Дэлхийн мэлээ 2007-10-22 Даваа гараг

19 цаг мэдээ
Лид1. Өнгөрсөн долоо хоногт эхэлсэн хятадын коммунист намын 17-р их хурал өндөрлөж байна. Хятадын коммунист намын төв хорооны бүтэц бүрэлдэхүүнд томоохон өөрчлөлт гарсан байна.
Намын их хурлын сүүлийн өдөр Төв хороонд ажилах гишүүдийг тодруулах сонгууль болжээ. Хятадын коммунист намын Төв хороонд Хятадын коммунист намын улс төрийн товчооны байнгийн хорооны гишүүн 68 настай Зэн Цин Хун, 69 настай У И Ганьжуан, 72 настай Ло Гань, и Жан Личан, Цао Ганчуань, Зэн Пэй Янь нар багтаагүй байна. У И Ганьжуан нь Хятадын Төрийн зөвлөлийн дэд дарга юм. Харин Жан Ли Чан нь Зүүн Хойд хятадын сэргээн босголтын хэлтэсийн дарга, Цао Ганьчуань нь Цэргийн зөвлөлийн дарга, Зэн Цинхун нь БНХАУ ын ерөнхийлөгчийн орлогчын албан тушаалыг тус тус хашдаг юм. Коммунист намын 17 р их хурлын эцэст Ху Жин Таог хятадын ерөнхийлөгчөөр, У Бангог Бүх хятадын ардын их хурлын даргаар, Вэнь Зябаог БНХАУ ын төрийн зөвлөлийн дарга буву ерөнхий сайдын албан тушаалд нь хэвээр үлдээсэн байна. Хятадын коммунист намын 17 р их хурлаар өнгөрсөн таван жилийн үйл ажиллагаанд үнэлэлт дүгнэлт өгч ирэх таван жилд хэрэгжүүлэх ажлын төлөвлөгөө чиг шугамыг баталсан байна. Хятадын нийгмийн цаашид шинжлэх ухаанд тулгуурлан коммунист замаар хөгжүүлж дундаж амьдралтай иргэдийн тоог нэмэгдүүлж авилагыг бүрэн арилгахад хятадын коммунист нам анхаарч ажилах хэрэгтэй гэдэг зөвлөмжийг их хурлын гишүүд баталсан байна. Хятадын коммунист нам нь 73 сая гишүүнтэй бөгөөд намын 17 р их хуралд 2217 гишүүн оролцсон байна.
Хятадын төрийн эрх барих дээд байгуулагын эгнээнд шинээр 4 хүн оржээ. Энэ нь Хэ Гоцян, Чжоу Юнкан, Си Цзиньпин и Ли Кэцян, мөн Ляонин мужын намын хорооны дарга байсан Ли Кэцян нар юм. Ли Кэцяныг 1012 онд болох намын их хурлаар Ху Жин Таогийн албан тушаалыг авах магадлалтай хүн гэж хятадад ажиллаж байгаа барууны сэтгүүлч нар таамаглаж байна.

Лид2. Польшийн парламентын ээлжит бус сонгуульд Иргэний хөдөлгөөний намыг ялалт байгуулна гэж таамаглаж байсан. Энэ нь биелэлээ оллоо. Одоо төрийн эрхийг барьж байгаа Эрх зүйт Шудрага ёс нам сонгуульд ялагджээ. Сонгуулийн дүн гарсаны дараа Эрх зүйт Шудрага ёс намын тэргүүн Ерөнхий сайд Ярослав Качински ялагдлаа хүлээн зөвшөөрсөн байна.
Ноён Ярослав манай хуучнийг баримтлагч эрх зүйт шударга ёсны нам 31%, бидний гол өрсөлдөгч Иргэний хөдөлгөөний нам 44%-ийн санал авсан гэж мэдэгджээ. Ярослав Качинскийгийн засгийн газар авилагын хэрэгт холбогдсон учраас хугацаанаас нь 2 жилийн өмнө парламентийн ээлжит бус сонгуулийг зарласан байна. Ерөнхий сайдын ихэр ах нь Польшийн ерөнхийлөгч Лив Качинский юм байна. Сонгуулийн дүнг олон нийтэд зарласаны дараа Ярослав Качинский өөрийнх нь эвслийг дэмжсэн хүмүүст талархлаа илэрхийлээд ялалт байгуулсан Дональд Таскийн иргэний хөдөлгөөний намынханд баяр хүргэсэн ажээ.

Лид3. АНУын баячуудын амьдардаг Калифорнийн Номхон Далайн эрэг орчмын Малибу дүүрэгт, их хэмжээний гал гарсан байна. Галд автсан Малибу дүүрэгт, Холлибүүдийн одод болон тэрбумтануудын орд харшууд ихээхэн байдаг юм.

Энэ Бямба гарагийн үдээс хойш, номхон далайн эрэг орчимд байрлах Малибу дүүрэгт их хэмжээний гал гарч, 1250 га газар галд автсан байна. Гал гарах үеэр салхины хүч 130 км цаг байсан нь гал хоромхон зуур газар авахад нөлөөлжээ. Калифорний Малибу дүүрэг нь, Номхон Далайн эрэг орчимд байрладаг далай тэнгисийн зөөлөн дулаан уур амьсгалтай учраас АНУын тэрбумтанууд болон Мэл Гибсон, Барбара Страйзан, Ричард Гир, Пэйрси Броснан, Дик Ван Дюк зэрэг Холлибүүдийн оддуудын орд харшууд байдаг юм. Бямба гарагт болсон галын дөлөнд, Мэл Гибсон, Барбара Страйзан нарын харш мөн түүнчлэн алдарт Кашаны Шилтгээн болон Пресбэйтэрианы сүм бага зэрэг өртжээ. 7р сараас хойш, АНУын өмнөд мужуудаар агаарын чийгшилгүй, хур тунадас багатай, хуурай улирал урт үргэлжилсэн нь гал гарахад нөлөөлсөн гэж мэргэжилтэнүүд үзэж байгаа билээ. Албаны хүмүүсийн мэдээллэж байгаагаар, галд 13000 айл өртөөд байгаа бөгөөд азаар хүний амь эрсдэж мөн хүн бэртэж гэмтээгүй байна.

Лид4. Удахгүй болох Австралийн парламентын сонгуулийг угтан, Австралийн ерөнхий сайд Жон Ховард болон сөрөг хүчин буюу Хөдөлмөрийн Намын дарга Кевин Рюд нар, Бямба гарагт телевизийн халз мэтгэлцээнд оролцсон байна.

Телевизийн халз мэтгэлцээн 90 минут үргэлжилсэн юм. Австралийн ерөнхий сайд Жон Ховард болон Хөдөлмөрийн Намын дарга Кевин Рюд нар, улс орны эдийн засгийн бодлого, цаг уурын өөрчлөлт болон Иракт энхийг сахиулах үйлсэд оролцож байгаа Австралийн цэргийн баг бүрэлдэхүүний талаар өөр өөрийн байр суурийг илэрхийлж байсан бөгөөд дээрх асуудлууд дээр ихээхэн санал зөрөлдсөн байр суурьтай байсан юм. Харин тэд, ард иргэдээс авах орлогын албан татварын хэмжээг багасгах дээр санал нэгдсэн байна. Дэлхийн цаг уурын өөрчлөлт, дулаарал нь Австрали тивд хамгийн ихээр нөлөөлж байгаа юм. Иймээс, тэд уг асуудлыг нухацтай авч хэлэлцэж байсан юм. Австралийн ерөнхий сайд Жон Ховард, “хүлэмжийн хийн хэмжээг багасгах нь ганцхан Киотогийн Протоколоор шийдэгдэх төдий асуудал биш. Тэгээд ч, Киотогийн протоколд дэлхийн хамгийн их хүлэмжийн хий үйлдвэрлэгч гэгдэх Хятад, Энэтхэг улсуудыг оруулаагүй байдаг. Иймээс Киотогийн протокол нь, учир дутагдалтай олон улсын хэлэлцээр болсон” гэж хэлсэн юм. Австралийн ерөнхий сайд Жон Ховард болон Хөдөлмөрийн Намын дарга Кевин нар, Иракт энхийг сахиулах үйлсэд оролцож байгаа Австралийн цэргийн баг бүрэлдэхүүнийг эргэн татах эсэхэд санал зөрөлдөөнтэй байсан. Австралийн одоогийн ерөнхий сайд Жон Ховардыг, АНУын талыг баримтлагч гэж ажиглагчид үздэг. Тийм учраас тэрбээр өнөөдрийг хүртэл Австралийн цэргийг, Иракт энхийг сахиулахад оролцох нь зүйтэй гэсэн байр суурь дээр баттай зогсодог. Харин Хөдөлмөрийн намын дарга Кевин, 2008 оны дунд үе гэхэд Австралийн цэргийг Иракаас татах хэрэгтэй гэсэн байр суурьтай байдаг юм.

ТОВЧ
ОХУ ын Приморийн хязгаарт өнгөрсөн долоо хоногт их хэмээний цас орсны улмаас цахилгаан дамжулах шугам утас тасарч олон арван сууриа газар эрчим хүчээр таслагдсан байна. Мэргэжилтнүүд цахилгаан дамжулах утсыг холбох ажлыг хийж одогийн байдлаар 30 гаруй сурурин газарт цахилгаан эрчим хүч холбожээ. Одоо Сахалин, Камчатскт цаг агаарын орн ноцтой үзэгдэл болох төлөвтэй байна гэж цаг уурчид анхааруулж байна.

Буриадад одооогоос 10 жилийн өмнө хаягдсан уурхайгаас гар агаар олборлож байсан хүмүүс осолджээ. Одоо аврагчид 14 хүнийг хайж байна. Одоогийн байдлаар аврах албаныхан 5 хүний цогцосыг олоод байна. Уурхайгаас тавьан хүн бие даан өөрсдөө гарч чадсан байна.1? сарын 15 нд гар аргаар олборлогчид уурхайд оржээ. Уурхайд хүмүүс осолдсон тухай тэдни й нэг нь холбогдох албаныханд мэдээлснээр аврах ажиллагааг эхлүүлсэн байна.

Румын улсад их хэмжээний цас орсны улмаас тэнд аялаж байсан жуулчидын төлөвлөгөөг тасалдуулжээ. Румын улсын уулархаг нутагт амарч байсан гадаадын 200 жуулчин гадаад ертөнцөөс таслагдаад байна. Зам харгуйг хасан хунгар цасыг арилгахын тулд хотын удирдлагууд нэмэлт тоног төхөөрөмж гаргах болсон байна. Моддын навч шарлаж амжаагүй байхад ингэх их хэмжээний цас росон нь олон хүнийг гайххашруулжээ. Хар далайн эргийн уасан боомтууд цаг агаар хүйтэрсэнээс болж үйл ажиллагаагаа бзрэн зогсоосон байна.

Лид5. Киргиз улсад шинэ үндсэн хуулийн төслийг батлах эсэх асуудлаар бүх нийтийн санал асуулга болж өнгөрсөн байна.
Бүх ард түмний санал асуулгад сонгулийн эрхтэй иргэдийн 80 хувь нь оролцжээ. Үндсэн хуулинд өөрчлөлт оруулах саналыгтус улсын ерөнхийлөгч Курманбек Бакиевым гаргасан юм. Киргизийн шинэ үндсэн хуулийн итөсөлд төрийн эрх барих бүх шатны байгуулагын бүрэн эрхийг товч бөгөөд тодорхой зааглаж өгсөн байна. Хэрвээ шинэ үндсэн хууль батлагдах юм бол парламентын сонгуулийг намын жагсаалтаар явуулдаг болох юм байна. Киргизид өнгөт хувьсгал гарсанаас хойш хоёр жил хагс л өнгөрч байна. Энэ хугацаанд Киргизийн үндсэн хууль гурав дахь удаагаа өөрчлөгдөх гэж байгаа нь энэ юм.

Лид6.Туркийн алан хядлагатай тэмцэх дээд зөвлөл шуурхай хуралдаан хийж Курдын хэт даврагсадын эсрэг авах арга хэмжээний талаар хэлэлцэж байгаа юм байна. Турк улсын алан хядлагатай тэмцэх дээд зөвлөлийн тус улсын ерөнхийлөгч Абдуллах Гюль тэргүүлдэг.
Өнгөрсөн шөнө Ирак Ираны хил дээр курдын ажилчины намын гишүүд туркийн зэвсэгт хүчний анги руу халдаж 12 цэргийн амийг хороож 16 хүнийг шархдуулжээ. Үүний хариуд Туркийн цэргүүд өргөн цар хүрээтэй довтолгоог Иракын зүг хийжээ. Ирак Курдын хил дээр болсон буудалцааны үеэр Курдын 12 зэвсэгт дайчныг устгасан тухай Туркийн цэргийн командал мэдээлж байна. Туркийн цэргийн найман албан хаагчыг Курдууд олзолсон гэж орон нутгийн хэвлэл мэдээллийн хэрэгслүүд мэдээлж байна. Туркийн ерөнхийлөгч Абдуллах Гюль курдын босогчидын эсрэг эрс шийдвэртэй арга хэмжээ авах цаг болсон байна гэж үзэөж байгаагаа илэрхийлжээ. Хэрвээ Иракын засгийн газар дотоод байдлаа хянаж чадахгүй бол бид өөрсдийн аюулгүй байдлаа хангахын тулд курдуудын эсрэг цэргийн ажиллагаа явуулах болно гэж хэлсэн байна. Өнгөрсөн долоо хоногт Туркын парламент Хойд Иракд байгаа курдын ажилчны намы эсрэг цэргийн ажиллагаа явуулахыг дэмжсэн тогтоол гаргасан юм. Курдын ажилчны нам нь 500 орчим гишүүнтэйгээс 3500 нь алан хядлага үйлддэг хэт даврагсад гэж Турк улс үздэг юм байна. Европын холбоо ч Курдын ажилчны намыг алан хядаөгч байгуулагын жагсаалтад оруулжээ. Курдын ажилчны нам нь тусгаар улс байгуулахаар 1984 оноосс хойш тэмцэл хийж байна.

Энэ өдөр

1797 оны энэ өдөр Францын тамирчин Андре Жак ГАРНЕРЕН 1000 метрийн өндөрөөс шүхрээр үсэрч тухайн үедээ дээд амжилт тогтоож байжээ.

1883 оны энэ өдөр Нью Йорк хотод Метрополитен дуурын театр нээлтээ хийж байсан байна.
1887 оны энэ өдөр америкийн зохиолч Жон Рид мэндэлж байжээ.

1913 оны энэ өдөр Вьетнамын сүүлчийн эзэн хаан Бао Даи мэндэлж байжээ.


Үдшийн мэдээ

Лид1. Ромын шашны хамба лам 16р Бенедикт дэлхийн шашны тэргүүн нарт хандан бурхны нэрийг ашиглан аллага хүчирхийлэлийг зөвтгөхгүй байхыг уриалсан байна.
Дэлхий дээр алан хядлага хийж байгаа зэвсэгт бүлэглэлүүд өөрсдийн цус урсгасан үйлдэлээ бурхны нэрээр хаацайлах гэж оролдож байгаа нь буруу гэж 16 р Бенедикт Италийн Неополь хотод болж байгаа “Хзүчирхийлэлгүй дэлхийн ертөнц ” олон улсын хуралд оролцохдоо мэдэгдсэн байна. Шашин бол хүнлэг энэрэнгүй үйл хэргийг түгээн дэлгэрүүлэхэд асар их нөлөөтэй гэж хамба лам онцлон тэмдэглэсэн байна. Гурван хоног үргэжлиэх энэ хуралд христ, будда, иудей, индус, мусульман гээд дэлхийн олон арван шашны урсгалын зүтгэлтүүд оролцож байгаа юм. Хүмүүсийн эвлэрүүлэхийн тулд шашны зүтгэлтнүүд хүчин чармайлт гаргацгаая гэж Ромын хамба лам 16 р Бенедикт уриалж байна.


Лид2. Японы нийслэл Токио хотод робот тамирчидын тэмцээн болжээ.
Бяцхан роботуудын дунд зохион байгуулсан хөл бөмбөгийн тэмцээн хамгийн өрсөлдөөнтэй болсон байна. Энэ тэмцээн оролцсон роботуудын зарим нь алсын зайн удирдалагтай байсан бол зарим нь тусгай программ суулгасан байжээ.

Лид3. Олон улсын сансрын станцтай холбогдон дэлхийн тойрогт замд байсан Союз сансрын хөлөг эх дэлхийдээ газардсан байна. Союкз ТМА-11 хөлгөөр олдон улсын сансрын станцид ажиллаж байсан 15-р багийн гишүүд, мөн Малайзын анхны сансрын нисэгч Шейх Мушараф Шукор нар эх дэлхийдээ эргэж ирсэн байна.
Союз сансрын хөлөг дэлхийн агаар мандалд орж шүхрээ дэлгэсний дараа балласти пуужин шиг траектороор газарджээ. Энэ нь сансрын хөлөг эх дэлхийдээ осолын буулт хийсэн гэсэн үг юм. Союз хөлөг газардах ёстой цэгээсээ даруй 200 метрийн зайтай хөндлөнгөөрөө газрдсан байна. Хэдийгээр Союз хөлөг ослын буулт хийсэн ч сансрын нисэгчидын биерийн байдал байгаа гэнэ. Сансрын хөлөг осолын буулт хийх үед сансрын нисэгчидийн бие махбодид ердийнхөөс хоёр дахин илүү ачаалал мэдэрдэг байна. Олон улсын сансрын станцид ажилласан 15-р багийн гишүүн Олег Котов, Федор Юряихен нар дэлхийн тойрог замд 197 хоног ажиллажээ. Харин малайзын анхны сансрын нисэгч Шукор 10 сарын 12-нд олон улсын сансрын станцид ажиллах 16-р багийн гишүүн АНУ-ын иргэн Пегги Уитсон, оросын сансрын нисэгч Юрий Маленченко нарын хамт сансарт ниссэн юм.

Лид4. Уншигчидыг байлдан дагуулж байгаа Харри Поттер зохиолд ижил хүйстэн дүр байдаг гэнэ. Ид шидийн сургуулийн захирал багш Альбус Дамблдор ижил хүйстэнээ сонирхдог бэлгийн чиг баримжаатай гэж энэ номын зохиолч Жоан Роулинг хэлсэн байна.
Зохиолч Жоан Роулинг одоо Нью Йорк хотод номынхоо уншигчидтай уулзалт хий байгаа юм. Уулзалтын үеэр нэгэн уншигч зохиолч бүсгүйгээс Ид шидийн сургуулийн захирал багш Альбус Дамлдор жинхэн хайр дурлалаа олсон уу гэдэг асуулт тавьжээ. Түүний асуултад зохиолч эмэгтэй Дамллдор гей гэж хариулжээ. Харри Поттер романд ид шидийн сургуулийн захирал Дамлдор нь өөрийн өрсөлдөгч Геллерт Гриндевальд дурласан байдаг ч тэдний хоорондын тэмцэлээсээ болоод бие биенээ үзэн ядахад хүрдэг. Харри Поттер зохиолд ижил хүйстэн дүр байдагийг сонссон уншигчид хэсэг хугацааны туршид чимээгүй болсноо дараа нь алга ташжээ. Энэ үед зохиолч Жоан Роулинг, хэрвээ энэ бүхэн та нарт таалагдана гэж мэдсэн бол би эртхэн хэлдэг байж л дээ гэж нэмж хэлсэн байна. Дамблдорын бэлгийн чиг хандлагын талаар Харри Поттер номын уншигчид нэг бус удаа өөрсдийн таамаглалаа хэлж байжээ. Гярхай уншигчид Дамлдор ижил хүйстнээ сонирхдог байх гэж хэлж байсан удаатай гэнэ. Үүний дараа АНУ ынбэлгийн цөөнхийн эрхийг хамгаалах байгуулагад ажилдаг Питер Тэтчел Бид аль ч нийгэмд байдаг. Хүүхдийн зохиолд ч бас ийм дүр гарсан нь сайн хэрэг. Ингэснээр нийгэм биднийг зөвөр ойлгож хүлээн авдаг болоход тустай гэж тэр хэлсэн байна. Харри Поттер романы тав дахь дэвтэрээр хийсэн уран сайхны кино энэ зцн дэлгэцэнд гарсан билээ.Харри Поттер ба Хагас цуст хун тайж романаар ирэх жил уран сайхны кино хийх гэж байгаа юм байна.