Лид1. Өнөөдөр Оросын ерөнхийлөгч Владимир Путин АНУ-д хүрэлцэн ирлээ. Жорж Буш Владимир Путиныг Мэн муж улсын Кенненбанкпорт хотод байдаг эцэг эхийнхээ эдлэнд хүлээн авч уулзах юм.
Дүрс. Владимир Путины хөлөглөсөн онгоц Портсмут хотын нисэх онгоцны буудалд газардмагц өнөөгийн ерөнхийлөгчийн эцэг, том Буш тосож уулзжээ. Тэд онгоцны буудлаас нисдэг тэрэг хөлөглөн Кенненбанкпорт хотын Уоркерс пойнт хошуу орчимд байдаг хувийн эдлэн руу явцгаажээ. Кенненбанкпорт хотод Путин Жорж Буштай уулзаж задгай тэнгист моторт завиар зугаалж дараа оройн зоог барьсан гэж Их Британий Би Би Си телевиз мэдээлж байна. Америк руу нисэхээсээ өмнө Оросын төрийн тэргүүн Жорж Буштай нөхөрсөг яриа өрнүүлнэ гэдэгт итгэж байна гэж мэдэгдсэн юм.
Эр. Улс төрийн амьдрал ч бас спортттой адилхан өрсөлдөөнтэй байдаг. Улс төрийн өрсөлдөөн тодорхой дүрэм, хэв хэмжээтэй байж, харилцан бие биенийхээ ашиг сонирхолыг хүндэтгэдэг зарчимтай байх нь чухал. Нөхөрсөг, найрсаг харилцаатай байгаа Жорж Буштай хийх яриа хэлэлцээр маань ийм зарчимын дагуу явагдана байхаа гэж би найдаж байна.
Сүүлийн үед Орос Америкийн харилцаа мэдэгдэхүйц хүйтэрсэн гэж ажиглагчид дүгнэж байгаа. Чех, Польшын нутаг дэвсгэр дээр агаарын довтолгооноос эсэргүүцэн хамгаалаах төхөөрөмжөө америкчууд байрлуулах гэж төлөвлөж байгаа нь Москвагийн эсэргүүцэлтэй тулгараад байгаа юм. Түүнчлэн Косовогийн статусын талаар орос америкийн ерөнхийлөгч нарын санал эрс зөрж байгаа. Путин Жорж Буш хоёрын энэ удаагийн уулзалт хоёр орны харилцаанд гараад байгаа ан цавыг арилгах болно гэж америкийн тал мэдэгдэж байна.
Лид2. Санкт-Петербург хотын төв гудамжнаас өнгөрсөн 5-р сард хулгайлагдсан бага насны хоёр хүүхэдийг өнгөрсөн амралтын өдөргэмт этгээдүүд сулласан байна. Барьцаалагдсан хүүхдүүдийг суллах ажиллагаа явуулах үед хүч хэрэглэх шаардлага гараагүй гэж Санкт-Петербург хотын прокурорын газар мэдэгджээ.
Дүрс. 5 сарын 15-нд Дима, Саша нарыг хулгайлж өнөөг барьцаанд байлгасан гэмт хэрэгтэнүүд хүүхдүүдийн эцэг эхээс эхлээд 10 сая евро шаардаж байгаад дараа нь шаардлагаа өөрчилж 1сая доллар нэхэж байсан юм. Өнгөрсөн долоо хоногийн пүрэв гаригийн шөнө гэмт хэрэгтэнүүд Сашаг сулласан бол өнгөрөгч ням гаригийн шөнө Димаг суллажээ. Хүүхэд барьцаалсан гэмт хэрэгтэнүүдийг хууль хяналтын байгуулагынхан баривчилж чадаагүй байна. ОХУ-д хүүхэд худгайлж барьцаалсан гэмт хэрэг үйлдсэн этгээдэд 15 жил шоронд ял эдлэх шийтгэл оноодог юм байна. Барьцаанаас суллагдсан хүүхдүүдийн биеийн байдал сайн байгаа гэж албаны хүмүүс нотолж байна.
Лид3 Өнгөрсөн долоо хоногт Пакистан улсын өмнөд хэсгийн мужууд хүчтэйт хар салхинд нэрвэгдсэн. Байгалийн гамшигийн үеэр учирсан хохиролын хэмжээг тооцож, арилгааж амжаагүй байдал дахин хүчтэй салхи дагуулсан аадар бороо оржээ.
Дүрс. Ройтер агентлагийн уламжилснаар ням гаригт Пакистаны өмнөд хэсгийн Белужистан мужид орсон аадар борооны улмаас үер бууж 30 хүн амь насаа алджээ.Тус мужын Хуздар тосгоны 10 орчим оршин суугчыг гамшиг болсон бүсээс нүүлгэн шилжүүлжээ. Гамшигийн хохиролыг арилгах ажлыг зохион байгуулж байгаа хорооны дарга ор сураггүй алга болсон хүмүүсийн тоог эцэёлэн гаргаагүй байна гэж хэвлэлийнхэнд мэдээлжээ. Ази тивийн энэ бүс нутагт борооны улирал урьд жилүүдийнхээс эрт эхэлсэн нь үер болох шалтгаан боллоо гэж цаг уурын албаныхан тайлбарлаж байна. Пакистан, Энэтхэг, Афганистанд болсон үерийн гамшигт одоогийн байдлаар нийт 500 орчим хүний амь үрэгдээд байгаа юм. Үеийн гамшигт Пакистан орны өмнөд мужууд хамгийн их хохирол амсжээ.
Лид4. Их Британи Умард Ирландын Нэгдсэн Вант Улсад олон нийтийн газар тамхи татахыг хориглосон хууль хүчин төгөлдөр үйлчилж эхэллээ.
Дүрс. Баар, ресторан, шөнийн цэнгээний клуб, сургууль, эмнэлэг, шоронд тамхи татахыг хуулиар хориглосон байна. Энэ хууль Их Британи Умард Ирландын нэгдсэн вант улс даяар мөрдөгдөж эхэлснээр хүн амын эрүүл мэндэд эерэгээр нөлөөлнө гэж эрх баригчид үзэж байна. Их Британи даяар нэг жилд 600 орчим хүн тамхины хорноос болж хорвоог орхидог байна. Олон нийтийн газар тамхи татсан хүнийг 50 фунтээр торгох тухай хуулинд тусгажээ. Энэ нв ойролцоогоор 100 америк доллар гэсэн үг. Хууль зөрчигч торгуулиа 15 хоногийн дотор төлөх юм бол торгуулийн хэмжээг 30 фунт хүртэл бууруулах юм байна. Удаа дарааллан хууль өрчиж олон нийтийн газар тамхи татсан хүнийг шүүхэд дуудаж 200 фунтээр торгож болох тухай заалт ч энэ хуулинд байгаа гэнэ. Өөрийн ажлын байрандаа тамхи татахыг зөвшөөрсөн албан байгуулага, компанид 2500 фунтын торгууль оногдуулах юм байна.
No comments:
Post a Comment