бүх онгоцны буудлуудад төлбөрийн уян хатан тогтолцоог бий болгохоор болжээ. Монополийн эсрэг байгууллага өнөөдөр Внуково Домодедовогийн машины зогсоолын төлбөрийг багасгахаар шийдсэн байна . Тус байгуулагын орлогч дарга Анатолий Голомолзин ярихадаа “ Шереметьевогийн онгоцны буудал дээр тогтоосон төлбөрийн хэмжээг буруулах талаар бид урьдчилан мэдэгдэж байсан. Үүний тулд хэрэглэгчдээс авах төлбөрийг багасгахын цагийн тарифанд өөрчлөлт оруулах хэрэгтэй байна ” гэжээ. Учир нь 15 минут зогссон ч нэг цагийн төлбөр, цаг 1О минут зогсоход 2 цагийн төлбөр төлдөг юм байна. Нисэх буудлуудад автомашины зогсоолын асуудал олон хүний сэтгэлийг аль эртнээс зовоосоор иржээ. Агаарын тээврийн хэрэгслийг бодвол газрынх олон зуу дахин илүү байдаг . Тэгээд ч хаа нэг газар заавал тавих шаардлага гардаг .

Олон улсын Шереметьево онгоцны буудлын зогсоолын төлбөр цагт 1ОО рубль байдаг . Энэ москвагийн агаарын зангилааны хамгийн бага үнэ бөгөөд бид үүнийг өөрчлөх бодолгүй байгаа. Энэ үнэ 2 жилийн туршид өөрчлөгдөөгүй юм “ гэж хэлжээ. Учир нь энэ онгоцны буудлын удирдлага нисэх буудлын терминалын дэргэдэх зогсоолын төлбөр 3 еврогоос хэтэрдэггүй байх ёстой европын стандартыг мөрддөг юм байна .

Лид2. Диоксин өндөр хэмжээгээр агуулагдсан сүүгээр хийсэн бяслагийг Италийн засгийн газар худалдаалахыг зогсоосон тухайгаа мэдэгджээ.
Неаполь хотын ойролцоох Кампани сууринд боловсруулсан сүүгээр үйлдвэрлэсэн энэ бяслагийг дэлгүүрийн лангуунаас зайлуулахаар францчууд шийдсэн бол Великобританчууд энэ бяслагийг хүнсэнд хэрэглэх нь онцын аюул учруулахгүй гэж үзжээ. Европын стандартад нийцсэн чанартай хүнсний бүтээгдэхүүн үйлдвэрлэхийг Еврокомисс Италид уриалсан байна . Диоксины хэмжээ нь нэг их биш ч гэсэн байх ёстой дээд хэмжээнээсээ хэтэрсэн байсан тухай Еврокомиссын төлөөлөгч Би БИ Си агентлагт мэдээлээд гэхдээ хүний эрүүл мэндэд шууд аюул учруулахгүй гэсэн байна. Италийн гадаад хэргийн сайд Массимо Д Алема “ манай засгийн газар Европын холбоотой байгуулсан гэрээ хэлэлцээрийн дагуу стандартын шаардлага хангахгүй байгаа хүнсний бүтээгдэхүүнүүдийг захаас хураан авч байна” гэж мэдэгджээ.

Лид3. БНАСАУ ойрын тусгалтай пуужингийн туршилт хийсэн байна.
Хойд Солонгосын баруун эргээс ойрын тусгалтай гурван пуужинг харважээ. Энэ тухай БНАСАУ ын албаны эх сурвалж албан ёсоор мэдээлээгүй боловч харин өмнөд солонгосын мэдээллийн Ренхап агентлаг уламжилжээ. Цэргийн мэргэжилтэнүүдийн таамаглаж байгаагааар бол энэ гурван пуужин нь байлдааны усан онгоцны довтолгоог няцаах зориулалттай байсан юм байна. Хойд Солонгос пуужингийн туршилт хийх гэж байгааг 3 хоногийн өмнө мэдсэн юм байна.


Лид4. Эрх чөлөөний арал гэгддэг Куба улсад жирийн иргэд гар утас ашиглахыг хориглодог байсан юм. Харин Кубын шинэ ерөнхийлөгч Рауль Кастрогийн хийж байгаа шинэчлэлийн хүрээнд жирийн иргэд гар утас ашиглахыг зөвшөөрсөн байна.
Жирийн иргэд гар утас хэрэглэхийг зөвшөөрч байгааг Кубын Гранма сонинд мэдээлжээ. Кубын ЭТЕСКА компани тун удахгүй иргэдэд гар утасны үйлчилгээг санал болгох юм байна. Кубын иргэдийн ихэнхи нь гар утастай. Тэд гадаадын иргэдээр дамжуулан гар утас худалдан авдаг юм байна. Гар утасны хэрэглээгээрээ Куба улс Америк тивдээ хамгийн доогуур үзүүлэлттэй юм байна. Өнөөдрөөс эхлэн кубачууд гар утас авах хүсэлтээ чөлөөтэй илэрхийлж болох гэнэ. Кубын харилцаа холбооны компаний төлөөлөгчийн мэдэгдсэнээр утасны үйлчилгээ өргөн хүрээтэй нэвтэрч байгаа нь шинэ дэвшил болох юм байна. Рауль Кастро төрийн тэргүүний албан тушаалыг хүлээн авч тангараг өргөхдөө Кубачуудын амжиргааны түвшинг дээшлүүлэх талаар дорвитой алхам хийнэ гэж амлаж байсан юм. Одоогоос 14 хоногийн өмнө хэд хэдэн төрлийн цахилгаан хэрэглсэл ашиглахыг зөвшөөрсөн юм.
Куба улсад интернэт ашиглах, хувьдаа компьютертэй байхыг эрс хориглодог юм.

Лид5. Кубын удирдагч Кастрогийн удмын гэр бүлийн нэгэн гишүүн улс орныхоо амьдралыг үндсээр нь өөрчлөхийг хүсэж байна. Кубын шинээр сонгогдсон ерөнхийлөгч Рауль Кастрогийн охин Мариэле Кастро Кубы дахь дахь бэлгийн цөөнхийн асуудлаар байр сууриа илэрхийлсэн байна.
Рауль Кастрогийн охин нь Бэлгийн хүмүүжлийн үндэсний төвийн тэргүүнээр нь ажилладаг байна. Тэр одоо бэлгийн цөөнх гэгддэг ижил хүйстэнүүдэд хандах нийгмийн чиг хандлагыг өөрчлөхийг хүсэж байна. Рауль Кастрогийн охин Мариэлэ Кастрогийн хүчин чармайлтаар Кубын үндэсний ассаблей нь ижитл хүйстэнүүдийн эрхийн тухай хуулийг батлах гэж байна. Хэрвээ энэ хууль батлагдах юм бол Латин Америкт хүчин төгөлдөр мөрдөгдөх хамгийн анхны либерал хууль болох юм. Хуулийн дагуу ижил хүйстэнүүд гэрлэх, хатран амьдрах, өмч хөрөнгө гэрээлэн өв залгамжлах, хүйсээ солиулахын тулд үнэ төлбөргүй мэс засал хийлгэх гэх мэт эрхтэй болох юм байна.
Эм. Миний аав, Кубын ерөнхийлөгч Рауль Кастро миний санаачлагийг дэмжиж байгаа. Гэхдээ энэ хуулийг батлуулах гэж яарах хэрэггүй гэж зөвлөсөн. Тэр өмнө нь ижил хүйстэнүүдийн талаар ташаа ойлголттой байсан бол одоо тэднийг ойлгодог болсон.
Рауль Кастрогийн эхнэр, Мариэлегийн ээж нь Кубын эмэгтэйчүүдийн эрхийг хамгаалах хөдөлгөөний идэвихитэй гишүүн байжээ. Өнөөдөр Куба улсад ижил хүйстэнүүд харьцангуй чөлөөтэй байдаг ч өөрийн бэлгийн чиг хандлагын талаар олон нийтэд сурталчилахыг хүсдэггүй байна. Өмнө нь Кубад ижил хүйстэйгээ бэлгийн харьцаанд орвол цагдаа мөрдөн мөшгиж, шоронд хорих ял оноодог байжээ. Харин одоо бэлгийн чиг хандлагаас нь болж шоронд хорьдоггүй байна. Одоогоос 15 жилийн өмнө ижил хүйстэнээ сонирхох нь сэтгэцийн өвчин биш гэдэг дүгнэлтийг Кубын эмч нар хийж, ижил хүйстэнүүдийг нийгэмд хүлээн зөвшөөрч эхэлсэн байна.

Лид6. ОХУ ын Пенза мужын шашны нэгэн сүмд байнга очиж мөргөл хийдэг хүмүүс хорвоо дэлхийн тун удахгүй сөнөх гэж байгаа гэдэгт итгэсэн байна. Тэд дэлхий сөнөхийг хүлээж газар доорх хоргодох байранд амьдараад хагас сар болжээ.
Орон нутгийн эрх баригчид, сэтгэл зүйчид газар доор ороод байгаа хүмүүстэй уулзаж газар доорх хоргодох байрнаасаа гарахыг ятгасан ч одоогоор олигтой үр дүнд хүрээгүй байна. Орон нутгийн эрх баригчидтай яриа хэлэлцээр хийсний дараа долоон хүн газар доорх хоргодох байрнаас гарчээ. Одоо газар доор 28 хүн үлдээд байна. Олон арван хүнийг мунхруулсан сүмийн номлогч Петр Кузнецов гэдэг хүнийг цагдаагийнхан эрүүгийн хуулийн дагуу хариуцлага хүлээлгэхээр хавтаст хэрэг үүсгэсэн байна. Сүүлийн үед мэдлэг боловсрол муутай, том хотоос алсдагдсан бөглүү газар хүмүүсийн итгэл үнэмшилээр тоглож мунхруулах явдал ОХУ д гарах болжээ. Өнгөрсөн оны 11 сард дэлхийн ертөнцийн төгсгөлийг хүлээсэн 35 хүн мөн газар доорх оромжинд нуугдаж байжээ.

Лид7. Их Британи Умард Ирландын Нэгдсэн вант улсын нийслэл Лондон хотын Хитроу олон улсын онгоцны буудлын өргөтгөл 5-р терминалын ачаа тээшний хэсэгт доголдол гарч олон арван онгоцны нислэг хойшлогдсон тухай мэдээлж байсан билээ. Тэгвэл эмх замбараагүй байдал одоо ч үргэлжилсээр байна.
Техникийн саатлаас болж баасан гаригт 100 нислэг хойшлогдсон байна. Ажил албанаасаа хоцорч, зорисон газраа хугацаандаа очиж чадаагүй олон мянган зорчигчид бухимдсан хэвээр байна. Их Британий иргэний агаарын тээврийн Бритиш Эйрвэйс компани бямба гаригт хийгдэх ёстой 54 нислэгийг ч хойшлуулах шийдвэр гаргажээ. Бритиш Эйрвэйс компаний захирао Уилли Уолшын хэлснээр өргөтгөлийн ажил саатсан нь компаний нэр хүндэд муугаар нөлөөлж байна гэж мэдэгдээд зорчигчидоос уучлалт хүссэн байна. Ойрын үед Хитроу нисэх буудлын 5-р терминалаас нисэх ёстой онгоцныхоо 80 хувьд л үйчлэх хүчин чадалтай байна гэж нислэгийн компаний төлөөлч олон нийтэд мэдээлсэн байна. Нислэг нь саатсан зорчигчид нисэх буудлын хүлээлгийн танхимд хоножээ. Нисэх буудлынхан зорчигчдод зочид буудалд хоноход нь зориулж 100 фунт стерлинг санал болгожээ. Гэвч нисэх буудлын ойролцоох зочид буудлууд зорчигчидод 200 фунтын үнэтэй өрөө бий гэж хэлжээ. Ачаа тээш хуваарилах ёстой компьютер саатсан нь олон мянган хүнийг бухимдуулахад хүрсэн юм. Онгоцны нислэг хойшлогдож байгаа тухай мэдээллийг нисэх буудлыг албан ёсны сайтаас, мөн үнэ төлбөргүй лавлах утас руу залгаж мэдэх боломжтой юм байна.

Лид8.Хоногт 24 цаг байдаг гэдгийг хүн бүхэн мэднэ. Гэвч энэ ойлголт өөрчлөгдөж магадгүй болжээ. Их Британий сансар судлаачид манай дэлхийн нэг хоног нь 25 цаг үргэлжилдэг болно гэсэн таамаглал дэвшүүлсэн байна.
Сүүлийн олон зууны жилийн турш хийсэн ажиглалтаар манай дэлхийн тэнхлэгээ эргэж тойрох хөдөлгөөн нь удааширч байгаа юм байна. Ингэснээр цаашид хоногт 24 биш, харин 25 цагтай болох гэнэ. Английн сансар судлаачидын судалгаанаас харвал манай дэлхийн эргэх хурд нь манай эриний өмнөх 17-р зуунаас эхлэн удааширсан байна. Дэлхийн эргэх хурд өөрчлөгдөж байгааг тогтоохын тулд эртний түүхийн сурвалж бичигт үлдсэн нар сарны хиртэлтийн тухай баримтад тулгуурласан байна. Дэлхийн тэнхлэгээрээ тойрон эргэх хурд багасаж байгаагийн нг нотолгоо бол 4 жил тутамд 1 удаа илүү өдөр тохиодогтой холбоотой. Дөрвөн жилд нэг удаа 2 сарын 29 ний өдөр тохиодог. Үүнийг өндөр жил гэж нэрлэж заншсан билээ.
Ирээдүйд манай гариг дээр нэг хоног 25 цаг үргэлжилдэг болох юм байна. Дэлхийн тэнхлэгээ тойрох хурд буурч байгаа нь дэлхийн дагуул сартай холбоотой гэнэ.

Лид9. АНУ ын Техас мужын нэгэн рестораны тогооч Райен Кроп өөрийн бэлтгэсэн хоолондоо ширхэг үс зориуд хийснийхээ төлөө ажлаасаа халагдсан байна.
Рестораны байнгийн үйлчлүүлэгч Клиент Кевин Хэнсен бөөрөнхий
Бифштекс захиалжээ. Гэвч түүнд ирсэн хоол хэтэрхий түлэгдсэн байсан тул тэр зөөчид хандан гомдол мэдүүлжээ. Зөөгч болон рестораны менежер түүний гомдолыг хүлээн авч дахин шинэ хоол авчирч өгнө гэж амалсан байна. Менежер гал тогооны өрөөнд ажиллаж байгаа тогоочид хандан үйлчлүүлэгчийн гомдолыг уламжилж дахин шинээр бифштекс хийхийг даалгасан байна. Гэтэл тогооч дахин шинээр хоол бэлтгэхдээ зориуд өөрийнхөө үсийг хоолонд хийж хутгажээ. Гярхай үйлчлүүлэгч үүнийг тэр дор нь анзаарч дахин гомдол гаргаж тэр ч бүү хэл цагдаагийн газарт хандсан байна. Хоолонд үзлэг хийсэн цагдаа нар үнэхээр тогоочын үс хоолонд байгааг нотолсон байна. Үйлчлүүлэгч Кевин Хэнсен гомдолоо шшүхэд гаргаж хорон санаатай тогоочыг ажлаас нь халуулжээ. Хоол хүнсний бүтээгдэхүүнийг санаатайгаар хордуулах нь Техас мужын хуулиар 3 жил шоронд ял эдлэх, эсвэл 10 мянган долларын торгууль төлөх шийтгэл хүлээх ёстой байдаг гэнэ.

2008-03-28

Дэлхийн мэдээ 2008-03-28 Баасан гараг

Лид1. Хятадын эрх баригчид гадаадын сэтгүүлчдэд зориулан Түвдийн Лхас хот руу тусгай аялал зохион байгуулжээ.

Лхас хотын нэгэн сүмд гадаадын сэтгүүлчдийг авч иржээ. Энэ үед Түвдийн буддын шашны лам нар гадаадын сэтгүүлчдэд мэдэгдэл хийсэн байна. Энэ нь хятадын эрх баригчдын төлөвлөгөөнд ороогүй байжээ. Лхас хотод үймээн дэгдсэний дараа гадаадын сэтгүүлчдийг анх удаа Түвдэд авч иржээ. Гадаадын сэтгүүлчдийг Лхас хотын сүм дуганд авч ирэхэд залуу лам нар Түвдэд эрх чөлөө алга. Далай лам болж өнгөрсөн үймээн хамаагүй. Түвдийн талаар худал мэдээлэл тарааж байна гэж хашгирсан байна. Зарим лам нар Түвдийн талаар бодит үнэнийг сэтгүүлчдээр дамжуулан дэлхий дахинд хүргэхийг хүсэж байна гэж хэлсэн байна.

Эр. Бидэнд хэн ч итгэхгүй байна. Засгийн газар биднийг галдан шатаагч, дээрэмчид гэсэн ойлголтйг хүмүүст өгөхийг хиёээж байна. Гэвч бид ийм зүйл хийх хүмүүс биш. Хятадууд бидэнтэй маш бүдүүлэг, мууухай харьцдаг.

Буддын шашны лам нар бүтэн 15 минутын турш гадаадын сэтгүүлчдэд хандан ярилцала өгсөн байна. БНХАУ ын гадаад хэргийн яамны албан тушаалтан энэ бол лам нарын зохион байгуулалттайгаар хийж байгаа зориуд хийж байгаа алхам гэж мэдэгдсэн байна. Түвд рүү гадаадын иргэдийг очихыг хориглосон боловч хятадын эрх баригчид энэ удаа гадаадын сэтгүүлчдийг Лхас руу аялууулжээ. Түвдийн Лхас хотод хэвийн амьдралынн хэмнэлдээ орсон ч саяхан болж өнгөрсөн үймээний ул мөр үлджээ. Хотын зарим гудамжинд эвдэрч нурсан зарлал сурталчилгааны самбар, хагархай цонх шил энд тэнгүй харагдаж байсан гэж гадаадын сэтгүүлчид мэдэээлж байна. 3 сарын 10 наас эхэлсэн Түвд үндэстэнүүдийн жагсаалд нийтдээ 300 хүн оролцжээ. Тэдний 100 гаруй нь амь үрэгдсэн юм. Түвд дэхь хятадын засгий газрын албан тушаалтан, хууль сахиулах байгуулагийнхан жагсаалд оролцсон ихэнхи хүмүүсийг баривчилжээ.

Лид2.Бид өчигдөрийн мэдээллийн хөтөлбөрөөрөө итали бяслаг, Францын дэлгүүр худалдааны төвийн лангуун дээр тавигдсан үхрийн мах хортой байсан нь илэрсэн гэж мэдээлсэн билээ. Тэгвэл Европын комиссийнхон Итал, Францын хяналтын байгуулагын үйл ажиллагаа сул байгааг шүүмжилсэн байна.

Гэвч хүнсний бүтээгдэхүүнтэй холбоотой дуулианы талаар Италийн хөдөө аж ахуйн сайд арай өөдрөг байр суурьтай байна. Үйлдвэрээр хэрэглэгдэд очсон 1900 ширхэг боодол бяслагны 83 аас нь диоксин гэдэг хор илэрсэн. Бид хүний эрүүл мэндэд хортой хүнсний бүтээгдэхүүн үйлдвэрээс гарсаныг хүлээж зөвшөөрч байна. Гэхдээ хатуу хяналтын тогтолцоо Италийн хүнсний үйлдвэрт байдаг гэж Италийн хөдөө аж ахуйн сайд хэвлэлийнхэнд ярьжээ. Италийн Моццарелл бяслагийг худалдах асуудалд хориг тавих хэрэгтэй байна гэж Евро коммиссийн өндөр албан тушаалтнууд үзэж байна. Моццарелл бяслагийг Италийн Кампания мужийн нутагт байдаг үнээний фермерээс нийлүүлсэн сүүгээр үйлдвэрлэдэг байна. Гэтэл Кампания мужид хүрээлэн байгаа орчин маш муу байдаг юм байна. Орон нутгийн хог хаягдалыг цэвэрлэх компанийг зохион байгуулалттай гэмт хэргийн бүлэглэл хариуцдаг. Тэд хог боловсруулах үйлдвэр рүү хаягдалыг ачаашгүй уджээ.

Лид3. Лондон хотын олон улсын Хитроу нисэх онгоцны буудал өргөлтгөлийн хэсгээ ашиглалтад оруулаад удаагүй байгаа билээ. Сүр дуулиантай нээлтээ хийсэн Хитроу нисэх буудын өргөтгөлийн тав дугаар терминалаас нисэх зорчигчдийн ачаа тээшийг савлах, агаарын хөлөгт хүргэх ажилд саатал гарсан байна.

Үүнээс болж 5-р терминалаас хөөрөх байсан 34 онгоцны нислэг хойшлогджээ. Мюнхен, Франкфурт, Парис, Брессель руу нисэх байсан онгоцнууд саатсан байна. Хитроу нисэх буудал өргөтлгөл барихын тулд 8,6 тэрбум доллар зарцуулжээ. Бритиш Эйрвейс компанийхан зорчигчдын ачаа тээшийг онгоцны тээш хадгалах хэсэгт хүргэж чадахгүй болсонд уучлалт хүссэн байна. Өөрийн ачаа тээшээ орхиод нисэхийг та бүхнээс хүсэж байна. Зорчигч таны ачааг дараа нь илгээе гэдэг саналыг нисэх буудлынхан тавьжээ. Гэвч нисэх буудлын ажилтнуудын гаргасан энэ саналыг хүлээн авах хүн цөөн байна. Тэр ч бүү хэл Хитроу нисэх буудлын 5-р терминалд газардсан зорчигчид онгоцноос өөрсдийн ачаагаа авах гэж бүтэн 2 цаг хүлээжээ.

Эр. Би нисэх буудлын өргөтгөл ашиглалтад орсоноор илүү шуурхай үйлчилгээг мэдрэх байх гэж бодсон. Гэтэл энд байдал иймэрхүү байна. Надад харамсалтай байна.

Эр. Би энд ачаагаа авах гэж 2 цаг хүлээж байна. Энэ хугацаанд нисэх буудлынхан уучлалт гуйхаас өөр үйлчилгээ үзүүлээгүй. Аяга кофе уух ч газар байхгүй байна.

Бритиш Эйрвеэс компаний Хитроу нисэх буудлын 5-ртерминалын зорчигдын ачаа хуваарилахад ашигладаг компьтерийн программд өглөөний 9 цагт алдаа гарч ажиллагаа нь зогсжээ.

Лид4. Иракын нийслэл Багдад, мөн өмнөд хэсгийн Басра хотод

Махдигийн Арми зэвсэгт бүлэглэлийн эсрэг тусгай ажиллагаа үргэлжилж байна.

Махдигийн Арми зэвсэгт бүлэглэл нь хэт үндсэрхэг үзлэлтэй, АНУ –ын цэргүүд Иракт байгааг ямаргт эсэргүүцэж алан хядах ажиллагаа хийдэг байжээ. Энэ бүлэглэл Иракын ззаритм суурин газар жижиг тосгонд хэсэгчилсэн эзлэж, Басра хотод бүрэн хяналтаа тогтогоод байгаа юм. Иракын засгийн газар энэ бүлэглэлийг бут цохихоор тусгай ажиллагааг эхлүүлсэн билээ. Тусгай ажиллагааны үеэр Иракын цагдаа , зэвсэгт хүчнийхэн АНУ ын цэргийн албан хаагчидтай хамтран 100 гаруй алан хядагчыг устгасан байна. Өнөөдөр Махдигийн Арми бүлэглэлийнхэн Зубейр гэдэг газрйын тос дамжуулах хоолойг дэлбэлжээ. Басра хотын орчимд Иракын газрын тос олборлох томоохон үйлдвэр байдаг юм. Газрын тос дамжуулах хоолой дэлбэрчний дараа дэлхийн зах зээл дээр газрын тосны шнэ нэмэгджээ. Өнгөрсөн оны 8 сараас хойш Иракт ийм ширүүн тулаан болж байгаагүй юм. Нийгмийн хэв журмыг хангахын тулд Багдад хотод 3 өдрийн турш хөл хорио тогтоосон байна.

Лид5. Лалын шашны үзэл санааг бүхэлд нь буруутгасан утга агуулагатай 15 минутын богино хэмжээний баримтат киног Голландын парламентын гишүүн Герт Вилдерс санхүүжүүлж продюссерийн үүрэг гүйцэтгэжээ.

Тэр киногоо бэлэн болгосны дараа телевизээр үзүүлэхрийг хүсжээ. Гэвч Голландын телевизүүд түүний энэ бүтээлийг дэлгэцээрээ үзүүлэхээс татгалзжээ. Үүний дараа улс төрч өөрийн киногоо интернэтийн Liveleak гэдэг өөрийн хувийн сайтдаа байрлуулжээ. Вилдерсын энэ киноны нэрийг Араб хэлнээс орчуулах юм бол “Харгис тэмцэл” гэсэн утгатай. Кино Коран судараар эхэлж Аллахын өмнө нүгэлтэй хүмүүсийн эсрэг тэмцэл хий гэсэн уриагаар эхэлжээ. Дараа нь 9 сарын 11 Нью Йорк хотод болсон алан хядах ажиллагааны дүрс бичлэгээр үргэлжилдэг байна. Бас лалын шашин бол дэлхийн хамгийн шилдэг шашин гэсэн сургаал айлдаж байгаа номлогчын яриаг гаргадаг. Энэ киногоор нь бүхэлдээ лалын шашныг харгис бурангжй гэж харуулах гэж оролджээ. Киноны эцэст барууны соёл иргэншилийн эсрэг чиглэсэн лалын шашны эсрэг алхам хийхийг уриалжээ.

Лалын шашны эсрэг утгатай кино хийсэн Голландын парламентын гишүүний эсрэг лалын хэт үндэрхэг байгуулгуудын зүгээс олон арван заналхийлэл иржээ. Түүнээс гадна Голланыдын эрх баригчид парламентын гишүүн Вилдерсын лалын шашны тухай үзэл баримтлал нь Голландын албан ёсны байр суурь биш гэж мэдэгджээ.

Лид6. Өнгөрсөн пүрэв гаригийн орой Дагестаны Махачкала хотод шатахуун хадгалах баазад хүчтэй дэлбэрэлт болжээ.

Шатахуун хадгалах байгуулагын ажилтаны буруугаас болж энэ хэрэг явдал гарсан байна гэж албаны хүмүүс мэдэгдсэн байна. Дэлбэрэлтийн үеэр нэг хүн амь насаа алджээ. 10 мянган куб метрийн эзэлхүүнтэй цистерн дэлбэрсэн шалтгааныг нарийвчлан тогтоох тусгай хороо байгуулагдсан байна. Дэлбэрэлтийн дараа гал түймэр гарчээ. Гал унтраах 20 нэгж техник, оросйын онц байдлын яамны аврах албаны мэргэжилтнүүд хэргийн газар ирж ажиллажээ. Дүрэлзэж байгаа их хэмжээний галыг унтраах ямар ч боломжгүй. Харин шатахуун өөрөө шатаж дуусахыг нь хүлээх хэрэгтэй. Харин гал түймэрийг газар авахуулахгүй байх арга хэмжээ авсан гэж гал сөнөөгч нар хэвлэлийнхэнд ярьсан байна.

Лид7. Агаарын хөлгөөр нисэж байх үед гар утсаар ярихыг хориглодог билээ . Тэгвэл Европын холбооны гишүүн орнуудын холбоо харилцааны байгуулага онгоцоор нисэх үед гар утсаар ярихыг зөвшөөрөх гэж байна.

Европын холбооны орнуудаас хамгийн түрүүнд Их Британий иргэний агаарын тээврийн компаниудын онгоцонд гар утсаар ярихыг зөвшөөрөч байна. Одоогоос долоо хоногийн өмнө Арабын Эмиратын иргэний агаарын тээврийн компани нислэгийн үеэр гар утас агшиглахыг зөвшөөрсөн юм. Агаарын хөлөг нисэж байх үед зорчигчид гар утсаар ярих боломж олгохын тулд тусгай нэмэлт тоног төхөөрөмжөөр онгоцыг тоногложээ. Үүнээс өмнө нислэгийн үеэр гар утас хэрэглэх нь нислэгийн аюулгүй байдалд сөрөг нөлөө үзүүлнэ гэж болгоомжилдог байлаа. Шинэ төхөөрөмжөөр онгоцыг тоноглосноор агаарын хөлөг 3000 метрээс өндөрт байхад гаөр утсаар ярьж болно. Түүнээс гадна онгоцоор нисэж байх үед утасаар ярих үнэ нь жирийн үеийнхээс хоёр дахин илүү байна.

Лид8. Палестины засаг захиргааны тэргүүн Махмуд Аббас Арабын орнуудын дээд хэмжээний чуулга уулзалтад оролцох үеэрээ Арабын орнуудын батлан гаргасан Энх тайвныг тогтоох санаачлага гэдэг баримт бичигт ямар нэгэн өөрчлөлт оруулахын эсрэг байр суурьтай байна гэж хэлсэн байна.

Энх тайвныг тогтоох тухай Арабын орнуудын баримт бичгийг 2002 онд Бейрут хотод болж өнгөрсөн Арабын Лигийн орнуудын чуулганы үеэр баталж байсан юм. Энэ бичиг баримтад Арабын орнууд Изриальтай тогтоосон харилцааг зохицуулахыг тусгасан байдаг юм. Арабын энх тайвны бичиг баримтад нэмэлт өөрчлөлт хийх ямар ч шаардлага байхгүй гэж Махмуд Аббас хэлжээ. Израиль Арабын орнуудын хооронд найрамдлын гэрэээ байгуулах хэлэлцээр үргэлжилж байгаа ч одоогор үр дүнд хараахан хүрээгүй байгаа гэж Махмуд Аббас онцлон тэмдэглэсэн байна.

Лид9: Елизавета хатан хаан өөрийн эзэмшил газруудын нэгийг алдахаас яаж зайлсхийх бол гэдгийг өнөөдөр Британийн лордууд авч хэлэлцэж байна. Шотландтай залгаа бараг хил дээр оршдог английн Берик –на – Твиде хотын оршин суугчдад хөршүүд нь илүү сайхан амьдарч байгаа юм шиг санагдаад байгаа учраас шотландад нэгдэхийг хүсчээ.

Нийгмийн санал асуулга хатан хааныг сэтгэлийг тайвшруулсангүй. Берик на Твиде хотын ихэнх англичуууд эх оронч үзэлгүйгээсээ болоод Шотландад нэгдэж хилийн чанадад амьдрахыг илүүд үзсэн байна. Шотландтай нэгдэх хөдөлгөөний тэргүүн Барбара Хердман хэлэхдээ“Шотландчууд эрүүл мэнд, болосрол , унаа тээвэрт биднийг бодвол 15ОО фунт илүү зарцуулдаг юм байна лээ. Биднүүс хил дээр амьдардаг болохоор тэнд Шотландад байвал илүү сайхан амьдрах юм шиг санагдаад байдаг юм. Гэхдээ бид энд Англидаа үлдэж эрхээ хамгаалуулах ёстой гэж би хувьдаа боддог “ гэжээ. Эхлээд орон нутгийн сонин дараа нь үндэсний сувгаар явуулсан санал асуулгаар Берик на Твиде хот хоёр хэсэгт хуваагдсан байна. Нутгийн оршин суугчдын 7О хувь нь хотоо Шотландын нэг хэсэг болгохыг хүсчээ. Тэгээд ч дөрөвхөн км –ийн цаана хилийн дээс байгаа бас энэ хотод Шотландын сүм хийд ,банк гээд хөрший нь санагдуулах олон зүйл аль эрт байгуулагджээ. “ Сайн ажиглавал англо шотландын түүхийн олон ул мөрийг энэ хотод харж болно гэж Шотландад нэгдэх хөдөлгөөний бас нэг тэргүүн болох Майкл ярьжээ. Майкл өөрийн талын хүмүүстэйгээ хамтраад хотын амбан захирагч болон Великобританийн ерөнхий сайдад захидал илгээж олон нийтийн санал асуулга явуулахыг шийдэж өгөхийг хүсчээ. Берик на Твиде хот Английн хувьд хэтэрхий умард зүгийнх, шотландын хувьд хэтэрхий өмнөд зүгийнх гэгддэг юм байна. Үүнээс болоод олон асуудал ,түүний дотор бүр хөлбөмбөг ч гэсэн хохирдог гэнэ.” Би уг нь энэ хотод бэлтгэл сургуулилтаа хийдэг хөлбөмбөгийн Берик рейнжер багаа дэмждэг хүн . Гэтэл энэ баг Шотландын лигт тоглодог болохоор англичууд санхүүжүүлж чаддаггүй, английн клуб учраас шотландчууд ч бас чаддаггүй болчихоод байдаг юм гэж Хотын зөвлөлийн тэргүүн Изабель Хантер ярьжээ. Энэ бүхэн бүр 11р зуунаас буюу олс таталтын дайн гэгчээс үүдэлтэй аж. Энэ хотыг нэг бол англичууд нэг бол шотланчууд булаацалдан авч байснаас болж энэ хот 4 зууны хугацаанд 13 удаа хил хязгаараа өөрчилж байсан бөгөөд 1482 онд л англичууд өөрийн мэдэлд бүрэн авчээ. Хурцадмал байдлыг намжаах үүднээс Берик хотыг эзэнт гүрний бүрэлдэхүүнд хагас тусгаар тогтнолын байдалтай үлдээжээ. Энэ хотынхны санаа сэтгэл хэзээ нэг амарч, Берик на Твиде хотын төлөөх шинэ тэмцэл хэзээ дуусах нь одоогоор тодорхойгүй байна .

Лид10. Уран барилгын гайхамшигт дурсгалыг Нижегород мужийн уран арилгачид амжиж аварсан байна .

Энд өнгөрсөн зууны эхэн үед зурагтын цамхагийг томруулсан хувилбарыг алдарт Шабалов барьж босгожээ. Даанч үүнийг цахилгаан дамжуулах шугамын тулгуур болгон хэрэглэж байжээ. Сүүлийн жилүүдэд өндөрлөгийн хэрэгцээ багассанаас болж төмөр хөлнүүдий нь металл түүгчид мэрж дуусчээ. Огторгуй өөд тэмүүлсэн 128 метр энэхүү сүрлэг байгууламжийг холоос харвал сайн ойлгоно. Нарсан ойн дээгүүр орь ганцаар дэвэх мэт харагддаг энэ цамхаг асар бат бөх бөгөөд зохион бүтээгчий нь цаг хугацаанаас түрүүлсэн суутан гэдэг байжээ. Шухов инженер бол Шабаловка дахь алдарт цамхагийг зохион бүтээгч. Тэрбээр анхныхаа бүтээлийг 1896 онд Доод Новгорд хотод болсон бүх оросын худалдаа аж үйлдвэрийн үзэсгэлэнд тавьж байжээ. Уг нь түүний боловсруулсан энэ төслөөр ийм 6 цамхаг босгосон байсан бөгөөд эдгээр нь Ока мөрний нэг эргээс нөгөө эрэг хүртэлх бүх цахилгаан шугамны тулгуур болж байжээ. 198О аад оны сүүлээр эдгээр цамхагийн дэргэд илүү хүч чадалтай шинэ

цахилгаан дамжуулах шугам барьж босгосны дараагаар 5 цамхагий нь салгаж төмрийн хог руу илгээжээ. Сүүлчийн хамгийн өндөр энэ цамхагийг ч гэсэн ийм хувь тавилан заналхийлж байсан юм. Энэ цамхагийг тус бүс нутгийн соёлын өв дурсгал хэмээн үзэж байсан хэдий ч хамгаалах талаар хэн ч санаа тавьж байгаагүй юм байна. Одоо барилгачид төмрийн хог түүгчдийн огтолж авсан тулгуур болон дэр моднуудыг нь сэргээн засварлах гэж байна. Дараа нь улам бүр голын урсгалд идэгдэж байгаа цамхагийн бетонон суурийг нь бэхлэх аж.

Лид11. Кубын удирдагч Кастрогийн удмын гэр бүлийн нэгэн гишүүн улс орныхоо амьдралыг үндсээр нь өөрчлөхийг хүсэж байна. Кубын шинээр сонгогдсон ерөнхийлөгч Рауль Кастрогийн охин Мариэле Кастро Кубы дахь дахь бэлгийн цөөнхийн асуудлаар байр сууриа илэрхийлсэн байна.

Рауль Кастрогийн охин нь Бэлгийн хүмүүжлийн үндэсний төвийн тэргүүнээр нь ажилладаг байна. Тэр одоо бэлгийн цөөнх гэгддэг ижил хүйстэнүүдэд хандах нийгмийн чиг хандлагыг өөрчлөхийг хүсэж байна. Рауль Кастрогийн охин Мариэлэ Кастрогийн хүчин чармайлтаар Кубын үндэсний ассаблей нь ижитл хүйстэнүүдийн эрхийн тухай хуулийг батлах гэж байна. Хэрвээ энэ хууль батлагдах юм бол Латин Америкт хүчин төгөлдөр мөрдөгдөх хамгийн анхны либерал хууль болох юм. Хуулийн дагуу ижил хүйстэнүүд гэрлэх, хатран амьдрах, өмч хөрөнгө гэрээлэн өв залгамжлах, хүйсээ солиулахын тулд үнэ төлбөргүй мэс засал хийлгэх гэх мэт эрхтэй болох юм байна.
Эм. Миний аав, Кубын ерөнхийлөгч Рауль Кастро миний санаачлагийг дэмжиж байгаа. Гэхдээ энэ хуулийг батлуулах гэж яарах хэрэггүй гэж зөвлөсөн. Тэр өмнө нь ижил хүйстэнүүдийн талаар ташаа ойлголттой байсан бол одоо тэднийг ойлгодог болсон.

Рауль Кастрогийн эхнэр, Мариэлегийн ээж нь Кубын эмэгтэйчүүдийн эрхийг хамгаалах хөдөлгөөний идэвихитэй гишүүн байжээ. Өнөөдөр Куба улсад ижил хүйстэнүүд харьцангуй чөлөөтэй байдаг ч өөрийн бэлгийн чиг хандлагын талаар олон нийтэд сурталчилахыг хүсдэггүй байна. Өмнө нь Кубад ижил хүйстэйгээ бэлгийн харьцаанд орвол цагдаа мөрдөн мөшгиж, шоронд хорих ял оноодог байжээ. Харин одоо бэлгийн чиг хандлагаас нь болж шоронд хорьдоггүй байна. Одоогоос 15 жилийн өмнө ижил хүйстэнээ сонирхох нь сэтгэцийн өвчин биш гэдэг дүгнэлтийг Кубын эмч нар хийж, ижил хүйстэнүүдийг нийгэмд хүлээн зөвшөөрч эхэлсэн байна.

Лид12. Францын ерөнхийлөгчийн Британд хийж буй айлчлал үргэлжилж байна

Лондоны Дели Телеграф сонин Францын ерөнхийлөгчийн Британид хийж буй айлчлалын үр дүнг Бидэнд дээр Николя Саркози ирж байхад бид Карла Брунид дурлачихаад байж байдаг “ гэсэн бараг ганцхан өгүүлбэрээр илэрхийлжээ. Францын тэргүүн Гордон Браунтай атомын энергийг хамтран хөгжүүлэх гэх мэтийн хэд хэдэн чухал асуудал авч хэлэлцсэн боловч тэргүүн хатагтай Саркози ганцхан өдрийн дотор бүх британчуудыг гайхашруулж чадсан талаар л хэвлэл мэдээллийнхэн шуугижээ. Олон сэтгүүлч Карлаг залуу Дианатай зүйрлүүлжээ. Харин Саркози өөрөө спорт маягтай харагдаж байсан байна. Тэрбээр хөлбөмбөгийн талбайд гарч, бөмбөг өшиглөн , британийн ерөнхий сайдтай хамтран хэвлэлийн бага хурал хийжээ. Сүүлийн үед төвдөд болсон үйл явдал миний гайхлыг үнэхээр төрүүлсэн. Тиймээс би Франц улс олимпод оролцох үгүйг шийдэх эрхтэй гэжээ. Харин Браун “ Британи олимпийг бойкотлохгүй гэсэн байна. Арсенал цэнгэлдэх хүрээлэнд болж буй франц английн дээд хэмжээний чуулга уулзалт ч бас санасмаргүй зүйл биш юм. Учир нь хөлбөмбөгийн Арсенал багийг францын дасгалжуулагч Арсэн Венгер дасгалжуулж байгаа юм байна.

Лид13. Япон улсын имижийн тодорхойлдог сакура цэцэг дэлбээгээ дэлгэжээ.

Урин дулаан хаврын улирал хэдийнэ ирсэнийг Япончууд сакура цэцэг нахиалж дэлбээлж байгаагаар мэддэг гэж хэлж болно. Тэгвэл Японд ургадаг, өөрийн гоемсог хэлбэр, гайхалтай өнгө үзэмжээрээ дэлхийдл гайхагддаг сакура цэцэг дэлбээлсэн байна. Наран улсын олон сая иргэд хаврын дулаахан энэ өдрүүдэд төрөлх хотынхоо ойролцоох цэцэрлэгт хүрээлэнд гэр бүл найз нөхдийнхөө хамт зугаалж байна. Учир нь одоо сазура цэцэг дэлбээлж байгаа юм. Энэ жил сакура цэцэг өмнөх жилүүдийнхээс 7 хоногийн өмнө цэцэглэж дэлбээгээ нээжээ.

Лид14. Германы Берлин хотын амьтны хүрээлэнд туйлын цагаан баавгай бамбарууш төрүүлсэн тухай бид өмнө мэдээлж байсан билээ. Тэгвэл одоо бяцхан бамбаруушыг олон нийтэд үзүүлэх гэж байна.

Одоогоос хэдхэн сарын өмнө хорвоод мэндэлсэн цагаан баавгай бамбаруушыг Цасхан гэж нэрлэсэн юм. Түүний эх нь төрүүлсэн бамбарууштайгаа хэрцгий харьцаж байсан тул хэсэг хугацааны турш эхээс нь холдуулж, хүмүүс сүүгээр угжиж тэжээж байсан юм. Одоо Цасхан жин нэмж бие дааж чадах болжээ. Иймээс амьтны хүрээлэнгийнхэн түүнд шинэ байр бэлтгэжээ. Удахгүй түүнийг хүмүүст үзүүлэх юм байна.

Лид15. Украйны ерөнхийлөгч Виктор Ющенког хордуулсныг харсан гэрч учир битүүлгээр нас барсан байна

Гол гэрч болох энэ хүн Киев хотын нэгэн дүүргийн цагдаагийн хэлтэс дээр нууц нөхцөл байдалд нас баржээ. 51 настай бизнес эрхэлдэг Владимир Шульга уг нь бичиг баримтыг хуурамчаар үйлдсэн хэргээр гэрчийн мэдүүлэг өгөхөөр иржээ. Шульгатай өмгөөлөгч нь хамт байсан байна. мэдүүлэг өгсний дараагаар тэр хоёр хоёулаа яваад өгсөн боловч мөрдөн байцаагч удалгүй Шульга руу утасдаж буцаж ирэхийг хүсчээ. Шульга цагдаагийн хэлтэст хүрч очоод өмгөөлөгчөө хүлээж байтал гэнэт бие нь муудсан гэж цагдаа нар хэлсэн байна. Түргэн тусламжаар ирсэн эмч нар нас барсан байна гэсэн онош тавьжээ. Зүрхний дутагдал болсон байна гэсэн урьдчилсан онош тогтоогоод байгаа бөгөөд нас барсан хүний цогцсыг шүүх эмнэлгийн задлан шинжилгээ рүү явуулжжээ. 2ОО4 оны 9р сард ерөнхийлөгчид нэр дэвшээд байсан Виктор Ющенкогийн оролцсон оройн зоогийг зохион байгуулсан хүний нэг нь Шульга яг мөн юм байна. Энэ зоогны дараагаар төрийн тэргүүний эрүүл мэнд , гадаад төрх байдал илт муудаж эхэлжээ. Чухам тэр үдэш Ющенког диоксиноор хордуулсан гэдгийг тотоосон бөгөөд одоо хүртэл энэ хэргийг мөрдөн шүүж байгаа юм байна .

Дэлхийн мэдээ 2008-03-27 Пүрэв гараг

Лид1. Норвегийн Олесунд хотод ашиглалтад ороод удаагүй байсан орон сууцны 6 давхар байшин нурж 15 хүн бэртэж, таван хүн ор сураггүй алга болжээ.

Байшин нурсан даруй аврах албаныхан цаг, алдалгүй ирж нуранги дороос нэг хүний цогцосыг олсон байна. Орон нутгийн цагдаагийн газрын мэдээлснээр нуранги дороос дахин амьд хүн олно гэсэн найдвар маш бага юм байна. Бэртэж гэмтсэн хүмүүсийг эмнэлэгт хүргэжээ. Байшин нурах үед 21 хүн дотор нь байжээ. Ор сураггүй алга болсонд тооцогдож байсан нэг хүнтэй цагдаа нар холбоо барьжээ. Аз болоход тэр байшин нурсан шөнө гэртээ хоноогүй байжээ. Байшин нурсан шалтгааныг тогтоогоогүй байна. Өнгөрсөн шөнө байшингийн оршин суугчидыг гэртээ хонохгүй байхыг аврах албаныхан зөвлөжээ.

Лид2. Европт хүнсний бүтээгдэхүүнтэй холбоотой ноцтой хэрэг дэгдсэн байна. Дэлхийд амт чанараараа гайхагддаг Италийн моцарелла бяслагнаас диоксин гэдэг химийн хорт бодис илэрчээ. Тэгвэл Францын хүнсний барааны дэлгүүрийн лангуун дээр гэдэсний халдварт өвчин үүсгэгч савханцартай 3 тонн мах тавигджээ.

Европын холбооны эрүүл мэндийн байгуулага хүнсний бараа яагаад хордсоныг судлах ажилыг эхлүүлжээ. Харин дэлхийн олон орон Итали, Францаас хүнсний бараа худалдан авахаас татгалзаж байна. Италийн нэрийн бүтээгдэхүүн болсон бяслагнаас гадна хөдөө аж ахуйн фермийн үнээний сүү, малын тэжээлээс ч бас илэрчээ. Малын гаралтай бүтээгдэхүүн хордсоноос болж Италийн "Моцарелла ди Буфала Кампанья" бяслагны үйлдвэр өдөр тутмын сонинд захиалсан зарлал сурталчилгааг хэвлүүлэхээс татгалзахад хүрсэн байна. Европт дэгдээд байгаа энэ дуулиантай хэргээс болж Европын орнууд гэлтгүй Азийн орнууд ч Итали, Францтай хийх худалдааны гэрээнээсээ түдгэлзжээ. Үнээний сүү, идэш тэжээлийн ургамал нь яагаад диоксиноор хордсоныг тогтоох мөрдөн байцаалт эхэлжээ. Италийн бяслагны үйлдвэрийн 100 гаруй албан хаагчид энэ хэрэгт сэжигтэнээр татагджээ. Шинжээчдийн үзэж байгаагаар бол малын гаралтай бүтээгдэхүүн хордсон нь Италийн Кампанье мужын хүрээлэн байгаа орчин муу байгаатай холбоотой байж магадгүй юм байна. Кампанье хотын хог ачих бизнес зохион байгуулалттай гэмт хэргийн бүлэглэлийн хараа хяналтад байдаг. Гэмт хэргийн бүлэглэлийнхэн хог ачих ажлыг тасалдуулаад байгаа гэнэ. Италийн хөрш Франц улсад ч түгшүүрийн харанга дэлджээ. Францын хүнсний дэлгүүрийн лангуун дээр гэдэсний халдварт өвчин үүсгэх савханцартай үхрийн мах байгаа нь илэрчээ. Үхрийн мах химийн хортой бодистой байгааг одоогоос 10 хоногийн өмнө мэдсэн байна. Мэргэжлийн байгуулага шинжилгээ хийж байх хооронд хүнсэнд хэрэглэхэд аюултай махны ихэнхи хэсэг нь зарагджээ. Үхрийн мах хүнсэндээ хэрэглэсний дараа бие эвгүйрхсэн гэсэн зовиур хэлсэн 42 хүн эмнэлэгт хандсан байна.

Лид3. Олимпын бамбарыг дэлхий тойруулах аялал үргэлжилж байна. Өчигдөр олимпын бамбар Грекийн баруун хойд мужын Янина хотод өртөөлөн иржээ.

Олимп уулаас Янина хот хүртэл 198,5 км зайтай юм байна. Олимпын бамбарыг угтан авах ёслол хотын төв талбайд болжээ. Янина хотын төв талбайд Олимпын бамбарыг 2004 оны Олимпын наадмын аварга Георгиос Маркулас барьсаар хотын төв талбайд орж иржээ.Үүнээс өмнө олимпын бамбар Грекийн Агринио, Амфилохи хотуудаар дайран өнгөрчээ. Олимпын бамбар өртөөлөн явж байгаа хотуудад хятад грекийн төрийн далбааг барьсан хүмүүс тамирчдад баяр хүргэжээ. Өнөөдөр олимпын бамбар Грекийн Метсово, Гревена, Козани зэрэг жижиг хотуудаар дайран өнгөрнө.

ТОВЧ

Цанын спортоор хичээллэж байсан 8 хүн Саха Якутын бүгд найрамдах улсын нутагт цасан уруйд өртөж осолдсон байна. Тэдний хоёр нь амь насаа алджээ. Харин шархадсан нэг хүнийг МИ 8 нисдэг тэргээр Якутск хотод хүргэжээ. Үлдсэн таван хүний эрүүл мэндийн байдал сайн байсан тул эмнэлэгийн үзлэгийн дараа төрөлх хот руугаа явжээ.

Дэлхийн зах зээл дээр газрын тосны үнэ ялимгүй нэмэгдсэн байна. Энэ нь АНУ ын газрын тосны нөөц багасаж байгаа гэсэн мэдээлэлтэй холбоотой м байна. Одоо нэг баррель газрын тос 103,99 долларын үнэтэй байна.

ОХУ ын нийслэл Москва, Санкт-Петербургийг холбосон авто зам дээр бараг 50 км үргэлжилсэн урт түгжрэл үүссэн байна. Замын түгжрэл үүссэн гол шалтгаан нь хүнд даацын хоёр ачааны машин мөргөлдсөнтэй холбоотой юм байна. нэгэн зэрэг 2000 орчим машин зам дээр гацаад байгаа юм байна. Одоогоос хэд хоногийн өмнө их хэмжээний цас орж халтирга гулгаа үүссэн нь осол гарах үндсэн шалтгаан болжээ.

Лид4 АНУ-н ерөнхийлөгч Жорж Буш Хятадын талыг Төвдийн Далай багштай хэлэлцээр хийхийг хүсээд Хятадын удирдагч Ху Жинтао-г үүсээд буй тэмцэлд анхаарлаа илүү ихээр хандуулан, Гадаадын сэтгүүлчид дипломат албаныхнанд хилээ нээхийг хүслээ.

Хятадын тал Дала Ламыг жагсаал цуглааныг өдөөн хатгасан хэмээн буруутгаж байгаа бол Далай лам Хятадыг үйлдэж буй зэрлэг балмад хүчирхийлэлд буруутгаж байгаа бөгөөд Хятадын талтай хэлэлцээр хийхийг хүсч буй юмаа.”Ноён ерөнхийлөгч Төвдөөд үүсээд буй нөхцөл байдалд ихээр анхаарлаа хандуулж байгаа бөгөөд төвдтөй хэлэлцэр хийхиййг санал болгож байгаа. Түүнчлэн Хятадыг Төвд руу сурвалжлагч, дипомат ажилчдыг нэвтрүүлэхийг шаардаж байгаа” гэж цагаан ордны төлөөлөгч Дана Пэрино мэдэгдлээ.Хятадын тал өнгөрсөн Лхагва гаригт хэсэг гадаадын сурвалжлагчдыг Төвдийн нийслэл Лхас хотод нэвтрэх зөвшөөрлийг тэмцэл эхэлснээс хойш анх удаа олгосон билээ. Ассошэйтэд агентлагын мэдээлж буйгаар сурвалжлагчдыг Төвдийн удирдагчдын байрладаг Потала ордны дэргэдэх Потала талбай руу аваачжээ. Уг удирдагчдын байрладаг Потала ордон нь өнгөрсөн 3.14-с хойш хаалттай байж байгаад дахин нээлдсэн билээ. Түүнчлэн сурвалжлагчид тэмцлын үеэр шатсан дэлгүүрүүдтэй гудамжаар явжээ. Францын ерөнхийлөгч Николас Саркози ч Хятадын талыг Төвдтэй хэлэлцээр хийхийг шаардаж байгаа юмаа.Хятадын эсрэг тэмцэл гуравдугаар сарын арванд эхэлсэн бөгөөд уг тэмцэлд 19 хүн амиа алдсан гэж Хятадын тал мэдэгдсээр байгаа хэдий ч, Төвдийн удирдагчид Хчтадын аюулгүйн хүчнийхний гарт 140 хүн амиа алдсан гэж мэдэгдэж байгаа юм.

Лид5. Иракын өмнө хэсгийн Басра хотод шийтийн хэт үндсэрхэг Махдигийн арми бүлэглэл, Ирак, Америкийн зэвсэгт хүчнийхэний хооронд гурав дахь өдрөө ширүүн тулаан үргэлжилж байна.

Энэ долоо хоногийн даваа гарагт Иракын ерөнхий сайд Нури Али Малики Басра хотод хийх цэргийн ажиллагааг биечлэн удирдахаар Багдадаас явсан юм. Сүүлийн хэдэн сард анх удаа Иракад ийм өргөн далайцтай цэргийн ажиллагаа болжээ. Аль Жазира телекомпаний мэдээлснээр Басра хотод Махдигийн арми бүлэглэл бүрэн хяналтаа тогтоогоод байсан юм. Лалын хэт даврагсадын дарах зорилоготой энэ тулаанд АНУ ын цэргүүд дэмжлэг үзүүлж байгаа. Махдигийн Арми бүлэглэлийнхэн 24 цагийн дотор цэргийн ажиллагаагаа зогсоохыг шаарджээ.

Лид6. Францын ерөнхийлөгч Николас Саркози Их Британид хийх анхны, албан ёсны айлчлалаа эхэлсний маргааш өдөр дуудлага худалдааны компаны түүний эхнэрийн нүцгэн зургийг дуудлага худалдаагаар худалдах гэж байгаагаа зарлалаа.

Николас Саркози болон супэрмодэль асан Карла Бруни нарыг Лхагва гаригт Хитроу нисэх онгоцны буудалд буусны дараа Вэйлэсийн хунтайж, Корнволын Гүнгийн авхай нар угтан авсан юм. Дараа нь тэд Лондонгоос гарч Виндсор луу яван Хатан хаан Элизабэт болон Эдинбургийн гүн нартай ордонд нь уулзалдсан юм. Уулзалтын үеэр Николас Саркози түүний засгийн газар Афганистан руу илүү их цэрэг илгээхээр төлөвлөж буйгаа ярьсан юмаа. Францын ерөнхийлөгчийн айлчлалын хуваарь ёсоор Лхагва гаригын орой Виндсор ордонд хүлээн авалт зохион байгуулжээ. Николас Саркозигийн айлчлалаас илүүтэйгээр түүний эхнэр олны анхаарлыг татаад байгаа юм. Ассошиэтэд агентлагийн мэдээлж буйгаар ирэх сард Нью йорк хотноо Саркозигийн эхнэр, загвар өмсөгч асан Карла Брунигийн 1993 онд авахуулсан нүцгэн зургийг дуудлага худалдаагаар худалдах гэж байна.Уг зургийг Майкл Комтэ авсан бөгөөд Их Британд айлчлал хийж буй Францын ерөнхийлөгч болон түүний эхнэр одоогоор ямар нэгэн мэдэгдэл хийгээгүй байна.

Лид 7. Холливудын нэрт жүжигчин Ричард Видмарк 93 насандаа өвчний улмаас таалал төгслөө.

Ихэвчлэн алуурчны эсрэг талын дүрд тоглодог байсан жүжигчин Ричард Коннэктикут дах гэртээ даваа гаригт таалал төгсжээ. Тэрээр 50-д оны Шөнө ба хот, Үхлийн үнсэлт хэмээх олон сайхан кинонд тоглосон бөгөөд хамгийн сүүлд 1991 онд Үнэн өнгө хэмээх адал явдалт кинонд тогложээ. “надад одоо кино хийх бүхий л үйл явц уур хүргэм төвөгтөй санагдаж байна. Цаашид тэсч чадахгүй нь ” хэмээн 1987 онд хэлж байжээ.

1914 онд Миннэсота-д төрсөн бөгөөд уран бүтээлийн гараагаа радио, театрт ажиллан эхэлжээ. Харин үхлийн үнсэлт кинонд алуурчны дүрийг бүтээснээр түүний кино урлагийн замнал эхэлжээ.

Энэхүү киногоороо тэрээр Оскарт нэр дэвшин, алтан бөмбөрцөг кио наадмаас шилдэг шинэ жүжигчний шагнал хүртсэн билээ.

Жүжигчин Ричард Видмарк 1947- 1992 оны хооронд нийтдээ 70 гаруй кинонд тогложээ.

Лид8. Ирэх долоо хоногт АНУ ын төрийн тэргүүн Жорж Буш ОХУ ын Сочи хотод айлчлал хийх гэж байна.

Тэнд Оросын ерөнхийлөгч Владимир Путин Жорж Буштай уулзаж пуужингийн довтолгооноос сэргийлэх төхөөрөмжийн тухай асуудлыг хэлэлцэх м байна. АНУ пуужингийн довтолгооноос сэргийлэх төхөөрөмөө Чех, Польшийн нутаг дээр байрлуулах гэж байгаа нь манай улсын үндэсний аулгүй байдал, эрх ашигт харшилж байгаа гэж Оросын албаны хүмүүс үзэж байгаа юм. Бид ОХУ д ямар ч аюул заналхийлэл үзүүлэхгүй гэж Америкчууд оросуудыг тайвшруулж байгаа юм. Харин цөмийн хөтөлбар хэрэгжүүлж байгаа Ираны гэнэтийн довтолгооноос Европ дахь холбоотон орнуудаа хамгаалах нь бидний зорилго гэж Пентагон тайлбарласаар байгааа билээ. Би Сочи хотод очсон хойноо Оросын төрийн тэргүүнтэй хэлэлцээр хийж харилцан ойлголцож чадна гэж найдаж байна хэмээн ноён Жорж Буш Вашингтон хотод байхдаа мэдэгджээ. АНУ ын ерөнхийлөгч Украин, Хорваь улсад айлчлал хийсний дараа Сочид зочлохоор төлөвлөжээ. Сарын 6 нд Жору Буш, Путин нар уулзана. Ирэх таван сард ОХУ ын ерөнхийлөгч Путины бүрэн эрхийн хугацаа дуусгавар болж байгаа тул Путин Жорж Буш нарын хувьд энэ удаагийн уулзалт нь төрийн тэргүүний хувьд хийх сүүлчийн уулзалт нь болох юм.

Лид9. АНУ ын хилийн дээсийн давах журамд өөрчлөлт гарсан байна. АНУ –д ирж байгаа, мөн гарч байгаа хүмүүсийн арван хуруууны хээг тусгай төхөөрөмжөөр авч компьютерт хадгалж байх болжээ.

Үүнээс өмнө зорчигчдийн хурууны хээг авах туршилт хийж байсан юм. Туршилт хийх хугацаанд АНУ хилийн шалган нэвтрүүлэх албанд 90 сая хүний хурууны хээг авч үлджээ. Хурууны хээ авах ажиллагаа нь зорчигчдод ямар ч хүндрэл учруулахгүй юм байна. Бүх зорчигдийн арван хурууны хээг авах ажилд АНУ ын засаг захиргаа 30 мянган доллар зарцуулж байгаа юм байна. АНУ ын хилийг давж байгаа 14-өөс 79 насны хүмүүсийн хурууны хээ, толгойн хэлбэр, нүдний алимны өнгө зэргийг хадгалдаг юм байна. Энэ нь алан хядагчийг хил нэвтрүүлэхээс найдвартай сэргийлнэ гэж АНУ ын засаг захиргаа үзэж байна.

Лид10. АНУ ын сансрын уудмыг шинжлэн судлах төвийн Эндоьер хөлөг Флорида мужын Канавералын хошуунд амжилттай газардсан байна. Эндовер хөлөг дэлхийн тойрог замаас Гринвинчийн цагаар 23 цаг 33 минут, Улаанбаатарын цагаар пүрэв гарагийн 7 цаг 33 минутад гарч дэлхийн агаар мандалд орж иржээ. Флорида мужид цаг агаар таагүй байсан тул сансрын хөлгийг газардах хугацааг нэг цаг 30 минутаар хойшлуулсан байна. Сансрын хөлгийг шөнийн цагаар газардуулж байсан тохиолдол ховор байдаг. Эндовер хөлөг харанхуйд газардсан шигээ мөн гөний цагаар хөөрч байсан юм. Эндовер сансрын хөлөг 16 хоногийн турш олон улсын сансрын станцтай холбогдож багийн гишүүд 5 удаа задгай сансарт ажиллаж хэд хэдэн чухал даалгавар биелүүлсэн юм. Энэ хугацаанд сансрын нисэгчид Японы судалгааны лаборатор, канадын роботыг олон улсын сансрын станцийн гадна угсарсан билээ. Дараагийн удаа 5 сарын эхээр АНУ сансрын хөлөг хөөргөх юм байна. Дэлхийн тойрог замд байгаа олон улсын сансрын станцид ажиллаж байсан Францын сансрын нисэгч Леопольд Эйхартс америкийн Эндовер хөлгөөр эх дэлхийдээ эргэж ирсэн билээ. Харин францын сансрын нисэгчийн оронд олон улсын сансрын станцид АНУ ын сансрын нисэгч Гаррет Рейсман үлдсэн байна. Эндовер сансрын хөлгийг 2010 он хүртэл ашиглах бөгөөд дахин 10 удаа нислэг хийх боломж байгаа юм байна.

Лид11. 3 сарын 29 өөс 30 хооронд Сири улсын Дамаск хотод болох Арабын орнуудын чуулга уулзалтад Ливан улс оролцохгүй гэж албан ёсоор мэдэгдсэн байна.

Гэвч Ливаны гадаад хэргийн сайд нв төрийн тэргүүн, ерөнхий сайдтайгаа санал нийлэхгүй байгаа юм байна. Ливаны гадаад хэргийн сайд Аль Мауллемын хэлснээр Дамаскт болох арабын орнуудын чуулга уулзалтын үеэр бид Изриаль улстай үүсэн бий болоод байсан үл ойлголцох асуудлаа хэлэлцэх боломжыг алдаж байгаа юм гэж хэлжээ. Арабын орнуудын чуулга уулзалтыг сүүлийн 20 жилийн турш зохион байгуулж байгаа юм. Ливан улс аннх удаа энэ чуулганд оролцохоос татгалзаж байна.

Лид12. Форд концерн энэтхэгий авто машины ТАТА үйлдвэрт Ягуар, Лэнд Ровер маркийн хоёр машинаа үйлдвэрлэх эрхийг худалдах шийдвэр гаргажээ.

Англи, Энэтхэгийн автомашины салбарт хийгдэж байгаа энэ арилжааны үнэ өртөг нь 2,3 тэрбум доллараар хэмжигдэж байгаа юм байна. ФОРД концерн 20-р зууны дунд үеэр Ягуар, Лэнд Роверийг үйлдвэрлэх эрхийг авахдаа үүнээс хэд дахин их хэмжээний доллар зарцуулж байсан юм. Ягцар, Лэнд Роверийн шинэ эзэмшигч нь болж байгаа энэтхэгийн ТАТА компани өмнө нь ажиллаж байсан хүмүүсийг ажлаас нь халахгүй, орон тооны цомхотгол хийхгүй гэж амалжээ. Ингэснээр 15300 хүний ажлыг байр хэвээр хадгалагдан үлдэх юм.

Лид13. Испаний улсын Мадрид хотоос холгүй байх Сьерра де Атапуэрка уулын агуйгаас одоогоос 1,2 тэрбум жилийн тэртээ амьдарч байсан хүний эрүү нүүрий ясыг олжээ.

Энэ эрүүний яс нь эмэгтэй хүнийх гэж эрдэмтэд таамаглал дэвшүүлсэн байна. Балар эртнимй үеийн хүний эрүүний яснаас гадна чулуун зэвсэг, ямар нэгэн амьтаны сийлбэртэй яс олджээ. Энэ бол европын нутгаас олдож байгаа хамгийн эрт цагт хамаарах архелогийн олвор гэж малтлага хийж байгаа эрдэмтэдийн ахлагч, хүний хөгжил хувьсалыг судлах Испаний эрдэм шинжилгээний хүрээлэнгийн мэргэжилтэн Хосе Мария Бермундес де Кастро хэлсэн байна. Бидний олсон эрүүний ясны хэв шинж нь одоогоос нэлээн хэдэн жилийн өмнө Гүржийн Дманиси мужын орчимоос олдож байсан эртний хүний эрүүний ястай ижил төстэй байна гэж эрдэмтэд мэдээлжээ. Үүнээс өмнө испаний нутаг дэвсгэрээс эртний хүний үлдэгдэлийг олж байсан түүхтэй. Тухайлбал 1990 оны эхээр испаний эрдэмтэн судлаачид 780 мянган жилийн өмнөх хүний ясг олж судлаж байсан. Эдгээр малтлагуудын үр дүнд хүн төрхт сармагчин нь неандертальцийн овог гэдэг дүгнэлтийг хийжээ.

Лид14. Иордан улсад Оросын үнэн алдартны шашинтнуудад зориулсан мөргөлийн сүм барих гэж байна. Сүмийн барилгийн шав тавих ёслол болжээ.

Үнэн алдартны шашинтнуудад зориулсан сүмийг Иордан голын зүүн эрэгт, Исус Христийг загалмайлсан гэж домогт гардаг газар барьж байгуулах юм байна. Барилгийн шав тавих ёслолд ОХУ ын ерөнхийлөгчийн туслах тэргүүнтэй албаны хүмүүс оролцсон байна. Сүмийн шавыг тавихдаа хойч үеийнхэнд хандан бичсэн илгээлтийг металл хайрцагт хийжээ. Дараа нь рашаан усаар газарыг шүршжээ. ОХУ ын ерөнхийлөгч Путиныг Иордан улсад айлчлал хийх үеэр үнэн алдартны шашны сүм барих турхай тохиролцоог хийсэн байна. Нэг га газрыг Иордан улс Оросыйн талд ямар ч төлбөргүйгээр хугацаагүй ашиглуулах болжээ.

ЭНЭ ӨДӨР

Өнөөдөр дэлхийн театрын өдөр 1961 оноос хойш Дэлхий даяар театрыйн өдрийг тэмдэглэх болсон юм.

1854 оны энэ өдөр Франц, Англи улс хаант орос улсад дайн зарлаж түүхэнд Крымын дайн гэж тэмдэглэгдсэн дайн эхэлжээ.

1860 оны энэ адар Нью Иоркийн оршин суугч Бирн дарс, ундааны бөглөө, лаазалсан бүтээгдэхүүн ойнголгогч зохион бүтээж патент авсан байна.


1968 оны энэ өдөр сансрын нисэгч Юрий Гагарин нисдэг тэргээр сургуулилт хийж байгаад осолдоаж амь насаа алдсан байна.

1990 оны энэ өдөр Лондон хотод Шерлока ХОЛМС-ын тухай музей нээгдсэн байна. .

2008-03-26

Дэлхийн мэдээ 2008-03-26 Лхагва гараг

ЛИД 1: АНУ Тайван руу цөмийн хошууны дэлбэрэх бодис санамсаргүй илгээжээ.

АНУ баллистик пуужингийн цөмийн хошууг эвдэхэд ашигладаг 4 дэлбэрэх бодисыг Тайвань руу андуураад явуулсан тухай Франс Пресс агентлаг мягмар гаригт мэдээлсэн билээ. Бүр 2ОО6 оны сүүлээр нисдэг тэрэгний аккумлятортай хамт Тайваньд дэлбэрэх бодис бүхий пуужингийн зарим нэг хэсэг орж ирж байжээ. Гэвч энэхүү андуурсан хэргийг цэнэглэгч зайны нийлүүлэлт хангалтгүй байгаа тухай Тайваний захиалагчид гомдол мэдүүлсний дараагаар буюу өнгөрсөн долоо хоногт л мэджээ. Энэ бүх хугацаанд агуулахад хадгалагдаж байсан дээд зэргийн аюултай сэлбэгүүдийг даваа гаригт АНУ руу буцаасан байна. Дайчдын үзэж байгаагаар иймрэхүү маягийн дэлбэрэх бодисыг үйлдвэрлэн гаргах технологийг 196О аад онд боловсруулсан бөгөөд одоо хүртэл нууцлагдмал хэвээр байгаа юм байна. Тайвань руу дэлбэрэх бодисыг андуураад явуулсан гэж Пентагон хүлээн зөвшө өрчээ. АНУ ын Батлан Хамгаалах Яамны сайд Роберт Гейтс энэ хэргийг мөрдөн судлах ажиллагааг эхэлж , мөн америкийн цөмийн зэвсгийн бүх эд ангийг тоолж бүртгэж үүнээс хойш тэдгээрийг зааврыг дагуу ашиглахыг үүрэг болгожээ. Бааллистик пуужингийн нэгээхэн хэсэг өөр улсын цэрэг дайчдын мэдэлд удаан хугацаагаар байж байсан нь АНУ ын батлан хамгаалахад хохирол учруулсан үгүйг одоогоор мэргэжилтнүүд тодорхой хэлж чадахгүй байгаа юм байна.

ЛИД2. Мухтада Аль Садр ардын бослого өрнүүлэхээ амлажээ.

Шийтийн шашны тэргүүн Мухтада Аль Садр өөрийнх нь хянаж байдаг Басра дахь Махдигийн арми руу довтлохоо болихгүй бол үндэсний хэмжээний ардын бослого өрнүүлнэ гэж андгайлсан тухай Ассошейтэд Пресс агентлаг 3р сарын 25 нд мэдээлсэн билээ.Засгийн эрх баригчдын үйл ажиллагааг эсэргүүцэж Иран даяар суугаа бослого хийхйиг шашны тэргүүн өөрийн талыг баримтлагчдад уриалжээ. Басра дахь дайныг таслан зогсоож Аль Садрагийн талын шоронд хоригдож буй хүмүүсийг суллахыг шаардсан шийтүүдийн жагсаал Багдадад болжээ. 2 сая орчим хүн амьдран суудаг Садр – Сити дүүрэгт Махдагийн армийн цэрэг дайчид цагдаагийнхан болон цэргийн хүмүүсийг гудамжнаас зайлахыг шаарджээ. Иракийн дайчид болон Басра дахь Махдагийн армийнхны хоорондын тулаанд одоогийн байдлаар 12 хүн амь үрэгдээд байгаа юм байна . Хотод байнга буудалцаан болж хүнд их буугаар буудаж , байлдааны нисдэг тэргүүд хүртэл оролцож байгаа тухай Ройтер агентлаг нүдээр харсан хүмүүсийн ярианаас үндэслэн мэдээлжээ. Басрад явуулж байгаа дайны ажиллагаа бол Аль Садрагийн талыг баримтлагчдын эсрэг чиглээгүй , гагцхүү хууль бусаар зэвсэг эзэмшиж, энгийн номхон ардуудад заналхийлж байгаа дайчдын эсрэг чиглэсэн юм гэж Иракийн засгийн эрх баригч нэгэн төлөөлөгч мэдэгджээ.

ЛИД:3. Суэцийн сувагт амь үрэгдсэн египет иргэний тухай мэдээллийг АНУ үгүйсгэжээ.

Каир дахь АНУ ын элчин сайдын Яам Суэцийн сувагт хөвж явсан америкийн ачааны Глобал Пэтриот гэдэг хөлөг онгоц гал нээснээс болж нэг египет хүн амь үрэгдэж , 2 хүн шархдсан тухай мэдээллийг үгүйсгэсэн байна. Завьтай хөвж явсан хүмүүст дөхөж очиход 2О –3О метрийн зайтай байхад бүх зэвсэг нь усанд унасан гэж баталж байгаа ч урьдчилан сануулж буудсан гэдгээ үгүйсгэсэнгүй. Мохаммед Моктар Афифи гэдэг хүн амь үрэгдсэн , бас 2 худалдаачин шархадсан гэдгийг египетийн хууль сахиулах байгууллагаас мэдэгджээ. Америкийн ачааны энэ онгоц Улаан тэнгисээс газрын дундад тэнгис хүү чиглэн явж байсан бөгөөд энэхүү хэрэг харанхуй болсны дараа болсон юм байна. Завинд суусан египет худалдаачид хөлөг онгоцныханд өөрийн бараагаа худалдах гэж дөхөж очихыг оролдоход нь америкийн далайчид гал нээнэ гэдгээ чанга яригчаар худалдаачдын ойлгохгүй англи хэлээр биш араб хэлээр сануулан хэлжээ. Үүний дараа нэг завь дөхөн хөвсөөр байсан учраас гал нээсэн юм байна.

ЛИД:4. Бүгд Найрамдах Белорусс Ард Улсыг үндэслэн байгуулсаныг тохиолдуулан зохион байгуулсан ажиллагаанд оролцсон 1ОО гаруй оролцогчдыг өчигдөр Минскт баривчилжээ.

Баривчлах үедээ тусгай ангийн цэрэг дайчид жагсагчдыг бороохойгоор нүдэж хөлөөрөө өшиглөж байсан гэж нүдээр үзсэн хүмүүс ярьсан байна . Хууль сахиулах байгууллагынхан москвагийн цагаар 22 ОО гэхэд хотын нөхцөл байдлыг хяналтандаа авчээ. Баригдсан хүмүүсийн дунд Наша Нива сонины сурвалжлагч Семён Печенко , Андрей Ленкевич, мөн Чехэд бүртгэлтэй Залуу фронт гэдэг олон нийтийн нэгдлийн идэвхтнүүд, бас Польшийн хэд хэдэн иргэн оржээ. Белоруссийн Дотоод Явдлын Яам жагсаалд оролцогчдыг баривчилсан тухай мэдээллийг албан ёсоор нотолсон хэдий ч яс тоо хэлэхээс татгалзжээ. БН Белорусс АУыг үндэслэн байгуулсан өдрийг тохиолдуулан нийслэлийн төл хэсэгт жагсаал цуглаан явуулах тухайгаа энэ арга хэмжээг зохион байгуулагчид мэдэгджээ. Үйл ажиллагаа болохоос 5 хоногийн өмнө жагсаалаа Шинжлэх ухааны Үндэсний Академийн барилгаас Бангалор талбай хүртэл хийхийг Минскийн эрх баригчид санал болгосныг зохион байгуулагчид хүлээн зөвшөөрөөгүй юм байна. Тэд Якуб Коласын талбайд цугларч дараа нь Володар, Городской Вал, Максим Богдановичийн гудамжнуудыг дайран Янка Купалагийн модот цэцэрлэг хүртэл Тусгаар тогтнолын өргөн чөлөөгөөр явж өнгөрөхөөр төлөвлөж байжээ. Дараа нь цуглаан хийх ёстой байсан юм байна. Гэтэл мягмар гаригт арга хэмжээ зохион байгуулахын өмнөхөн Якуб Коласын талбайд тусгай ангийнхан хөл хорьжээ. Жагсагчдын нэг хэсэг Шинжлэх Ухааны Академийн барилга руу очиж цуглаан хийжээ. Дараа нь идэвхтнүүд Үндэсний номын сангийн барилгын зүг жагсаалаа үргэлжүүлэхийг оролджээ. Гэтэл тэднийг цагдаа нар хорьж зогсоожээ. Янка Купалагийн модот цэцэрлэгт цуглах гэсэн жагсагчдыг мөн л тусгай салааныхан хөөж тараажээ. Удалгүй жагсагчдын зарим хэсгийг баривчилсан бөгөөд зарим хэсэг нь ойр орших гудамжнуудаар салж сарнижээ. Мягмар гаригт Минскт болсон янз бүрийн арга арга хэмжээнд 3 мянган хүн оролцсон гэж зохион байгуулагчид мэдээлжээ.

ЛИД5: Орос,Гүржийн агаарын харилцаа шинэ үе шатанд орлоо ,

Өнөөдрөөс эхлээд энэ хоёр орны агаарын харилцаа шинэ үе шатанд орж байгаа юм. Жил хагасын дараа өнөө орой Домодедовогийн нисэх онгоцны буудалд Тбилисээс ирэх онгоц анх удаа газардах гэнэ. Энэ онгоцны ирэх буцах нислэгийн бүх тийз зарагджээ. Агаарын шугамд гүржийн төдийгүй оросын 2 агаарын пүүс ажиллахаар болжээ. Гүржээс Москва , Петербург руу, Оросоос Тбилиси рүү нисч болох юм байна. Мөн Кутаиси , Батуми руу шууд нислэг хийхээр төлөвлөжээ. Тбилиси рүү өдөр бүр нислэг хийх болсон нь үнэн алдартны шашинтай хоёр ард түмнийг ойртон нягтруулж, ажил хэрэгч харилцааг хөгжүүлэх болно гэж агаарын пүүсийн ерөнхий захирал ярьжээ. Нислэгийг ингэж өөрчлөн шинэчилсэн нь хоёр орны харилцааны уур амьсгалд эерэгээр нөлөөлж, уламжлалт сайн хөршийн харьцаагаа сэргээхэд чухал үйл явдал болно гэж Гадаад Явдлын Яамны мэдэгдэлд өгүүлжээ. Хоёр орны харилцаа хурцадсанаас болж 2ОО6 оны намар агаарын харилцаагаа тасалсан юм байна. Тэр үед Гүржийн диспетчерийн алба оросын талд олон саяын өртэй байсан учир оросын газар нутаг дээгүүр нислэг хийхийг гүржийн агаарын пүүсүүдэд хоригложээ.

ЛИД 6: Жуулчид цасан нурангид дарагджээ.

Якутад цасан нурангид дарагдсан жуулчдыг аврагчид маргааш өглөө л гаргаж авч чадах юм байна. Аялах багийн гишүүн болох Артём Бикушев, Олег Кулешов хоёр амь үрэгдэж бас нэг жуулчин нугасандаа хүнд гэмтэл авсан тухай аврагчид мэдээлжээ. Якутийн Сунтар –Саята нуруунд казанийн тамирчид явж байхдаа энэхүү золгүй явдалд өртжээ. Багийн бүрэлдэхүүнд 8 хүн байсан бөгөөд аюулд учраад байгаагаа тэд өөрсдөө дохио өгөн мэдэгджээ. Одоогоор онцгой байдлын албаны ажилтнууд , эмч нар тэдэн рүү нисдэг тэргээр хүрч очоод байна. Онцгой байдлын Удирдах газрын мэдээллийн албанаас Жуулчид бүгд спортын өндөр туршлагатай тамирчид . Даанч тэдний явж өнгөрөх аяллын замын чиглэл хүнд төвөгтэй, туулж гарахад хэцүү гэж тооцоогддог юм гэж мэдээлсэн байна

ЛИД 7: Бразилийн Гояс мужийн оршин суугчид нэг сонин зүйлийн эзэд болчихоод хаанаас юу гээч хүрч ирсэнийг мэдэхийг оролдож байна.

Энэ зүйлийн гэрэл зургийг сансрын нисдэг биетийг сонирхдог олон хүн судалж байгаа юм. Үүнийг өөр гаригийн онгоц байх гэж ихэнх нь үзэж байна. Гэвч сохроор шүтэн бишрэгчид бразилд байгаа сансрын нисдэг энэ биетийг огторгуйн хог хаягдал гэж баталж байна. Эрх мэдэлтнүүд тайлбар хийхээс татгалзаж байгаа нь янз бүрийн хачин хачин хувилбарт санаа бодол төрүүлэхэд хүргэж байна гэж НТВ ээс мэдээлжээ.

ЛИД 8: Санкт Петербургийн замын албаныхан цасан шуурганаас болж бий болсон гүн хунгарыг бүтэн шөнөжингөө арилгаж цэвэрлэжээ.

Гудамж талбай, гүүрнүүдийг нойтон цаснаас цэвэрлэхэд 7ОО гаруй цэвэрлэгээний машин ашиглажээ. Оройн оргил цагийн өмнөхөн цасаар шуурч хотын зам тээврийн хөдөлгөөн бүрмөсөн зогсчээ. Невскийн болон Лиговскийн өргөн чөлөөнд нөхцөл байдал нилээд хүндрэлтэй байгаа юм байна. Олон килотетр үргэлжилсэн бөглөрөл үүссэнээс болж замын осол жирийн үзүүлэлтээсээ 2 дахин ихэсчээ. Салхин шуурганаас болж зар сурталчилгааны хэд хэдэн самбар унаж эвдэрчээ. Цаг уурчдын мэдээлснээр тус бүс нутагт ойрын хэд хоног тэнгэрийн муухай арилах төлөвгүй байгаа юм байна . Хувийн машинаараа явахгүй байхыг Петербургийн замын цагдаагийн газраас жолооч нарт анхааруулжээ.

ЛИД 9: Гадаад улс төрийн бодлогод өөрийн үүргийг хэтрүүлж байна гэж Хиллари Клинтоныг буруутгажээ.

Ардчилсан намаас АНУ ын ерөнхийлөгчид нэр дэвшиж байгаа Хиллари Клинтон Боснид мэргэн буучдын суманд өртсөн тухай миний ярьсан зүйл бодит байдалд нийцэхгүй байгаа нь үнэн гэж хүлээн зөвшөөрөөд хүмүүс алддаг шиг би ч гэсэн алдсан байж болно гэж хэлжээ. Өнгөрсөн 7 хоногт үг хэлж байхдаа Клинтон , 1996 онд Боснид айлчилж байхдаа охин Челситэйгээ хамт мэргэн буучдын суманд өртсөн тухайгаа дурссан юм байна. Үүний дараагаар Клинтоны хэлсэн тэр зүйлийг үгүйсгэсэн архивын материалыг СИ БИ ЭС телесувгаар дамжуулжээ. Мягмар гаригт Пенсилвани мужийн Гринсберг хотод байдаа “ Босни руу явсан золгүй аялалаа буруу ташаа дурсан саначихжээ. Би андуурсан байна лээ.Тийм байж болно биз дээ “ гэж мэдэгджээ. Энэ явдал нь сенатч Клинтон гадаад улс төрийн бодлогод өөрийн гүйцэтгэх үүргийг хэтрүүлэн үзэж байдгийн жишээг улам бүр нэмэгдүүлж байна гэж Барак Обамагийн төлөөлөгч Томми Виктор хэлжээ. 4р сарын 22 эд Хиллари Клинтон , Барак Обама хоёрын хооронд удаан үргэлжилсэн өрсөлдөөнийг шийдэх сонгуулийн урьдчилсан сунгаа болно. Обамагийн Төв байрны төлөөлөгчид хэлэхдээ Боснид болоогүй буудалцааны тухай мунгинаж байгаа нь Хиллари Клинтон олон улсын бодлогод өөрийн туршлагыг хэтрүүлэн үнэлж байгааг илтгэж байна гэсэн байна. СИ БИ СИ-гийн сурвалжлагч тэргүүн хатагтайг Сараевод айлчлахад нь дагалдан явсан бөгөөд мэргэн буучдын сумнаас хамгаалж байгаа бус цэцэг авч Боснийн ерөнхийлөгчийн үүрэг гүйцэтгэгчтэй ярилцан инээмсэглэж , гараа даллаж байгаа дүрс бүхий бичлэгийг үзүүлжээ. Айлчлалын үеэр хийсэн бүх бичлэг энэ айлчлал энх тайванч шинж чанартай байсныг бүрэн нотолж байгааг харуулж байгаа юм гэж СИ БИ ЭС ийн хөтлөгч тайлбар хийсэн байна .

ЛИД 1О: Бээжингийн олимпийг Саркози бойкотолж байна

Далай ламтай хэлэлцээр хийж эхлэх ёстой гэж Францын ерөнхийлөгч Николя Саркози Хятадад уриалаад Төвдөд болсон явдлаас үүдээд Хятадад болох олимпийг бойкотлох эсэхээ бодож боловсруулж байгаад шийднэ гэжээ. Төвдөд болсон үйл явдалд санаа тавьж, хүлээцтэй хандаж, Төвдийн шашны тэргүүн Далай ламтай хэлэлцээр хийх хэрэгтэй гэсэн саналаа Саркози Хятадын ерөнхийлөгчид тавьсан байна . Ерөнхийлөгчийн туслахын мэдээлснээр бол Саркози олимпийг бүрмөсөн бойкотлох санаагүй байгаа, Гэхдээ Олимпийн нээлтийн ёслолын ажиллагаанд оролцохгүй байж магадгүй гэсэн байна. Олимпийг бойкотлож магадгүй байгаа тухай Францын Төрийн телевиз аль хэдийнэ мэдэгджээ.

Лид11. Гималайн уулын бүс нутагт хамгийнэ өндөрлөг газар оршин тогтнодог Бутан улсад парламентын сонгууль болж өнгөрсөн байна.

Бутаны эзэн хаан Вангчукийн удмынхан хэмжээлшгүй эрхэт хаант засаглалаас үндсэн хуульт хаант засаглалд шилжих алхамыг зоригмог хийж байна. Бутаны хууль тогтоох байгуулага парламент нь 47 гишүүнтэй юм байна. Бутан улс саяханыг хүртэл гадаад ертөнцөөс тусгаарлаж байжээ. Харин одоо тэнгэрт хамгийн ойрхон амьдардаг энэ хүмүүс даяаршилд аажим аажимаар нэгдэн орж байна. Бутан улсад Ардын Ардчилсан нам, Друк Пхуенсум Тсонгпа буюу эв нэгдэлийн нам гэсэн үндсэн хоёр улс төрийн хүчин бий болжээ. Энэ хоёр хоёр намын аль алин нь хаан статусыг хэвээр хадгалахын эрхэмлэж байна. Бутаны эв нэгдэлийн намы тэргүүн нь эзэн хааны нагац ах байжээ. Гэвч парламентын сонгуульд цөөнх болсон байна. Бутан улсын хүн амын ихэнх нь буддын шашин шүтдэг юм. Парламентын сонгуульд Бутаны 250 мянган хүн санал өгсөн байна. Энэ нь сонгуулийн эрхтэй хүмүүсийн 79,4 хувь нь юм байна. Бутаны хүн амын дөрөвний нэг нь ядуу тарчиг амьдралтай. Гэхдээ хүн амын амжиргааны түвшинг нь аажимаар сайжирч байгаа юм байна. 1960 онд Бутан улсад сургууль цэцэрлэг, эмнэлэг огт байгаагүй. Харин одоо эмнэлэгийн үйлчилгээ бүх шатны боловсролыг үнэ төлбөргүй болгожээ. Бас ихэнхи суурин газарт цахилгаан эрчим хүчээр хангасан байна. 1960 онд Бутаны хүн амын дундаж нас нь 40 байсан бол одоо 66 болжээ. Бутан улс Энэтхэг рүү цахилгаан эрчим экспортлож төсөвийнхөө ихэнхи хэсгийг бүрдүүлдэг. Ажилгүйдлийн түвшин өндөр тул гэмт хэрэг, мансууруулах бодисын хууль бус наймаа сүүлийн үед газар аваад байгаа юм. Бутан улс европын аль ч орны түрэмгийлэлд өртөж байгаагүй. Үүнд нь газар нутгийн байрлал нь нөлөөлжээ. Гадаадын иргэдийг ч Бутан улсад нэвтрүүлэхдээ маш хатуу хяналт тавьдаг байна.

Лид12. Пакистаны парламентын танхим засгийн газрйн тэргүүнээ томиолсон байна. Пакистан улсын шинэ ерөнхий сайдаар Юсуф Реза Гилани томилогджээ.

Тэр энэ албан тушаалыг авсан даруйдаа онц байдал тогтоох үед шоронд хоригдсон хүмүүсийг суллахыг ерөнхийлөгч Первез Мушарафаас шаардсан байна. Тэр ерөнхий сайдаар томилогдсоноосоо хойш хэдхэн цагийн дараа шоронд байгаа хүмүүсийг суллах тухай тогтоолын төсөл бэлтгэхийг даалгажээ. Баривчлагдсан хүмүүсийн дотор Пакистаны дээд шүүхийн ерөнхий шүүгч Ифтихар Чаудри ч байгаа юм байна. Пакистаны шинэ ерөнхий сайдын хийсэн хоёр дахь мэдэгдэл нь Ардын намы тэргүүн агсан Беназир Бхуттогийн амийг хороосон хэргийн эзнийг олохын тулд гадаадын шинжээчдийг оролцуулахыг шаардсан байна. Олон улсын алан хядлагатай тэмцэх, эдийн засгийн хямралыг давах, лалын босогчидтой тэмцэх гээд олон ажил Пакистаны шинэ ерөнхий сайдын өмнө хуримтлагдаад байна.

Лид13. Олон улсын сансрын станцид холбогдож ажиллаж байсан АНУ ын сансрын уудмыг шинжлэн судлах төвийн Эндовер хөлөг эх дэлхийдээ эргэж ирэх гэж байна.

Эндовер хөлөг бүхээгтээ долоон сансрын нисэгчтэй. Өнгөрсөн шөнө гринвчийн цагаар 23 цаг 56 минут, Улаанбаатарын цагаар мягмар гаригийн өглөөний 7 цаг 56 минутад Эндовер хөлөг олон улсын сансрын станцаас салжээ. Хөлгийн багийнхан аялалынхаа хугацаанд олон улсын сансрын станцид японы судалгаа шинжилгээний “КИБО” лабораторийг холбож, завар үйлчилгээний үед ашиглах Канадын “Декстре”роботыг угсарсан юм.

Эндовер хөлгийн ахлагч Доминика Гори, хөлгийн гишүүн Грегори Джонсона, Рика Линнеана, Роберта Бенкема, и Гаретта Рейсмана, японы сансрын нисэгч Такао Дои нар маргааш эх дэлхийдээ газардах юм. Эндовер сансрын хөлөг 16 хоног үргэлжилсэн нислэгээ ийнхүү дуусгах шатандаа орлоо.

Лид14. Ливепулийн дөрвөл гэгддэг домогт Битлз хамтлагийн менежерээр ажиллаж байсан Нил Эспиналл 66 насандаа Нью Йорк хотын хорт хавдарыг эмчлэх Слоун Кеттерингийн нэрэмжит эмнэлэгт хорвоогийн мөнх бусыг үзүүлсэн байна.

Нил Эспиналл бол Битлз хамтлагийн төлөө бүхэл амьдралаа зориулсан олонм зүйлийг шинээр санаачилж хийсэн хүн байлаа гэж Пол Маккартни, Ринго Старр, Жона Ленноны бэлвэсэн гэргий нарын хамтран гаргасан эмгэнэлийн бичигт онцлон тэмдэглэсэн байна. Нил Эспиналл нь Пол Макартни, Харрисон нартай ерөнхий боловсролын сургуулийн сурагч байхдаа танилцаж байжээ. Тэр Битлз хамлагийн анх байгуулагдсаны дараа хувийн машинаараа зөөгч тоглолт хийхэд нь тусалдаг байжээ. 1968 онд Нил дуу бичлэгийн студи нээж захиралаар нь ажиллах болжээ. Битлз хамтлаг тарсаны дараа 1970 оны үед ч тэр Битлз хамлагийн арилжааны ашиг сонирхолыг хамгаалж байжээ. Тэр өнгөрсөн жил өөрийн үүсгэн байгуулсан компанийхаа захиралын албан тушаалыг орхисон юм.

Лид15. Дэлхийн хамгийн өндөр хүн Укриан улсад амьдардаг гэдийг та өмнө нь сонсож байсан биз ээ. Тэгвэл түүнд Укрианы төрийн тэргүүн өвөрмөц бэлэг барьжээ.

Даваа гаригт Укрианий ерөнхийлөгч Виктор Ющенко манай гаригийн хамгийн өндөр хүн гэж тооцогддолг Леонид Стадникод цоо шинэ Chevrolet Tacuma машин бэлэглсэн байна. Гэхдээ машиныг үлэмж биетэнд зориулан том хэмжээтэй үйлдвэрлэжээ. Машиныг эзэнд нь гардуулах ёслол Укрианы ерөнхийлөгчийн тамгийн газрын өмнө болжээ. Укрианы ерөнхийлөгч шинэ машин хэр зэрэг ажиллаж байгааг өөрийн биеэр шалгаж үзээд дараа нь түлхүүрийг нь Леонид Стадникод гардуулсан байна. Би ялаж зугаалах дуртай. Энэ машинаа унаад аялал хийнэ гэж манай гаригийн хамгийн өндөр хүн хэлжээ. Тэр машинтай болохыг үргэлж мөрөөддөг байсан ч таарч тохирох машин олдохгүй зовоодог байжээ. Иймд тэр Укрианы төр засагт хандан энэ зовлонгоо хэлж байжээ. Ерөнхийлөгч түүний хүсэлтийг хүлээн авч ийнхүү гэнэтийн бэлэг барьсан байна. Энэ жил 36 настай Леонид Стадниковийн биеийн өндөр нь 2 метр 55 см юм байна. Түүнийг дэлхийн дээд амжилтйг тэмдэглэдэг Геннесийн номод бүртгэн авчээ. Тэр малын эмчийн мэргэжилтэй. 60 размерийн гутал өмсдөг байна.

Лид16. Иосиф Сталины охин Светлана Аллилуева гол дүрд нь тоглосон баримтат киноны зураг авалт Нью Йорк хотод дуусжээ.

Сэтгүүлчдээс нуугдан маш зожиг амьдарч байсан Светлана Аллилуевагийн тухай олон жил юу ч тодорхойгүй байсан юм. Кино бүтээгчдэд зөвхөн аз дайраад зогсоогүй америкийн бөглүү хязгаарт амьдарч байсан гол баатрыг нэгэн хувийн мөрдөгч олж өгч тусалсан юм байна. Тэрээр 1967 онд Зөвлөлт Холбоот улсыг орхин одож, Энэтхэг, Швейцар, Англи, АНУ д амьдарч байжээ. 198О аад оны дундуур ЗХУ “д эргэн ирж нэг их удалгүй буцаад АНУ руу явжээ. Оросын НТВ телевизийн сурвалжлагч Сталины охинтой эцгийнхн талаар, эцгийг нь тойрон хүрээлж байсан хүмүүсийн тухай асухгүй, харин зөвхөн өөрийнх нь талаар асуулт тавьна гаэс эн болзолтойгоор ярилцлага хийжээ. Түүнэс гадна НТВ ийн сэтгүүлч баримтат киноны зохиогч Светлана Паршинатай уулзжээ. Кино зохиогч найруулагч Паршина Сталины охины талаар ном уншиж байжээ. Энэ нь кино зохиолч бияих урам зориг өгсөн байна. Одоо Сталины охин АНУ –ын Виконсин мужид оршин суудаг бөгөөд сууцных нт хөлсийг төлөхөд улсаас тусалдаг гэнэ. Гэр нь нэг их тансаг гоё биш, хуучин гэрэл зурагнууд нь л хамгийн эрхэм нандин зүйл нь болдог бололтой нүдний цөцгий мэт хайрлан хамгаалдаг юм байна . Одоо түүнийг Лана Питерс гэж дууддаг . Учир нь америкчууд Светлана гэдэг урт нэрийг хэлж чадахгүй товчлон Лана гэдэг бөгөөд Питерс гэдэг нь сүүлчийн нөхрийнх нь овог юм байна. Саяхан Сталины охин 82 нас хүрчээ.

4О жил америкт амьдрахад амаерик надад юу ч өгсөнгүй , юунд ч сургасангүй гэж Светлана Аллилуева. Лана Питерс ярьдаг . Түүнийг агуу их дарангуйлагчийн охин гэдгийг хөршүүд нь ч мэддэггүй юм байна . Тэрбээр ихэнх цагаа ганцаараа өнгөрөөдөг бөгөөд амьдралынхаа туршид бичсэн зүйлсээ нэгтгэн нэг ном болгон хэвлүүлэхийг мөрөөдөж суугаа гэнэ. Светлана Паршина , Светлана Аллилуеватай нилээд хэдэн өдөр хамт байж түүний зургийг гэрт нь болон гадаа гудамжинд авчээ. Энэхүү “ Светлана Светланагийнхаа тухай” гэдэг 45 минутын баримтат киног Нью Йоркийн студид эвлүүлэн ойрын сард европын хэд хэдэн кино наадамд үзүүлэхээр төлөвлөж байгаа юм байна.

Дэлхийн мэдээ 2008-03-25 Мягмар гараг

Лид1. Хятадын баруун хэсэгийн Сычуань мужид Түвд үндэстэнүүд дахин эсэргүүцлийн ажиллагаа зохион байгуулсан тухай БНХАУ ын төрийн мэдлийн хэвлэл мэдээллийн хэрэгслүүд уламжилсан байна.

Түвд үндэстэнүүдий дэгдээсэн үймээний үеэр хятадын нэг цагдаа амь насаа алдаж бас хэд хэдэн цагдаагийн албан хаагчид бэртэж гэмтсэн байна. 3 сарын 10 нд эхэлсэн эсэргүүцлийн ажиллаагаанаас хойш өнөөдрийг хүртэл хятадын цагдаа нарын гарт 130 Түвд хүн амь насаа алдсан гэж Энэтхэгийн Дарамсала хотод байдаг Түвдийн засгийн газар мэдээлжээ.Харин Хятадын тал 19 Түвд хүн амиа алдсан гэж мэдээлсэн юм. Түвд рүү гадаадын иргэд очих хориотой тул энэ мэдээлэл үнэ эсэхийг шалгах боломжгүй байна. Сычуань мужид болсон үймээний талаар өөр дэлгэрэнгүй мэдээлэл байхгүй байгаа юм. Хятадын засгийн газар, Түвдийн засгийн газрын албан тушаалтнуудын мэдээлэл өөр хоорондоо эрс зөрж байна. Далай лам бол Хятадын нутаг дэвсгэрийн бүрэн бүтэн байдлыг алдагдуулж улс орныг тараан бутаргах үзэлтэй салан тусгаарлагч гэж Бээжин үздэг юм. Түүнээс гадна Хятадын засгийн газрын мэдлийн Синьхуа агентлаг, Жинь Минь Жибао сонинд гадаадын хэвлэл мэдээллийн хэрэгслээр ор үндэслэлгүй худал мэдээлэл тарааж байгааг шүүмжилсэн байна.

Лид2. Армений ерөнхийлөгчийн сонгуульд ялалт байгуулсан Серж Саркисян ОХУ ын Москва хотод албан ёсны айлчлал хийж байна.

ОХУ ын ерөнхийлөгчийн сонгуульд ялалт байгуулсан Дмитрий Медведев түүнийг хүлээн авч уулзжээ.Серж Саркися нь өмнө нь Армены ерөнхий сайдаар ажиллаж байсан. Тэр ерөнхийлөгчийн сонгуульд ялалт байгуулсан ч төрийн тэргүүний тангараг өргөж хараахан албан тушаалдаа албан ёсоор ороогүй байгаа. Гэвч тэр сонгуулиас хойш анхны гадаад айлчлалаа хийжээ. Серж Саркися ирэх 4 сард ерөнхийлөгчийн тангараг өргөх юм байна. Дмитрий Медведев, Серж Саркисан нарын уулзалт харилцан бие биедээ баря хүргэснээр эхэлсэн байна. Эр. Би таныг Кермлийн ордонд хүлээн авч байгаадаа баяртай байна. Сонгуулийн дараа хийж байгаа анхны айлчлалаа ОХУ д хийж байгаа нь орос армений харилцаанд чухал ачя холбогдол өгч байгаагийн илрэл гэж би бодож байна. Хоёр орны хооронд бий болсон найрсаг харилцаа, олон талт хамтын ажиллагааг өргөжүүлж чадна гэж би бодож байна.

Эр. Таныг ОХУ ын төрийн тэргүүнээр сонгогдсонд чин сэтгэлийн баяр хүргэе. Хоёр орны харилцааг хөгжлүүлэх яриа хэлэлцээрээ бид үргэлжүүлэхэд бэлэн байна.

Эдийн засагчдийн тооцоолсноор Армен ОХУ ын хооронд худалдааны бараа эргэлт жилд 1 тэрбум долларт дөхөж очжээ. ОХУ ын бизнесмэнүүд Армений банк, харилцаа холбоо, тээвэр, эрчим хүчний салбарт хөрөнгө оруулалт хийсэн байна.

Лид3. ОХУ Косовогийн Сербчүүдэд хүмүүнлэгийн тусламж үзүүлэх шийдвэр гаргажээ. ОХУ ын ерөнхийлөгч Владимир Путин Косовод үзүүлэх хүмүүнлэгийн тусламжын барааг бэлтгэх ажлыг хангахыг даалгасан байна.

Косовод хүмүүнлэгийн тусламж үзүүлэх шаардлага гарсан тухай ОХУ ын гадаад хэргийн сайд мэдээлэл хийжээ.

Эр. Сүүлийн өдрүүдэд Косовод аж төрдөг Сербчүүдийн амвдрал хүнд болсон. Сербийн засгийн газар Косовогийн нутаг дээр аж төрж байгаа хүмүүст тусламж үзүүлэх хүсэлт гаргаад байна.

Косовогийн нутагт байгаа Сербчүүдэд эмнэлэгийнтоног төхөөрөмж, эм тариа, хүнсний бүтээгдэхүүн, ариун цэврийн хэрэглэл шаардлагатай байгаа юм байна.

ОХУ ын ерөнхийлөгч Владимир Путин Эр. Косовогийн бүс нутагт байгаа бүх хүмүүс үндэс угсаанаасаа үл хамаарч хэвийн амьдрах нөхцөлөөр хангагдах ёстой. Гэхдээ хүмүүнлэгийн тусламж үзүүлж байгааг улстөржүүлэх хэрэггүй гэж бодож байна.

Кремлийн ордонд болсон энэ хуралдааны үеэр түүнээс гадна ОХУ дотоод асуудлыг хэлэлцжээ. Тухайлбал иргэдийг орон сууцаар хангах асуудлыг хөндсөн байна.

Лид4. Сербийн хуульчид Косовогийн Митровиц хотын шүүхийн байрны гадаа эсэргүүцлийн ажилагаагаа үргэлжүүлж байна.

Урьд нь Сербийн шүүхийн байр байсан барилгад одоо НҮБ ын төлөөлөгчид ажилладаг юм. 1999 онд Косовогийн хязгаар НҮБ ын захиргаанд ирсэний дараа Митровиц хотын шүүхэд ажилладаг Сербчүүд ажилгүй болжээ. Харин одоо тэд хуучин ажлын байрандаа эргэн ирж ажиллахыг хүсэж байгаа юм. 3 сарын 17 нд Митровиц хотод эсэргүүцлийн ажиллагаа болж өмнө нь шүүхэд ажиллаж байсан хуульчид хуучин ажлын байрандаа дайран орж хоёр хоногийн турш барьцаалаад байсан юм. Тухайн үед Косовоийн цагдаа нар Европын холбооны цагдаа нарын хамт шүүхийн барилгад дайран орж байсан.

Лид5. АНУ, Белоруссийн харилцаанд сэв суулгаж мэдэх дуулиан тарьсан хэрэг дэгсэн байна.

Белоруссийн нийслэл Минкс хотод ажилладаг АНУ ын элчин сайдын яамныхан Белоруссийн иргэдийг өөрсийн тусгай албандаа элсүүлжээ. Белоруссийн тусгай албаныхан нууц камераар энэ үйл явдлыг бичиж баримтжуулсан байна. Дүрс бичлэгийн ярианаас үзэх юм бол АНУ ын тусгай албаныхан олон улсын алан хядлагатай хийх тэмцэлийн хүрээнд нууц ажиллагаа хийж байгаа гэж тайлбарласан байна. Үзэгч таны харж байгаа энэ дүрс бичлэгийг Белоруссийн телевизээр үзүүлжээ. Америкийн холбооны мөрдөн байцаах газрын албан хаагч, Белруссь дахь АНУ ын элчин сайдын яамны ажилтан Курт Финли Белоруссийн 10 гаруй иргэдиэй улзах байх үед нь Белоруссийн хууль сахиулах байгуулагынхан саатуулжээ. Минкс хотод сөрөг хүчнийхэний зохион байгуулсан жагсаал цуглааны үеэр Курт Финли байнга очиж байсан гэж Белоруссийн тусгай албаныхан нотлож байгаа юм. АНУ ын тагнуулын алба ямар мэдээлэл олж авах зорилоготой байсныг тогтоохоор одоо ажиллаж байгаа гэнэ. Одоогоос 14 хоногийн өмнө Белоруссийн гадаад хэргийн яам АНУ ын элчин сайд Карен Стюартыг Вашингтон руугаа буцахыг шаардаж, Вашингтон дахь өөрийн элчин сайдаа ч зөвлөгөө хийх зорилгоор эргүүлэн татсан юм. Белоруссийн –“Белнефтехим” концерны эсрэг тогтоосон хоригоо чатгатгасаны дараа Белоруссь АНУ ын харилцаа эрс муудсан юм. Белоруссь дахь АНУ ын элчин сайдын яамы зарим ажилтнууд дипломат албаны ажилтаны үндсэн үүрэгт ордоггүй ажил хөөцөлдөж явдагийг мэднэ гэж Белоруссийн гадаад хэргийн хэргийн яамны нэг албан тушаалтан мэдэгдсэн байна. Белоруссь дахь АНУ ын элчин сайдын яамны консулийн хэлтэс Белоруссийн иргэдэд виз олгох ажлаа түр зогсоожээ. Виз олгох ажлаа түр зогсоосон нь бүх албан хаагчидаа өөр ажилд дайчлах болсонтой холбоотой гэж оросын НТВ телевиз тайлбарласан байна.

Лид6. Хятадын өмнөд тэнгист Хонконгоос холгүй Украин, Хятадын улсан онгоц мөргөлдсөн талаар би өчигдөр мэдээлсэн билээ. Одоо аврах албаныхан ор сураггүй алга болсон далайчидыг хайж ажлыг хийж байна.

Өнгөрсөн бямба гаригт Укриан Хятадын усан онгоцууд Хонконгоос холгүй мөргөлдсөн юм. Укрианы усан онгоцны 18 далайчин одоо ор сураггүй алга болсонд тооцогдож байна. Живсэн усан онгоцын дотор амьд хүн байгаа гэх найдвар аврагчдад төржээ. Иймээс одоо аврах албаныхан тэнгисийн ерөөд байгаа усан онгоцны бүхээгт орохооро бэлтгэж байна. Усан онгоц мөргөлдсөн шалтгааныг тодруулах Укрианы тусгай комисс байгуулагдаж Хятад руу явжээ. Энэ комиссийн бүрэлдэхүүнд Укрианы тээврийн яамны ажилтан, хуульчид, аврагчид оржээ. Укрианы усан онгоцны ахмадын хэлснээр бол болсон хэрэг явдалд хятадын тал буруутай юм байна. Хоёр усан онгоц хоорондоо мөргөлдсөн нь их манан будантай байснаас уу эсвэл усан онгоцны багийнханы буруугаас болсон уу гэдгийг хэлэхэд эрт байгаа юм. Хэрвээ хятадын талын буруутай нь нотлогдох юм бол Украин улс хятадын талаас нөхөн төлбөр авах юм байна. Тэнгист живсэн онгоцыг татаж гаргахад боломжтой бүх хүчийг дайчилжээ. Энэ тухай хятадын албаны хүмүүс мэдээлсэн байна. Укрианы “Нефтьгаз 67” усан онгоц өмнөд хятадын тэнгист 37 метрийн гүнд байгааг тогтоосон байна. Одоо тэнгисийн ус Цельсийн 19 хэмийн хүйтэн байгаа юм байна. Ийм нөхцөлд усанд 12 цагийн турш л хүн амьд байх боломжтой гэж мэргэжилтнүүд мэдэгджээ. Эрэл хайгуулын ажил хийж байгаа бүс нутагт хүчтэй усны урсгалтай, манантай байгаа тул үзэгдэх орчин 1 метрээс хэтрэхгүй байна.

Лид7. Гүржийн нийслэл Тбилиси хотын Руставелийн өргөн чөлөөнд гүржийн сөрөг хүчний нам, хөдөлгөөнүүдийн жагсаал болжээ.

Тэд Имеди телевизийн удирдлагийг өмнөх захиралд нь шилжүүлэхийг эрх баригчидаас шаардсан байна. Энэ жагсаалд сөрөг хүчний намын улс төрчидөөс гадна Гүржийн урлаг соёлын зүтгэлтэнүүд, жүжигчид, дуучид, зохиолчид ч хамрагдсан байна. Гүржийн парламентын ордоны өмнөх талбайд сөрөг хүчний намын 60 гаруй төлөөлөгчдийн зарласан өлсгөлөн 16 дахь хоногтоо үргэлжилж байгаа. Эсэргүүцлийн ажиллагаанд оролцсон хүмүүс парламентын ордоныг ч бүслэн цуглаанаа үргэлжүүлжээ. Жагсагчид Гүржийн парламентын дарга Нино Буржаназед хандан Имеди телекомпаний асуудлыг шийдэж, парламентын сонгууль явуулах тогтолцоог өөрчлөхийг уриалсан байна. Өнгөрсөн долоо хоногт Гүржийн эрх баригчид сөрөг хүчний дуу хоолой болсон Имеди телевизийг үүсгэн байгуулагч бизнесмэн Бадри Патаркацшвилиг нас барсаны дараа , тус телевизийн эзэмшигчийг өөрчилсөн юм. Бадри Патаркацвишилигийн бэлвэсэн гэргий телевизийн хууль ёсны эзэмшигч байх ёстой гэж сөрөг хүчнийхэн үзэж байгаа юм.

Лид8. Грекийн Олимп ууланд Олон улсын олимпын хорооны удирагчид, хятадын албаны хүмүүс, олон зуун жуулчид сэтгүүлчид Олимдын бамбарыг асаах ёслолын ажиллагаа болжээ.

Олимп уулнаас ассан бамбар 8 сарын 8 гэхэд Бээжинд хүрч 29 дэхь удаагийн зуны олимпын наадам эхлэх юм. Олимпын бамбарыг дэлхийн таван тивийн 135 хотоор дамжуулан аялуулна. Түүнээс гадна манай гаригийн хамгийн өндөр цэг Гималайн нурууны ноён оргилд ч гаргах юм. Олимдын бамбар асаах ёслолын үеэр цусыг дүрслэх хамгийн хямд хэрэгсэлийн тоонд ордог хоол амтлагч улаан лоолийн сүмс нүүрэндээ нялсан хүмүүс саад хийх гэж оролдсон байна. Олимпын бамбар хятад улсад ойртох тусам эсэргүүцлийн ажиллагаа улам эрчимчиж өргөн цар хүрээтэй болно гэж Түвдийн тусгаар тогтнолын төлөө тэмцэгчид амлаж байгаа.Одоогоос 14 хоногийн өмнө Түвдийн эрх чөлөөний төлөө тэмцэгчид Олимп ууланд очиж Түвдийн эрх чөлөөний бамбарыг асаах гэж оролдсон юм. Түвдийн эрх чөлөөний хөдөлгөөний гишүүдийн үйл ажиллагааг таслан зогсоохын тулд Грекийн 3000 цагдаа дайчлагджээ. Грекийн цагдаа нар эсэргүүцлийн ажиллагаанд оролцож байгаа хүмүүсийн эсрэг шууд хүч хэрэглэжээ. Олимдын бамбарыг асаахаас өмнө Олимп уулын бэл дэхь Гера сүмийн гаднах хуучин цэнгэлдэх хүрээлэнгийн гадаа “Хил хязгааргүй сурвалжлагч” байгуулагийнхан тас хар өнгийн хувцас өмсөж хамгаалалтад гарсан цагдаа нарын бэхлэлтийг сэтэлсэн байна. Тэд хятад, олимдын наадмын эсрэг уриа хашгирч байжээ. Олон улсын олимдын хорооныхоны сэтгэлийг хамгийн ихээр зовоож байсан зүйл нь олимпын бамбар асаах үеэр цаг агаар байжээ. Учир нь Олимп уулын орчимд хур тунадас орно гэж цаг уурын албаныхан мэдээлсэн юм. 1956 оны Мельбурны олимпын бамбарыг асаахаар товлосон өдөр бороотой байжээ. Үүнээс хойш олимпын хорооныхон бамбар асаах өдөр цаг агаар ямар байхыг анхаардаг болжээ. 1939 оны Берлины олимпын наадмаас эхлэн Олимпын бамбарыг Грекийн Олимп ууланд асааж дэлхийн таван тивээр аялуулах ёслолыг хийдэг болсон юм. Олимпын бамбарыг асаасахад Грекийн урлагийнханы жүжигчилсэн тоглолт хийсэн байна.

Эм. Нарын бурхан Аполлон, зочломтгүй Бээжин хотод бодох олимпын наадмын бамбарыг асаах илч цацрагаа хайрла. Харин Зевс бурхан та энэ дэлхийн бүх ард түмэнд энх тайван амар амлаганг хайрла.

Олимпын бамбар асаах ёслол бүтэн нэг цаг үргэлжилжээ. Өнөөдрөөс эхлэн долоо хоногийн турш Грекийн 605 иргэн олимпын бамбарыг барьж 1528 км замыг туулна. Харин 3 сарын 30 нд Грекийн “Панатинаикос” цэнгэлдэх хүрээлэнд Грекчүүд олимпын бамбарыг хятадын талд шилжүүлэн өгөх юм байна. Олимпын бамбар асаах ёслолын үеэр Олимп ууланд хятадын жуулчид олон байжээ.

Эр. Өнгөрсөн жил Олимд уулын орчимд их гал түймэр гарсан. Харин бид энд шинээр мод суулгасан.

Олимпын бамбарыг Гималайн нурууны ноён оргилд анх удаа гаргах юм байна.

Лид9. Олимдын наадмын тухай дэлгэрэнгүй мэдээлэл авах тусгай вэб хуудас нээгдсэн байна. Өнөөдөр энэ сайт ажиллаж эхэлжээ.

Олимпын наадмын үйл ажиллагааны вэб хуудсыг хятадын засгийн газрын мэдлийн Синьхуа мэдээллийн агентлаг мэдээллээр хангана. Энэ сайтаас Олимпын наадмын бэлтгэл ажил, спортын уралдаан тэмцээний тухай мэдээлэл авч болох юм. Түүнээс гадна энэ сайтаар дамжуулан онгоцны тасалбар, зочид буудлын өрөө ч захиалж болох юм байна. Бээжингийн олимпын наадмын тухай сайт орос, англи, герман, франц, араб хятад гээд дэлхийн зургаан хэлээр мэдээлэл түгээх юм байна.