Дэлхийн мэдээ 2008 08 07 Пүрэв гараг

Лид1: Гүржийн дайчид Өмнөд Осетийн Дменис, Сарабук, Сатикартосгод болон Цхинвалийн дүүргүүдэд гал нээсэн тухай Интерфакс агентлаг мэдээлсэн байна.

Өмнөд осетийн тосгод руу гүржийн цэрэг дайчид гал нээснээс болоод энгийн номхон нэг хүн толгойдоо шархадсан тухай Интерфакс агентлаг мэдээлжээ. Өмнөд Осетины талаас мөн хариу гал нээсэн байна. Гүржийн Эреди суурингийн зүгээс Дменис тосгон руу том калибрийн буугаар гал нээснээс болж тосгоны оршин суугчид байшингийнхаа хонгилд орж нуугджээ. Одоогоор хор хохирлыг баримжаагаар ч болтугай тодорхойлох боломжгүй байна гэж Өмнөд Осетийн батлан хамгаалахыг 1р орлогч сайд Ибрагим Гассеев мэдэгдээд Гүржийн газар нутгаас Дменис тосгон руу их бууны шинэ шинэ цуваа, хуягт техникүүд болон амьд хүч татаж байна гэдгийг Интерфакс агентлагт мэдээлсэн байна. Мөргөлдөөний энэхүү бүс нутагт 8р сарын 1 нээс нөхцөл байдал улам бүр хурцадсаны улмаас 6 хүн эрсдэж, 2О шахам хүн шархадсан байна. 8р сарын 6 нд Өмнөд Осетийн Знаурын дүүрэгт буудалцааны болжээ. Нули тосгон руу гүржийн тал мэргэн буучдаараа пулемётоор гал нээлгэсэн тухай Өмнөд Осетийн эрх баригч зарим нэг төлөөлөгчийн мэдэгдсэн мэдэээллийг гүржийн тал няцаажээ. Гэсэн хэдий ч Нули болон Убиат тосгоны ойролцоо болсон мөргөлдөөнийг Өмнөд Осетийн Дотоод хэргийн сайд Михаил Миндзаев баримтаар нотолсон байна . Энэхүү тулааны үеэр осетчууд нэгэн өндөрлөгийн эзлэн авсан гэнэ.
Лид2. Өчигдрийн мэдээллээр Хятад улсад Мягмар гаригт болсон 6. баллын хүчтэй газар хөдлөлтийн үеэр хүн гэмтэж бэртээгүй гэж байсан бол өнөөдөр 3 хүн нас барж 35хүн шархдаж олон байшин сүйрсэн гэж мэдээллэжээ.. Нас барсан хүмүүсийн 2 нь Яодугын, 1 нь хөрш хот болох Гансүгийн иргэд байсан байна гэж Зинхуа агентлагаас мэдээллэжээ.
Албаны хүмүүс энэ аюулын дараагаар хохирлын хэмжээг тодорхойлох ажил эхлээд байгаа юм. Газар хөдлөлт Сыучан мужаас олимпийн бамбарыг үдэж, Бээжинд шитлжүүлсэнээс хойш хэдхэн цагийн дараа болжээ.
Газар хөдлөлт Сычуань мужийн Гуангиан хотоос 48 км ын зайд 6,2 баллын хүчтэй газар хөдлөлт оройн 18 цагт болсон.

Лид3: Өнгөрсөн мягмар гаригт интернетийн нэгэн сайт дээр ерөнхийлөгчийн албан тушаалд нэрээ дэвшүүлж байгаа Пэрис Хилтон сонгуулийн өмнөх хөтөлбөрийнхөө гол гол зорилтуудыг товчхон танилцуулсан зар сурталчилгаа тавигдсан байна.

Энэхүү сурталчилгаагаараа жүжигчин эмэгтэй “ Нэрт хүмүүс “ гэдэг сонгуулийн өмнөх видеондоо Жон Маккейн түүнийг Барак Обаматай зүйрлүүлсний хариуг өгч байгаа гэнэ. Усны хувцастай камерын өмнө зургаа авахуулахдаа Хилтон Маккейныг буурал өвгөн гэж нэрлэн сонгуулийн өмнөх сурталчилгаандаа ашигласан тус дэмжлэг үзүүлсэнд талархал илэрхийлжээ. Дараа нь Хилтон АНУ ын эрчим хүчний салбарын бодлогын талаар үзэл бодлоо илэрхийлж , Маккейн болон Обамагийн хөтөлбөрийн дундаас эрчим хүчний хамааралгүй болох , ажлын шинэ орон тоогоор АНУ ыг хангах “ холимог” зүйл гарган авч болох тухай саналаа хэлжээ. Өөрийн ерөнхий сайдаар дуучин Рианнаг томилох хүсэлтэй байгаа бөгөөд хэрвээ сонгуульд ялах юм бол Цагаан ордныг ягаан өнгөөр будмаар байгаа тухай ч үг цухуйлгасан байна.

ЛИД 4: Ангараг гариг дээр ажиллаж байгаа Феникс төхөөрөмж тус гаригийн хөрсөнд хлорын хүчлийн давс буюу перхлорат байгааг илрүүлсэн байна.

Ангараг гаригийн хөрснөөс илрүүлсэн перхлорат гэдэг бодис хүчтэй исэлдүүлэгч бөгөөд ийм бодис хөрсөнд байгаа нь Улаан гариг дээр амьд бие махбод оршин тогтнох магадлалыг бууруулж байгаа юм байна. Феникс төхөөрөмжийн үйл ажиллагааны тухай сайтыэ мэдээлэлд Ангараг гаригийн хөрснөөс олж илрүүлсэн перхлоратыг урьдчилсан таамаглал маягтай зүйл гэж тодруулжээ. Хөрсөнд перхлорат байгаа тухай мэдээллийг Феникс төхөөрөмж өөрийн микроскопон болон химийн МЕСА модулийнхаа тусламжтайгаар олж авчээ. Аризон мужийн их сургуулийн багш Питер Смитийн хэлснээр бол Ангараг гаригийн хөрсний дээжийг хийн анализатораар судлан шинжилсэн урьдчилсан дүнгээр перхлорат илэрснийг нотлоогүй юм байна. Гэхдээ л ангараг гаригийн хөрс бохирдсон байж болзошгүйг үгүйсгээгүй байна. Перхлорат нь пуужингийн хатуу түлшинд агуулагддаг учраас төхөөрөмжийг нислэгт бэлдэх үе шатны үед бохирдсон байж болох юм гэж үзэж байгаа аж. Уг нь өмнөх дүгнэлтээр ангараг гаригийн хөрсний бүтэц Антарктид тивийн хуурай хөрстэй адил төстэй байж магадгүй гэж гарч байжээ. Учир нь хөрсөнд нь асар их хэмжээний шүлт , манай гаригийн хөрсөнд агуулагддаг олон бодис илэрсэн юм байна Түүнээс гадна 7р сарын 31 нд ангараг гариг дээрээс ус олж илрүүлснийг мэргэжилтнүүд албан ёсоор нотолжээ.

ЛИД 5: Колумбын тусгай албаныхан өөрийнх нь эмблемийг ашиглаж байгаад Улаан загалмай нийгэмлэг сэтгэл дундуур байгаа гэнэ.


Хорих газарт хоригдож байгаа барьцааны хүмүүсийг өчигдөр суллах үеэр өөрийнх нь эмблемийг ашигласны учир шалтгааныг тайлбарлахыг Улаан загалмай нийгэмлэгийн олон улсын хороо Колумбийн эрх баригчдаас шаардсан тухай Ройтер агентлаг мэдээлсэн байна. Суллаж буй хүмүүсийн дунд Ингрид Бетанкур байсан бичлэгийг өнгрөсөн 7р сард колумбийн телевиз үзүүлжээ. Тэрхүү хальсан дээр колумбийн тусгай албаны нэгэн дайчин Улаан загалмай нийгэмлэгийн эмблем бүхий хүрэм өмссөн байсан байна. Ашиглах эрхгүй эмблемийг санамсаргүй хэрэглэсэн явдалдаа Колумбийн ерөнхийлөгч Альваро Урибе 7р сарын дундуур хүлцэл өчсөн юм байна. Гэсэн хэдий ч Улаан загалмай нийгэмлэгийн удирдлага эмблемийг санаатайгаар ашигласан хэмээн тусгай мэдэгдэл өчигдөр гарган олон нийтэд зарлажээ. Үүнтэй холбоотойгоор нэмэлт тайлбар өгөхийг Колумбийн эрх баригчдаас Улаан загалмай нийгэмлэг шаардсан юм байна . Өнөөдөр ерөнхийлөгч Альваро Урибе дахин уучлалт гуйж эмблемийг ашигласан баримтыг буруу мэдээлсэн тухай тайлбарлахыг шаардсан гэдгээ буруутай этгээдүүдийг шийтгэхээр болсон тухайгаа мэдээлжээ. Колумбийн ерөнхийлөгчид нэрээ дэвшүүлж байсан Ингрид Бетанкурыг суллахад АНУ ,Израйлын тусгай албаынхан оролцсон тухай албан ёсны бус мэдээлэлд өгүүлсэн байна.

ЛИД 6: Иракийн шийтийн радикал бүлэглэлийн тэргүүн Моктада Садрын төлөөлөгч Салах Обейди “Иракт америкийн зэвсэгт хүчнүүд хир удаан байрлахаас Махдагийн армийн гүйцэтгэх үүрэг шалтгаана “ гэж мэдэгдсэн тухай Би Би Си мэдээлсэн байна. Америкийн цэргийн бүрэлдэхүүнийг татан гаргах хуваарь дээрээ АНУ Ирак улс санал нийлэхгүй байх юм бол эсэргүүцэл үргэлжилсээр байна гэж мөн хэлжээ. Баасан гаригийн мөргөлийн дараа зэвсгээ хураалгах тухай Моктада Садрын тушаалыг зарлан мэдэгдэх ёстой гэнэ. Махдагийн армийн тэргүүн тус бүлэглэлээ нийгэм улс төрийн байгууллага болгон өөрчлөн шинэчилж тэмцлийн зэвсэгт арга ажиллагаанаасаа бүрмөсөн татгалзах хүсэлтэй байгаа юм байна. Садрын мэдэгдлийг Иракт суугаа АНУ ын цэргийн бүрэлдэхүүний удирдлага баяртайгаар хүлээн авсан тухай Вол Стрийт Жорнал сэтгүүлд мэдээлсэн байна. Иракийн цэрэгжүүлсэн томоохон бүлэглэл болох Махдагийн арми одоо 5 мянган дайчидтай бөгөөд хүн амын өргөн дэмжлэгийг хүлээсээр иржээ. Удаан хугацааны турш Садрын талыг баримтлагчид Багдад болон өмнө зүгийн хэд хэдэн томоохон хотыг хяналтандаа авч байсан байна.

Лид7.Бин Ладины жолооч гэм буруутай нь тогтоогдлоо. Америкын цэргийн шүүхийн шүүгч Бин Ладины жолоочоор ажиллаж байсан Салим Хамданыг террорист үйл ажиллагааг дэмжиж оролцож байсан хэмээн буруутгасан Одоо 40 насыг зооголж байгаа жолооч шоронд бүх насаараа хоригдох ял авчээ.
Түүнийг Бин Ладины хамсаатан түүний хийсэн хэрэгт оролцсон гэж үзэж байгаа бөгөөд Ард түмэнрүү халдаж өмч хөрөнгө үгүй хийсэн гэсэн2 хэрэгт буруутгаж байгаа билээ.Түүийг 9 сарын 11 ний халдлагагд гол үүрэг гүйцэтгэсэн гэж ял тулгасан бол батлан хамгаалахын нэгэн өмгөөлөгч түүнийг Бин Ладины зүгээр доод тушаалын ажилчин гэсэн байна.
Жолооч Хамдан Бин Ладинд 1997-2001 оны хооронд Афканистанд байх үед нь ажиллаж байсан бөгөөд сарын 200 доларын цалин авдаг байжээ.Тэрээр Би зүгээр л цалин авахын тулд л ажилдаг байсан Америк луу халдсан алах хядах ажиллагаанд оролцоогүй гэж мэдэгджээ.