Дэлхийн мэдээ 2008 05 31 Бямба гараг

Лид1. Баруун Европын орнуудад түлш, шатахууны үнийг өсөлтийг эсэргүүцсэн хүмүүсийн жагсаал цуглаан улам бүр өргөжин тэлж, олон мянган хүнийг хамарч байна.
Испаний загасчид ажил хаялт зарлаад байсан бол өнөөдрөөс Францын загасчид тэдэнтэй нэгдээд байна. Бельгид хөдөө аж ахуйн фермерүүд, Их Британи, Италид алсын тээврийн жолооч нар эсэргүүцлийн ажиллагаа хийж байгаа юм. Европын орнуудад түлш шатахууны үнэ сүүлийн долоо хоногт огцом өсжээ. Энэ нь хөдөө аж ахуйн салбар, алсын тээвэрчдэд хүнд цохиолт болж байгаа юм. Европын холбооны загас агнуурын сайд нарын уулзалт болох гэж байгаа юм. Энэ уулзалтын өмнө Францын загасчид томоохон хэмжээний эсэргүүцлийн ажиллагаа хийх гэж байна. Загачид төрөөс нөхөн олговор олгохыг шаардаж байна. Францын загасчид жагсаал хийхээр бэлтгэж байгаа бол Испаний загасчид аль хэдийнэ Мадрид хотод томоохон жагсаал хийж амжжээ. Болгарт нийтийн тээврийн жолооч нар жасгаал зохион байгуулсан байна.

Лид2. АНУ ын Нью Йорк хотод барилгийн ажил хийж байсан кран нурж унасан байна. Энэ үеэр хоёр барилгачин амь насаа алджээ.
Барилгийн кран нурсан шалтгааныг олж тогтоох тусгай хороог байгуулсан байна. Нью Йорк хотын амбан захирагч дахин ийм золгүй явдал гарахаас сэргийлэхийг барилгийн компаниудад анхааруулжээ. Кран 23 давхарын өндөрөөс нурсан гэж гэрчүүд хэлж байна. Нью Йоркийн 91 р гудамжинд амьдардаг хүмүүс энэ золгүй явдыг орон сууцныхаа цонхоор харжээ. Кран нурах үед хүчтэй доргилт мэдрэгдсэн тул газар хөдлөлт болж байна гэж хүмүүс боджээ. Он гарсанаас хойш хоёр дахь удаагаа Нью Йоркт барилгийн кран нурж байна. 3 сарын 15 нд яг ийм золгүй явдал тохиолдож 7 хүн амиа алджээ.

Лид3. Гондурасын нийслэл хотын нисэх онгоцны буудалд газардах гэж байсан Эйрбус А 320 онгоц осолын джээ. Онгоцны хэд хэдэн зорчигчид бэртэл авч гурван хүн амь насаа алдсан байна.
Онгоцны бүхээгт нийтдээ 142 зорчигч байжээ. Онгоц Сан Сальвадор хотоос Гонсударсын нийслэл Тегуси гальпа хот руу тогтмол нислэг хийдэг байжээ. Онгоц газардах үед өтгөн манантай байжээ. Онгоц газардсан хойноо нислэгийн зурвасаас гарчээ. Дараа нь ойролцоох авто зам руу орж хэд хэдэн машинтай мөргөлдсөн байна. Үүний дараа онгоцны эх бие гурван хэсэгт хуваагджээ. Газар их хэмжээний керосин асгарчээ. Тегусигальп хотын нисэх буудалд нь өндөр уулаар хүрээлэгдсэн газар байрладаг Латин амеикийн хамгийн аюултай нисэх буудлын тоонд ордог юм.

ТОВЧ
АНУ ын Огайо мужийн цагдаа нар түлш шатахуун хэмнэхийн тулд дугуй унаж явах болжээ. Цагдаагийн ажилд тусгайлан тоноглосон унадаг дугуй 1100 долларын үнэтэй байдаг юм байна. Цагдаа нар дугуй унаж явах нь эрүүл мэндэд нь ч тустай гэж эмч нар сайшааж байна.

Сэтгэл судлаачид компьютер тоглоом ямар нөлөө үзүүлдэг талаар маргалдсаар байгаа. Компьтер тоглоом тоглож ялалт байгуулах нь
бусдыг байлдан эзэрхийлэх, дээрэлхэх хүсэлийг идэвхижүүлдэг байна. Өөрөөр хэлбэл компьтер тоглоом хүний зан араншинг эвдэж харгис хэрцгий зан авиртай болгож хувиргадаг байна.

Хэрвээ таны амьдарч байгаа гудамж талбай тохижилт муутай бол санаа зовох хэрэггүй. Лос Анжелос хотын зураач Сара Росс гудамжний хатуу сандалыг зөөлөн буйдан болгох арга сэдсэн байна. Тэр гудамжний хатуу модон сандал дээр суухад зориулсан зөөлөвчтэй өмд, цамцны хослол хийжээ.

Австралийн эрдэмтэд 375 сая жилийн настай 25 см чулуужсан загас олсон байна. Манай гариг дээр хэзээ амьдрал үүссэнийг тогтооход тус дөхөм болох чухал нээлт боллоо гэж эрдэмтэд үзэж байна. Цаашлаад хүний гарал үүсэлийн талаар ч шинжилгээ судалгааны ажил хийхэд энэ олдвол тус болох нь гарцаагүй. Чулуужсан загасыг Британий аялагч, жуулчин Дэвид Аттен Борогийн нэрээр нэрлэсэн байна.

Ангараг гариг дээр ажиллаж байгаа судалгаа шинужилгээний Феникс төхөөрөмжид гэмтэл гарсан тухай Ассошэйтэд пресс агентлаг уламжилсан байна. Феникс аппаратын цахилгаан үүсгүүр дээр хэт халалтаас болж богино холборт үүсжээ. Гэвч энэ техникийн гэмтэл нь ангараг гаригийг судлах ажлд саад болохгүй гэж америкийн сансар судлалын хүрээлэнгийнхэн үзэж байна. 5 сарын 26 нд ангараг гариг дээр ирсэн Феникс судалгааны аппарат сарын турш ажиллах юм.

Лид4. Гэртээ цэцэг тарьж, мод арчилдаг, гэртээ загас тэжээдэг, спортоор хичээллэдэг, уран зураг зурдаг хүмүүс сэтгэл гутралд бага ордог гэсэн дүгнэлтийг судлаачид хийсэн байна.
Ажил амьдралд тохиолддог ямар нэгэн таагүй явдлын тухай дурсамж хүмүүсийн тархинд хадгалагдан үлддэг. Гэхдээ чөлөөт цагаараа цэцэг тарьж, загас тэжээдэг, уран зураг, спортоор хичээллэдэг хүмүүсийн тархинд энэ таагүй дурсамж бага үлддэг байна. Ургамал, амьтан арчлах гэх мэтээр чөлөөт цагаа зр бүтээлтэй өнгөрүүлэх нь нэг ёсны амралт болдог гэж эрдэмтэд дүгнэлт хийжээ. Ургамалтай холбоотой өөр сонирхолтой судалгааг Японы эрдэмтэд хийжээ. Цэцэг, ургамалын дэргэд хэрэлдэж маргалдах нь тэдний өсөлтөд сөрөг нөлөө үзүүлдэг байна. Японы судлаачид нэг хэсэг ургамалыг том тасалгаанд байрлуулж сонгодог хөгжим эгшиглүүлжээ. Харин нөгөө хэсэг ургамалд нь гэр бүлийн хосуудын хэрэлдэж байгаа бичлэгийг тавьсан байна. Долоо хоногийн дараа хэрүүл маргаан сонсгосон ургамал хатаж хагдарч үхсэн байна.

Лид5. Дампуурлын ирмэг дээр байсан японы нэгэн төмөр замын өртөөг жирийн нэгэн муур аварчээ.
Одоогоос хоёр жилийн өмнө Киси төмөр замын өртөө алдагдалтай ажиллаж, дампуурхлын ирмэгт тулсан байжээ. Харин одоо өртөөний захиргаа бүх ажилчдаа халах гэж байсан үе ард өнгөрсөн гэж ярьцгааж байна. Өртөөнийхөн Тама гэдэг нэртэй муурыг тэжээжь орон тооны ажилтан болгожээв. Гэтэл сонин хэвлэлүүд энэ тухай бичиж, Тама муур Япон даяар алдаршсан байна. Киси төмөр замын өртөөний ажилчин муурны зурагийг худалдан авах гэс эн хүний тоо өдрөөс нэмэгдэж төмөр замын станцийнхан ашигтай ажиллаж эхэлсэн байна.

Лид6. Оросын төрийн шагналт зураач Илья Глазуновын “Кремль руу харахад” гэдэг нэртэй уран зургийг Лондон хотын дуудлага худалдааны Сотбис төв зарах гэж байна. Гэвч зураач өөрийн бүтээлээ дуудлага худалдаандп оруулахыгү хүсэхгүй байна.
Илья Глазунов энэ зургааа 80 аад оны эхээр Оросын соёл урлагийн тухай үзэсгэлэнд тавьж байжээ. Харин энэ зургийн өнөөгийн эзэмшигч нь Баруун Германд байхдаа худалдан авч байжээ. Илья Глазуновын зургийн анхны үнэ нь 8-12 мянган фунт стерлиги буюу 24 мянган долларт хэлбэлзэж байгаа юм. Гэвч зураач энэ бол миний зурсан бүтээл биш, харин хуулбар нь гэж мэдэгдэж байна. Иймд дуудлага худалдаанд оруулах нь шудрага бус явдал гэж тайлбарлаж байна. Энэ зурагт байгаа шиг адууг би зураагүй. Энэ бол зүгээр л хэн нэгэн этгээдийн сараачсан зүйл гэж хэлжээ. Гэвч Сотбис дуудлага худалдааны газар энэ зургийг зарах бодлоо орхиогүй бололтой. 6 сарын 10 нд дуудлага худалдааг зохионм байгуулахаар бэлтгэж байна.

Лид7. Grand Theft Auto IV тоглоом худалдаанд гарсанаас хойш Xbox 360 видео тоглуулагч борлуулалтаараа PlayStation 3 аас 18 хувиар илүү байна.
Их Британи Умард Ирландын Нэгдсэн Вант Улсын хүүхэд залуусынм дунд хамгийн сонирхолтой тоглоом нь GTA IV болоод байгаа юм. Одоогийн байдлаар Их Британид энэ тоглоомын диск нь 1,3 сая ширхэг борлогджээ. Rockstar Games цувралын энэ тоглоом худалдаандс гараад 4 долоо хоног болж байгаа юм. Өнгөрсөн жилийн хамгийн шилдэг тоглоомоор шалгарч байсан хөлбөмбөгийн FIFA 08 тоглоомын үзүүлсэн амжилтыг GTAIV давтаж байна. GTA IV тоглоом худалдаанд гарахаас өмнө Сонигийн видео тоглуулагч худалдаанд тэргүүлж байсан юм. Энэ оны эхний 21 долоо хоногт Сони компани Их Британид борлуулсан видео тоглуулагчаараа 10 хувиар их байсан юм.