ШУУРХАЙ МЭДЭЭ 2007-10-18

ШУУРХАЙ МЭДЭЭ 15 цаг мэдээ №1
Лид1. Өнөөдөр ОХУ-ын ерөнхийлөгч Владимир Путин Москвагийн цагаар өдрийн 12 цагт Улаанбаатарын цагаар 16 цагаас Оросын олон нийтийн телевиз, Россия телевизийн суваг, Маяк радио, Оросын төв радиогийн шууд нэвтрүүлэгт оролцож ард түмнийхээ асуултад хариулах гэж байна. Оросын иргэд төдийгүй хилийн чанадад ажиллаж амьдарч байгаа оросын иргэд өөрсдийн сонирхсон асуултаа шууд нэвтрүүлгийн үеэр асууж болох юм.
Оросын холбооны улсын ерөнхийлөгч Владимир Путин Ираны Тегерагн хотоос эх орондоо эргэн ирсэн байна. Кремлийн хэвлэлийн албаны мэдээлснээр ерөнхийлөгч Путин Тегеранаас Москва руу нисэж байхдаа иргэдийнхээ тавьсан асуулттай танилцжээ.Одоогийн байдлаар асуулт хүлээн авах мэдээллийн төвд ерөнхийлөгчид хандан 1 сая 500 мянган асуулт ирээд байгаа юм байна. Энэ жил оросын ерөнхийлөгчид тавьж байгаа асуултуудын ихэнхи нь нийгэм эдийн засгийн амьдралтай холбоотой байна. Ерөнхийлөгчийн нэр дээр ирсэн асуултын дотор Сочи хотод болох олимпын наадамын зохион байгуулалт, 12 сарын 1 болох Оросын Төрийн ДУМ-ын сонгуультай холбоотой асуултууд давамгайлж байгаа юм байна.