Дэлхийн мэдээ 2008 08 18 Даваа гараг

Лид1. ОХУ ын ерөнхийлөгч Дмитрий Медведев 8 сарын 18 аас эхлэн Гүржээс цэрэг дайчдаа татан гаргаж эхэлнэ гэдгээ амалсан байна.
Өмнөд Осетийн нутаг дэвсгэр дээр ОХУ “Точка” хэмээх шуурхай тактик бүхий пуужингийн хэд хэдэн иж бүрдэл болон цэргийн баазын мөргөлдөөний бүсэд ойрхон цэргийн анги нэгтгэлийн зарим хэсгийг байрлуулсан тухай америкийн Де Нью Йорк сонинд өчигдөр мэдээлсэн байна. Пентагоны өндөр албан тушаалын төлөөлөгчийн хэлснээр 8р сарын 15 нд Точка иж бүрдэл пуужинг Өмнөд Осетийн нутаг дэвсгэрт аваачсан гэнэ. Цхинвалийн хойд дүүргүүдэд байрлуулсан энэхүү пуужингийн хамрах хүрээнд Тбилиси , Кутаиси зэрэг Гүржийн ихэнх хэсэг
орж байгаа юм байна. Бесланд Песковын агаарын десантын дивизийн 76 р батальоныг хямралын бүсээс холгүй байрлуулсан тухай америкчууд мэдээлжээ. Костромд байдаг агаарын десантын дивизийн 98р гвардийн цэрэг дайчдыг Хойд Осети руу илгээхээр оросууд бэлдэж байгаа юм байна. Оросын стратегийн бөмбөгдөгч ТУ 95 МС загварын онгоцнууд Хар далайн дээгүүр бэлтгэл сургуулилт явуулжээ. Энэхүү онгоцнууд нь Гүржийн нутаг дэвсгэр лүү пуужингаар харвах бэлтгэл болжээ гэж америкийн цэргийн шинжээчид үзсэн байна . Ингэснээрээ ОХУ нь хил залгаа бүс нутгаа өөрийн нөлөөний бүс гэдгийг харуулахыг зорьж байгаа бололтой. Өнөөдөр Гүржийн нутаг дэвсгэрээс ОХУ цэргээ татан гаргаж эхэлжээ. Оросууд Өмнөд Осетийн хямралыг зохицуулах 6 зүйл заалт бүхий төлөвлөгөөний дагуу хүч хэрэглэээс татгалзаж , гүржийн цэргүүд өөрийн урьдын байнгын байрлалдаа буцаж очих, цэргийн ажиллагаа эхлэхээс өмнөх галын шугам руу оросын цэргүүдийг гаргах түүнээс гадна Өмнөд Осети болон Абхазад аюулгүй байдлын олон улсын баталгаа гаргаж өгөх гэж байгаа юм байна.
Николя Саркозигийн хамтран боловсруулсан энэ төлөвлөгөөг Гүржийн тал даган мөрдөн гэдгээ хүлээн зөвшөөрчээ. Өнгөрсөн ням гаригт Францын ерөнхийлөгч Николя Саркози ОХУ ын ерөнхийлөгч Дмитрий Медведевтэй утсаар ярьж хэрвээ амласан болзлоо биелүүлэхгүй бол ноцтой үр дагавар заналхийлж байгаа гэж анхааруулсан байна

Лид2. АНУ ын Аризон мужид оршдог байгалийн үзэсгэлэнт газрын оршин суугчдид жуулчдыг үерийн аюул заналхийлж байгаатай холбогдуулан нүүлгэн шилжүүлж байгаа тухай Ассошейтед Пресс агентлаг мэдээлсэн байна.
Аризон мужийн Редлендс хотод хүчтэй аадар бороо орсны улмаас Колорадо голын нэгэн далан зад үсэрснээс болж байгалийн үзэсгэлэнт газарт үер буужээ. Даланд ан цав гарснаас болж Колорадо голын усны түвшин дээшилж ойролцоо оршдог индианчуудын Супаи суурин усанд автсан байна Энэ сууринд индианчуудын омгийн 4ОО орчим хүн амьдран суудаг бөгөөд одоогоор амь эрсэдсэн хүн байхгүй байгаа гэнэ . 2ОО1 онд Супаи дүүүрэгт үер болох үеэр 2 настай хүү эцэг эхийн хамт амь насаа алдаж байжээ.
Лид 3. АНУ ын сансрын уудмыг шинжлэн судлах төвийн бүтээж байга Орион сансрын хөлөг ашиглалтанд орох хугацаа нэг жилээр хойшлогджээ.
Зохин бүтээгчдэд хүнд асуудлууд тулгарчээ. Орион хөлөг одоо ашиглаж байгаа шаттл хөлгийн халааг авах юм байна. : АНУ ын сансрын уудмыг шинжлэн судлах төвийнхөн 2О13 онд Орион хөлгөөр анхны нислэг хийхээр тооцоолж байсан боловч 2О14 онд хөөргөхөөр болжээ. НАСА гийн төлөөлөгчдийн хэлснээр Орион хөлгийг бүтээхэд зориулж төсөвлөсөн хөрөнгө мөнгө хугацаанаасаа өмнө дуусч магадгүй байгаа юм байна.
Хөөрөлтийн үеийн хүчтэй чичиргээ гэх мэтийн шинэ санасрын хөлгийг зохион бүтээхэд гарч байгаа хүндрэлтэй асуудлуудыг одоогоор шийдэж чадаагүй байна Энэ оны 7р сард НАСА одоо ашиглаж байгаа сансрын хөлгүүд хамгийн сүүлд хэзээ хөөрөхийг товлосон байна . 2О1О оны 5р сарын 31 нд Эндовер хөлөг хамгийн сүүлчийн нислэгээ хийх юм . Орион хөлөг 2О16 оноос нааш ОУСС руу ажлын нислэг хийхгүй юм байна. Энэ хугацааг хүртэл Оросын Союз хөлөг болон америкийн Калифорни мужийн SpaceX компанийн зохион бүтээсэн төхөөрөмжийг ашиглаж байх юм байна. .

Лид 4. Xbox 360 консоль нь Японд зарагдаж байгаа хэмжээгээрээ PlayStation 3 ыг гүйцэж түрүүлжээ. Өнгөрсөн 7 хоногтой Xbox 360 консолийнм зарагдсан тоо нь 5 дахин өсжээ гэж TechRadar мэдээлжээ.
8р сарын 4 нос 1О ны хооронд Япон улсын иргэд Майкрософт компаний бүтээсэн 24962 ширхэг тоглуулагчийг худалдан авсан байна. Ингэснээр Xbox 360 PlayStation 2 и PlayStation 3ыг гүйцэн түрүүлж рейтингээрээ 4рт оржээ. Харин 7 хоногийн өмнө японы иргэд 5359 ширхэг тоглуулагч худалдан авч байжээ. Xbox 360 тоглулагчийн худалдаа өссөн нь 8р сарын 7 нд Япон улсад шинэ тоглоом гарсантай холбоотой юм . Энэ тоглоомыг диск 1О8 мянган хувиар зарагджээ. Хамгийн их борлогдсон тоогоороо
Nintendo DS (60434 консоли) тэргүүлжээ. PlayStation 3 өнгөрсөн 7 хоногт 5р байр эзэлжээ. Харин Sony фирм 9673 тоглуулагч зарсан байна.

Лид5. Ромын хамба лам 16 р Бенедикт христийн шашинтнуудад хандан гадаадын хүмүүст хүлээцтэй хандаж байхыг уриалжээ. Католик шашны долоо хоног тутмын томоохон сэтгүүлд хууль бус цагаачдыг дарамталж байгаа гэж засгийн газрыг шүүмжилсэн өгүүлэл хэвлэгджээ.
Зарим улс орнуудад арьс өнгөөр ялгаварлах гадуурхах үзэгдэл газар авч байгаа талаар хамба лам өөрийн зуны өргөөндөө байхдаа хэлсэн байна. Тэр ямар нэгэн улсыг нэрлээгүй ч Итали улсыг энэ шүүмжлэлдээ ямар нэгэн далд байдлаар багтаажээ. Арьс өнгөөр гадуурхах үзэл нь нийгэм, эдийн засгийн асуудалтай холбоотой байдаг бөгөөд энэ үзэгдэлд үл тоомсорлосон хандлагийг зөвтгөх болохгүй гэж хэлжээ. Хүн хүнээ хүндэтгэсэн ертөнцөд л шудрага үнэн, энх тайван оршин тогтнож чадна гэж их гэрээнд бичсэнийг хамба лам иш татсан байна. Нэг сая хувь хэвлэгдэн гардаг Католик шашны нэр хүнд бүхий долоо хоног тутмын Famiglia Cristiana сэтгүүлд гарсан нийтлэл нийгэмд ихээхэн дуулиан тарьж олны анхаарлыг татжээ. Сильвио Берлусконигийн засгийн газар гэмт хэрэгтэй тэмцэх ажлын хүрээнд цыган хүүхдүүдийн гарын хээг авч байгааг энэ өгүүлэлд шүүмжилжээ. Итали улсад гэмт хэрэг өсөж байгаа нь цагаачдын тоо нэмэгдсэнтэй нягт холбоотой гэж ихэнхи италичууд үздэг байна. Цагаачдын ихэнхи нь хойд африкаас завиар Италид ирдэг байна.