Дэлхийн мэдээ 2008 06 18 Лхагва гараг

Лид1. БНХАУ ын дэд ерөнхийлөгч Си Циньпин БНХАСАУ ын хөдөлмөрийн намын Төв Хорооны урилагаар Солонгосын хойгийн тогтвортой байдлын тухай асуудлыг хэлэлцэхээр БНАСАУ-д айлчлал хийж байна.
Пхеньян хотын нисэх онгоцны буудалд хятадын дэд ерөнхийлөгчийг БНАСАУ ын нам, төр засгийн өндөр албан тушаалтнууд угтжээ. БНАСАУ тай тогтоосон найрсаг хөршийн харилцаагаа өргөжүүлэн хөгжүүлэх нь хятадын засгийн газрын гадаад бодлогийн салшгүй хэсэг гэж Хятадын дэд ерөнхийлөгч онцлон тэмдэглсэн байна. Хятадын дэд ерөнхийлөгчийн хойд солонгост хийж байгаа айлчлал 6 сарын 19 хүртэл үргэлжилнэ. БНХАУ ын гадаад хэргийн яамнаас тараасан мэдээнд талууд хоёр орны харилцаа хамтын ажиллагааа, дэлхийн улс төр, Умард Солонгосын цөмийн хөтөлбөриг зохицуулах 6 талт хэлэлцээрийн иухай асуудлын талаар санал солилцох болно гэж онцлон тэмдэглэсэн байна. Сүүлийн үед 6 талт хэлэлцээр үр дүнтэй болж байгаа юм.

Лид2. АНУ, БНХАУ ын эдийн засгийн чуулга уулзалт Аннаполис хотод болж байна. Энэ уулзалтад хятадын ерөнхий сайдын орлогч Ван Цишань, АНУ ын сангийн сайд Генри Полсон тэргүүтэй төлөөлөгчид оролцож байна.
Хятад Америкийн хооронд эдийн засгийн чуулга уулзалтыг 4 дэхь удаагаа зохион байгуулж байгаа нь энэ юм. Хоёр орны хооронд болж байгаа эдийн засгийн чуулга уулзалтын үр дүнд худалдаа, эдийн засгийн салбарт дэвшил гарна гэдэгт албаны хүмүүс итгэлтэй байна. Төлөөлөгчид чуулга уулзалтын үеэр үндсэн 6 асуудлыг хөндөж байгаа юм байна. АНУ, БНХАУ ын эдийн засагчид чуулга уулзалтын сүүлчийн өдөр хүрээлэн байгаа орчинг хамгаалах, , эрчим хүчн.ий салбарт хамтран ажиллах тухай 10 жилийн хугацаатай хүчин төгөлдөр үйлчлэх тунхаглалд гарын үсэг зурах юм байна. Хяталд Америкийн хооронд өнгөрсөн онд 300 тэрбум долларын худалдаа хийгдсэн байна. Энэ эхний эхний байдлаар АНУ аас хятадын зах зээл рүү нийлүүлсэн бараа 20 хувиар өссөн бол, БНХАУ аас АНУ д нийлүүлсэн барааны хэмжээ 10 хувиар буурсан байна.

Лид3. Гүрж Абхазын мөргөлдөөн гарсан бүх нутагт ОХУ ын зэвсэгт хүчнийхэн НҮБ ын мандаттайгаар энхийг сахиулж байгаа билээ. Тэгвэл өнгөрсөн мягмар гаригт Гүржийн цагдаа нар Оросын энхийг сахиулагчдыг саатуулсан байна. Энэ нь ОХУ, Гүржийн эрх баригчды хооронд хэрүүлийн алим болоод байна.
Оросын энхийг сахиулагчид танк эсэргүүцэгч пуужин, бусад зэр зэвсэгийг орон нутгийн эрх баригчдын зөвшөөрөлгүйгээр тээвэрлэж явсан гэж Гүржийн цагдаа нар буруутгаж байна. Харин ОХУ ын цэгийн удирдлагууд үүнийг үгүйсгэж, энэ бол өдөөн хатгалаг гэж үзэж байна.
Гүржийн цагдаа нар ОХУ ын 4 цэргийн албан хаагчыг саатуулаад байгаа юм. Тэднийг саатуулах үед цагдаа нарын өөдөөс эсэргүүцэл үзүүлэх гэж оролдсон гэж Гүржийн хэвлэл мэдээллийн хэрэгслүүд тайлбарлаж байна. Харин оросын сэтгүүлчид энхийг сахиулагчдад хүч хэрэглэн баривчилсан гэж мэдээлж байна.

Лид4. Бээжмнгийн олимпийн бамбар БНХАУ ын баруун хойд хэсгийн Шинжаан Уйгарын өөртөө засах орны Кашгар хотод хүрэлцэн ирсэн байна. Эртний торгоны замаар явдаг байсан жинчид энэ хотоор дайран өнгөрдөг байжээ.
Хятадын бүрэлдэхүүнд байдаг уйгарууд Бээжингийн эрх баригчидын явуулдаг бодлогод сэтгэл дундуур байдагаа нуудаггүй юм. Иймээс Шинжаан Уйгарын салан тусгаарлагдчид олимпийн бамбарыг аялуулах үеэр эсэргүүцлийн ажиллагаа зохион байгуулж магадгүй гэж хятадын цагдаа нар болгоомжилж байна. Олимпийн бамбарыг Шинжаан Уйгарын өөртөө засах орны Кашгар, Урумчи хотоор бууиалан явах үеэр иргэдийг орон гэрээсээ гарахгүй байхыг хятадын цагдаа нар зөвлөсөн байна. Шинжаан Уйгарчууд нь лалын шашинтай. Хятадын бүрэлдэхүүнээс гарч тусгаар уосынхаа гал голомтыг эргэж сэргээх хүсэлтэй байдаг. Шинжаан Уйгарт олимпийн бамбарыг аялуулах үеэр гэмт хэрэг, хорлон сүытгэх ажиллагаа гарахаас сэргийлж цагдаа нар өндөржүүлсэн бэлэг байдалд ажиллаж байгаа тухай хятад дахь Би Би Си-ийн сурвалжлагч утсаар мэдээлжээ. Олиммийн бамбар Шинжаан Уйгарын өөртөө засах оронд аялаад дараа нь Түвдын Лхас хотод очих юм байна.

Лид5. Гэвч хэдхэн цагийн өмнө Гүржийн цагдаа нар Оросын энхийг сахиулагчдыг сулласан тухай Итар Тасс агентлаг мэдээллэээ. Одоо дараагийн мэдээгээ танилцуулъя. Украины ерөнхийлөгч Виктор Ющенко Умард Атлантын цэргийн эвсэлийн гишүүнээр элсэх тухай шийдвэр гаргасан билээ. Гэвч ерөнхийлөгчийнх нь энэ шийдвэр олон сая Украинчуудад таалагдсангүй. Украины хүн ам төвлөрөн амьдардаг томоохон гурван хотод эсэргүүцлийн жагсаал болж байна.
Украин төрийн тэргүүн энэ долоо хоногийн эхээр хийсэн мэдэгдэлдээ 2008 оны 12 сар гэхэд бид Умард Атлантын цэргийн эвслийн бүрэн эрхэт гишүүн болсон байх болно гэж мэдэгдсэн юм. Үүний дараа тус улсын Харьков, Киев хотод төрийн тэргүүний шийдвэрийг эсэргүүцсэн олон хүн жагсаал зохион байгуулсан байна. Жагсаалд оролцогчид гартаа “Умард Атлатын цэргийн эвсэлд үгүй гэж хэлье”, “НАТО бидний дайсан” гэх зэрэг лоозон барьсан байжээ. Жагсагчдын олонхи нь Умард Атлантын цэргийн эсвэлд гишүүнээр элсэх эсэх асуудлаар бүх ард түмний санал асуулга явуулахыг шаардаж байна. Жагсаал цуглаан гудамжинд болж байхад Украины цагдаа нар үймээн, эмх замбараараагүй байдал гарахаас сэргийлж боломжтой бүх арга хэмжээг авч байжээ.

ТОВЧ
Палестины ХАМАС бүлэглэл, Израилийн засгийн газар хэлэлцээр хийсний үр дүнд хирэх пүрэв гаригаас эхлэн харилцан гал зогсоох тухай тохиролцоонд хүрсэн байна. Энэ мэдээллийг Хамас бүлэглэл, Израилийн засгийн газрын эх сурвалжуудын аль алин нь нотлож байгаа юм. ХАМАС бүлэглэлийн төлөөлөгч Ахмед Юсеф бид Израилийн засгийн газартай хийсэн гэрээгээ хатуу чанд мөрдөх болно. Израилийн тал ч бас амлалтаа биелүүлнэ байх гэж найдаж байгаагаа илэрхийлсэн байна.

Иракын нийслэл Багдад хотын шийтүүд амьдран суудаг дүүрэгт тэсрэх бөмбөг тавьсан машинд дэлбэрч 51 хүн амь насаа алдаж 75 хүн шархадсан байна. Сүүлийн хоёр долоо хоногт гарсан 3 дахь алан хядах ажиллагаа нь энэ болж байна.

АНУ ын Калифорни мужид ижил хүйстэн хосуудыг албан ёсоор гэрлэхийг хориглож байжээ. Калифорни мужийн дээд шүүх хуулийн энэ хоригийг хүчингүй болгосноор ижил хүйстэнүүд албан ёсоор гэрлэлтээ батлуулах боломжтой болж байна. Ижил хүйстэнүүд гэрлэлтээ батлуулж байгааг эсэргүүцэгчид нь Калифорни мужид цөөнгүй байна. Тэд эсэргүүцлийн жагсаал хийж байна.

Пуужингийн довтолгооноос сэргийлэх системийг Европт байрлуулах тухай мэдээнд шинэ дуулиан дэгдээд байна. Пуужингийн довтолгооноос эсэргүүцэн хамгаалах төхөөрөмжөө Литва улсад байрлуулахаар АНУ ын албаны хүмүүс хэлэлцээр хийж эхэлсэн гэж Польшийн гадаад хэргийн яам мэдээлсэн байна. Литвийн тал АНУ д энэ саналаа тавьжээ.. АНУ ын эр цэргийн баазыг нутаг дээрээ байгуулсанаар Польш улс зэвсэгт хүчнээ сайжруулахад шаардлагатай 20 тэрбум долларыг нэхэмжилж байгаа юм. Гэвч Вашингтон энэ мэдээллийг няцааж байна.

Лид6. Францын ерөнхийлөгч Николя Саркози уос орныхоо зэвсэгт хүчний салбарт өөрчлөн шинэчлэлт хийх тухай төлөвлөгөө боловсруулжээ. Цомхон, чадварлаг, мэргэжлийн зэвсэгт хүчинтэй болгохын тулд 50 мянган цэргийн албан тушаалтныг ажлаас нь чөлөөлөх гэж байна.
Францын зэвсэгт хүчинд алба хааж байгаа хүмүүсийн тэн хагасаас илүү нь удирадах ажил эрхэлдэг байна. Харин зэвсэгт хүчний нийт бие бүрэлдэхүүний ердөө 40 хувь нь цэрэг офицерүүд байгаа юм.
Дэлхий дахинд өрнөж байгаа өөрчлөлттэй уялдуудан зэвсэгт хчний бүтэц бүрэлдэхүүнийг өөрчлөх шаардлага зайлшгүй гарч байна гэж Францын ерөнийлөгч Николя Саркози хэлж байна. Түүнтэй санал нэг байгаагаа Францын батлан хамгаалахын сайд Эрве Моран Monde сонинд өгсөн ярилцлагадаа илэрхийлжээ. Францын засгийн газар зэвсэгт хүчний бүтэцийг өөрчилж байгаа ч Умард Атлантын Цэргийн эвсэлтэй хамтран ажиллах бодлогоо үргэлжлүүлэх юм байна. Франц улс өөрийн цөмийн зэвсэгтээ хяналтаа тогтоосон хэвээр байх болно гэж Николя Саркозигийн боловсруулсан баримт бичигт онцлон тэмдэглэжээ. Франц улс олон улсын энхийг сахиулах үйл ажиллагаанд идэвхитэй оролцдог юм. Гэвч Афганистанд алба хааж байгаа 12 мянган франц цэрэг нисдэг тэрэг, машин унаа гээд зарим төрлийн тоног төхөөрөмжөөр дутагддаг байна. Зэвсэгт хүчнээ цомхон болгосноор энхийг сахиулах үйл ажиллагаанд саад болж байгаа хүндрэлүүдийг арилгах боломжтой гэж францын эрдэм шинжилгээний хүрээлэнгийнхэн үзэж байна.

Лид7. Лалын хэт үндсэрхэг үзэлтэн Абу Катада Их Британий шоронд хоригдож байсан юм. Түүнийг Йорданы хууль сахиулах байгуулагад шилжүүлэн өгөх гэж хэд хэдэн оролдлого хийсний дараа Их Британий шоронгоос сулласан байна.
Орон нутгийн цагаар 19,20 минутад Абу Катада Английн Вустершир гүнлэгийн Лонг Лартин шоронгоос суллагджээ. Энэ жил 17 настай Йордан улсын харъят энэ хүнийг Аль Кайда алан хядагч бүлэглэлийн тэргүүн Усама Бен Ладены баруун гар гэж үзэж хэд хэдэн удаагийн алан хядах ажиллагааг зохион байгуулсан гэж буруутгаж байсан билээ. Түүнийг Йорданы хууль сахиулагчдад шилжүүлэх гэж байсан ч энэ оны 5 сард Английн шүүх хориг тавьсан юм. Түүнийг шоронгоос суллахын өмнө их хэмжээний мөнгөн барьцааг хууль сахиулагчид авч үлдсэн байна. Шоронгийн өргөст торноос суллагдаж байгаа ч түүнийг Лондон хотын баруун дүүрэгт байдаг гэртээ хоногт 22 цагийн турш байх, биеийн хөдөлгөөнийг нь хянаж байх цахилгаан төхөөрөмжийг байнга биедээ зүүхийг үүрэг болгожээ. Түүнээс гадна сүм очих, шашны цуглаан зохион байгуулах, ямар нэгэн хуралд оролцохыг хориглосон байна. Абу Катадаг 2001 онд тусгай албаныхан хайж эхэлсэн юм. Өнгөрн оны 10 сард түүнийг Лондон хотоос баривчилжээ.

Лид8.Их Британи Умард Ирландын Нэгдсэн Вант Улсын засгийн газрын гишүүн, хотын захиргааны сайд Хейзел Блиарзын ажлын өрөөнөөс нууцын зэрэглэлд хамаарагдаж байсан мэдээлэл хадгалсан компьтер алдагдсан байна.
Алга болсон компьютерт Их Британий батлан хамгаалах салбартай холбоотой мэдээлэл байжээ. Сүүлийн долоо хоногт Их Британи улсад нууцын зэрэглэлдл хамаарагдах мэдээлэл алдагдсан 3 дахь тохиолдол нь энэ болж байна. 6 сарын 10 нд Лондон хотын гал тэрэгний суудалд алан хядах байгуулагатай холбоотой мэдээлэл хадгалсан олдсон бол Суррей гүнлэгт алан хядах байгуулагын санхүүжилтиийг хэрхэн зогсоох тухай нууц материалтай хавтас олджээ. Дээрх 2 бичиг баримт алдагдсаны дараа цагдаа нар хайж байжээ.
Лид9. Одоогоос 7 хоногийн өмнө Перугийн Мокегуа хотын 5000 оршин суугч төрөлх хотоос нь холгүй ажилладаг зэс олборлох үйлдвэрээс авч байгаа татварын зарим хэсгийг хотын хөгжил дэвшилд зориулахыг засгийн газраасаа шаардсан юм. Нутгийн иргэдийн энэ шаардлагыг олон хүн дэмжжээ. Анх жагсаалд 5000 оролцож байсан бол 6 сарын 17 гэхэд 17 мянган хүн энэ жагсаалд хамрагдсан байна.
Тэд Перу улсыг Чилитэй холбосон гол замыг хүртэл хааж чаджээ. Ингэснээр Перугийн хэд хэдэн мужид хүнс, шатахууны хомсдол бий болсон юм. Жагсагчлдыг тараах гэсэн цагдаа нарын оролдлого бүтэлгүйтжээ. Жагсагчид 65 цагдаагийн албан хаагчыг барьцаалсан байна. Үүний дараа Пуругийн ерөнхийлөгч жагсагчдад хандан төрийн цагдаа нарыг суллахыг уриалжээ. Одоогийн байдлаар 48 цагдаа суллагдаад байна. Перугийн эрх баригчид жагсаал хийсэн иргэдэдээ хандан барьцаанд байгаа үлдсэн хүмүүсийг суллаж, замын хөдөлгөөнийг сэргээсний дараа асуудлыг хэлэлцээрийн замаар шийдэх саналыг тавьсан байна.
Перу улс нь латин Америктаа зэс олборлолтоороо дээгүүр байр эзэлдэг. Тус улсын эдийн засаг тогтмол өсөж байгаа ч ядуулын түвшин буурахгүй байгаа юм.

Лид10. АНУ ын Лос Анжелос хотод жүжигчин Сид Чарисс 86 насандаа ховоогийн мөнх бусыг үзүүлсэн байна. 1940-50 ад оны хороонд тэрээр кино урлагт нэр нь домог болон мөнхөрсөн Фред Астер, Жин Келли гэх зэрэг алдартануудтайй хамтран кинонд тоглож байжээ.
Жүжигчиний албыан ёсны төлөөлөгчийн мэдээлснээр Сид Чариис зүрхний дутагдал өвчний улмаас эмнэлэгт хорвоогийн мөнх бусыг үзүүлсэн байна. Техас нутгийн бүжигчин бүсгүй 1940 оноос кино урлагт хөл тавин орж санаанд оромгүй нэр алдарын оргилд хүрч байсан юм. Түүний гол дүрд нь тоглосон “ Бороонд дуулж байгаа хүн”, “Торгон оймс” зэрэг кино олон үзэгчдийн сонирхолыг татаж байсан. Жүжигчин Сид Чаррисыг урт хөлт бүсгүй гэж нэрлэдэг байсан бөгөөд түүнтэй гэрээ байгуулсан кино компани урт хөлөө 1 сая доллараар даатгуулсан гэж зарлаж байжээ. Гэвч Би Би Си –ийн урлагийн тоймчийн мэдээлснээр Сид Чаррис олны анхаарлыг татах гэж хэзээ ч оролдож байгаагүй. Харин түүний авъяас нь олон сай үзэгчдийг өөрийн эрхгүй татдаг байсан гэж онцлон тэмдэглэж байна.

Лид11. Дэлхийн олон орны эрдэмтэд манай гариг дээр амьдрал хэрхэн үүссэн тухай шинжлэх ухааны олон арван онол гаргаж, таамаглал дэвшүүлж өдий хүрсэн. Тэгвэл Их Британий Импайр коллежийн эрдэм шинжилгээний ажилтанууд энэ асуултын хариултыг нь олсон гэж мэдэгдэж байна.
Импайр их сургуулийн эрдэм шинжилгээний ажилтан Зите Мартинс энэ жил 29 настай. Сүүлийн 4 жилд тэр солирыг судлаж энэ лабораторт амьдарсан гэхэд хилсдэхгүй. Сүүлийн 4 жилд тэр гэртээ ч ховорхон харьсан байна. Тэр манай гариг дээр амьдрал үүсэх эх сурвалж нь сансарын огторгуй байсан гэдэг дүгнэлтийг хийжээ. Манай гариг дээр 1969 онд Австралийн нутаг дэвсгэрт унасан Марчисон гэдэг солирт судалгаа хийжээ. Энэ солирт амьд бие махбодийн ДНК-ийн үндсийг бүрдүүлдэг эд эс олдсон байна.
Эм. АНУ ын Вашингтон хотын музейд хадгалж байсан солирт судалгаа хийсэн. Тэнд солирыг гадны нөлөө орохооргүй нөхцөлд хадгалж байсан юм.
Эрдэмтэн Зитагийн хэлж байгаагаар манай гариг дээр 4 тэрбум жилийн өмнө солирын бороо оржээ. Сансарын энэ эрхэс биет дээр
Амьдпрах үүсэх эрх сурвалж болсон ДНК –г бүтээдэг гол эс байжээ. Ийнхүү хувьсдийн явцад манай дэлхий дээр амьдрах бий болсон байна. Английн эрдэмтэн Зите Мартинсын хийсэн энэ дүгнэлттэй санал нийлэхгүй байгаа хүн ч бий. Солирт агуулагдаж байсан эд эс амьдрал үүсэх голд эх сурвалж болсоныг нотлох аргагүй. Учир нь манай гаригт байсан эд эсүүд ч бас солирыг дэлхийн агаар мандалд орох үед нэвчсэн байж болно гэж зарим эрдэмтэд мэдэгдэж байгаа юм.

Лид12. Дэлхийн хамгийн шилдэг сайн онгоцны буудлууд Зүүн Өмнөд Азид байдаг гэнэ. Учир нь эелдэг сайхан зантай хүмүүс үйлчилдэг бөгөд хүлээлгийн танхимынх нь сандлууд нь суухад эвтэйхэн тав тухтай, бас бүртгүүлэхэд амархан байдаг гэсэн дүгнэлтэнд асуулга судалгаа явуулсны дараа Нисэх буудлуудын Олон улсын Зөвлөлийн шинжээчид хүрсэн байна.
Ялангуяа Өмнөд Солонгосын Инчхон агаарын боомтын тухайд хүмүүс гайхамшигтай сайхан санал сэтгэгдэлтэй байдаг аж. Тэгээд ч энэ боомт 3 жид дараалан тэргүүлж яваа буудал юм байна. Малайзын Куала Лумпур хотын нисэх зурвас, Сингапурын Чанги нисэх буудал үүний дараа 2, 3 рт ордог юм байна. Европы тивийн хувьд гэвэл Португалийн Порту нисэх цогцолбор эхний байрт ордог гэнэ. Хойд Америкийн Даллас хотын агаарын боомт нисэх буудлуудын дотроос хүндэт медаль хүртжээ. .

Лид13.Өнөө үед өндөр технолгийг томоохон урлагтэй эн зэрэгцүлэн авч үздэг болжээ. НьюЙоркийн музейн нэгэн үзмэрийн тухай өнөөдөр дэлхий дахинаа шагшин ярих болжээ. Энэ музейг үзэж сонирхож байгаа хүний сэтгэл хөдлөлийг хиймэл оюун ухаан хянаж чаддаг болсон гэнэ. Бас агуу их зураачдын бүтээлтэй зэрэгцээд компьютероор зурсан ханын цааснууд үзэж болно.
Нью Йоркийн орчин үеийн урлагийн энэ музей зураачдын бүтээлийг төдийгүй цахилгааны инженерүүдийн сүүлийн үеийн ололтыг үзүүлж харуулдаг аж. Орох хаалган дээр хамгийн түрүүнд ямар музейг үзэж сонирхохыг компьютерийн дисплей үзэгчдэд хэлж өгдөг гэнэ. Онгойхоос нэг цагийн өмнө музейн ажилтнууд цаасан дээр бичсэн биш, цахилгаан товхимлууд бүхий мэдээллийн мухлаг ажиллуулж эхэлдэг юм байна. “ Музей үзэж байхдаа , үзэхийнхээ өмнө болон дараа нь компьютерийн тенологи ашиглахыг үзэгчдэдээ бид санал болгодог . Тэгээд олон хүн музйе үзэхээр ирж чаддаггүй . Тиймээс интернетэд манай маш олн материал байдаг “ гэж Цахилгаан технолгийн яамны бүтээлийн захирал Аллегра Брюнет ярьсан байна. Энэ музейн ихэнх үзмэрийг компьютерийн тусламжтайгаар бүтээжээ. Цагаан цэнхэр өнгө хүний сэтгэлийг тайвшруулдаг бол хурц улаан өнгө тав тухгүй байдалд огцом оруулдаг гэнэ. Зарим үед урлаг , шинжлэх ухаан , технологийн зааг хязгаарыг ойлгоход хэцүү болдог ч явдал байдаг гэнэ . Алтлаг гэрэл бүхий шар тасалгаанд бүх өнгө уусаж үзэгдэхгүй болж бүх зүйл хуучны зураг шиг хар цагаан өнгөтэй болдог юм байна. Хурц шар гэрэлд видео камер ч тэр , хүний нүд ч тэр өнгө ялгахаа байдаг гэнэ.