Дэлхийн мэдээ 2008 08 06 Лхагва гараг

Лид1. АНУ ын ерөнхийлөгч Жорж Буш Зүүн Азийн орнуудаар айлчлал хийж байна. Солонгост хийж байгаа айлчлалаа дуусгаад Жорж Буш Тайланд улсад төрийн айлчлал хийж 8 сарын 8 нд БНХАУ ын нийслэл Бээжин хотод ирж Олимпийн наадмын нээлтийн ажиллагаанд оролцох юм.
Жорж Бушыг Сөүлд ирж байгаа эсэргүүцсэн хүмүүс жагсаал зохион байгуулжээ. Сөүлийн жагсагчид Америкын болон өмнөд солонгосын тэргүүнүүдийн зурагт хуудсыг барин зогсож байжээ.Зохион байгуулагчдын ярьж байгаагаар 10 мянган хүн цугласан байна. АНУ аас өмнөд солонгос руу үхрийн мах нийлүүлэх гэж байгааг дэмжихгүй байгаа юм. АНУ д үрхий галзуу өвчин гарсаны дараа БНСУ үхрийн мах далайн чанадаас авахыг хориглосон. Хориг цуцлагдаж байгаад солонгосын олон сая иргэд дургүйцэж байна. Жорж Бушын БНСУ ын нийслэл Сөүлд хийх айлчлал хоёр хоног үргэлжилэх юм. Айлчлалын бүх хугацаанд ноён Буш Өмнөд Солонгосын ерөнхийлөгч Ли Мин Бактай уулзсан байна. Ерөнхийлөгч нар хоёр улсын чөлөөт худалдааны талаар болон Америк Өмнөд солонгосын удаан хугацааны хамгаалалтын холбооны талаар хэлэлцжээ. Сөүлд болсон жагсаалыг тараахаар хууль сахиулагчид усан буу хэрэглэсэн байна. Жагсаалын үеэр цагдаа нар 12 хүнийг нь түр саатуулжээ. Ноён Буш Өмнөд Солонгост хийсэн айлчлалынхаа дараагаар Бирм улсын тухай асуудлаар Тайландын нийслэл Банкогт очих юм. Дараа нь 8 сарын 8нд Бээжинг зорьж зуны олимпийн 29 р их наадмын нээлтэнд оролцох юм.

Лид2.Хятад улсад дахин газар хөдөллөө. Одоогоос 3 сарын өмнө Сычуань мжид газар хөдөлж байсныг та бүхэн санаж байгаа бизээ.Харин энэ удаагын газар хөдлөлт Сыучан мужаас олимпийн бамбарыг үдэж, Бээжинд шитлжүүлсэнээс хойш хэдхэн цагийн дараа болжээ.
Газар хөдлөлт Сычуань мужийн Гуангиан хотоос 48 км ын зайд 6,2 баллын хүчтэй газар хөдлөлт оройн 18 цагт болсон байна. Өнгөрсөн 5 сард болсон 7.9 баллын хүчтэй газар хөдлөлтийн үеэр 70 мянган хүн нас барсан билээ. Баасан гаригт олимп эхлэх гэж буй энэ үед 5 сарын 12 нд болсон Сичуаны газар хөдлөлтөөс болж 5 сая хүн орон гэргүй болсон байна. БНХАУ ын нийслэл Бээжин хотод Түвдийн эрх чөлөөний хөдөлгөөнийхөн Бээжин хотод эсэргүүцлийн жагсаал зохион байгуулж байна. Өнөөдөр Бээжин хотод болж байгаа эсэргүүцлийн жагсаалд Түвд үндэстэнүүд биш, харин хятадууд оролцож байна. Хятад үндэстэнүүд Түвдэд хүний эрх дэндүү зөрчигдөж байгааг шүүмжилж байна. Бээжинд болж байгаа жагсаал олон улсын хэвлэл мэдээллийн хэрэгсэлийнхэний анхаарлын төвд орж Олимпийн нээлтийн ёслолыг үзэхээр ирэх гадаадын орнуудын төрийн тэргүүн нар Бээжин очих уу болих гэж эргэлзэхэд хүргээд байна.

Лид3. сарын 24 нд Грекээс гарсан олимпийн бамбар дэлхийг тойрон аялаж БНХАУ ын бүх мужаар буухиалан явсаар өнөөдөр өглөө Хятадын нийслэл Бээжин хотод ирлээ. Олимпийн бамбар Бээжин хотын түүх дурсгалын газруудаар бүтэн 3 хоног аялах юм.
Энэ хугацаанд олимпиийн бамбарыг 800 хүн гар дамжуулан барьж явах юм байна. Ирэх баасан гаригт Бээжингийн цагаар 8 цаг 8 минутад Олимпий бамбар Шувууны үүр цэнгэлдэх хүрээлэнд орж ирнэ. Олимпийн бамбар 140 мянган км зам туулжээ. Олимпийн бамбарыг аялуулж байх үед Лондон, Парис, Сан Франциско зэрэг хэд хэдэн хотод Түвдийн эрх чөлөөний төлөөний хөдөлгөөнийхөн эсэргүүцлийн ажиллагаа зохион байгуулсан юм.. Харин Олимпийн бамбар хятад улсбн нутагт орж ирэхэд бамбар аялуулахад саад болсон ноцтой зөрчил гараагүй. Олимпийн бамбарыг Бээжин хотод ирэхэд хамгийн түрүүнд хятадын анхны сансрын нисэгч бамбарыг аялуулжээ. Дараа нь хятадын алдар цуутай тамирчид, олны танил хүмүүс буухианд оролцсон байна.
Лид4. БНСУ аас Япон улсад суугаа элчин сайд Кван Чоль Хен үүрэгт ажлаа үргэлжлүүлэхийн тулд Токио хотод эргэж ирсэн байна. Өнгөрсөн 7 сарын сүүлээр БНСУ, Японы хооронд газар нутгийн маргаантай аралаас болж Япон дахь БНСУ ын элчин сайд эх орондоо дуудагдсан юм.
Японы ерөнхий боловсролын сургуулийн сурах бичигт Солонгосын Токто аралын японы нутаг мэтээр дүрсэлж Такасима гэж японоо нэрлэсэнд БНСУ гадаад хэргийн яам эсэргүүцэл зарлаж Токио дахь элчин сайдаа эргүүлэн татжээ. Токиод ирсэн хойноо Өмнөд Солонгосын элчин сайд хэвлэлийнхэнд хандан мэдэгдэл хийхдээ харилцан итгэлцэл үүсгэх нь хоёр орны харилцаа хэвийн болох цорын ганц арга гэж цохон тэмдэглэсэн байна. Ирэх 9 сард БНХАУ, БНСУ, Японы удирдагчдийн 3 талт уулзалт төлөвлөгдсөн юм. Японы ерөнхий сайд Ясуо Фукудагийн Сөүлд хийх айлчлал болох эсэх нь эргэлзээтэй байна гэжм эх сурвалжууд мэдээлж байна.

Лид5. АНУ ын Лос Анжелос хотын нисэх онгоцны буудалд зорчигч тээврийн БОИНГ онгоц гэнэтийн осолын буулт хийсэн байна.
Американ Эйрланс компаний энэ онгоц Лос Анжелос хотоос Хавай арал руу хуваарьт нислэг хийж байжээ. Онгоц хөөрөөд удаагүй байтал бүхээгт нь ямар нэгэн зүйл шатаж байгаа юм шиг хиншүү хярвас үнэртсэн байна. Ни сэх багийнхан эргэж газардах шийдвэр гаргажээ. Лос Анжелосын олон улсын нисэх онгоцны буудалд газардсаны дараа зорчигчидийг бүхээгнээс гаргахдаа шат биш, харин осолын үед хэрэглэдэг хийлдэг гулсуураар ашигласан байна. Нисэх буудлын галын албаныхан огоцны бүхээгт гал гараагүй гэж нотложээ. Хиншүү хярвас хаанаас гарсаныг тогтоохоор мэргэжилтнүүд ажиллаж байна. Эргэж газардсан онгоцны зорчигчдийг өөр онгоцоор Хавай арал руу нисгэжээ.

Лид6. Америкт хүний хувийн өмчийг луйвардсан хэрэг гарлаа.. Америкын хууль сахилагчид 11 хүнийг хувийн өмчид халдсан хэрэгт холбоотой гэж үзэж байгаа юм байна.
Хэрэгти сэжиглэгдсэн хүмүүс 40 сая зээлийн болоон болон төлбөрийн картын дугаарыг хулгайлсан хэргээ хүлээжээ. Мөн тэд дэлгүүр болон банкнуудын компютерийн сүлжээнд орж Вард драй винг техникийг ашиглаж баримт руу нэвтэрдэг байжээ. Мэргэжилтнүүд энэ явдлыг олон улсын хуйвалдаан гэж үзэж байгаа юм байна. Тэдний 3 нь америкын иргэн бусад ь Эстони, , Украин, Беларусс болон Хятадаас ирсэн хүмүүс байжээ.Олон хүн өөрсдийн дансны аюулгүй байдлыг мэдэх гэж банк руу холбоо барисаар банйа. Америкын хууль зүйн сайд Майкл Мукейсэй энэ удаагын хэргийг шудрага шүүхээр хатуу чанга шүүх болно. Тэгсэнээр хувийн өмчид халдах санаа өвөрлөж байгаа өөр хүмүүст сануулга болно гэж хэлжээ. Хэрвээ та ийм хэрэг хийлээ гэхэд бид хаа байгаа газраас чинь бариж шоронд хорих болно гэжээ. Дуулиант энэ хэргийг мөрдөн шалгах ажилд Турк, Германы хууль сахиулах байгуулагынхан оролцох юм байна. Учир нь прокурорын газрынхан гэмт хэрэгтэнүүд хулгайлсан мэдээллээ АНУ, Европын орнуудад байрлаж байгаа компьютерийн серверт хадгалсан гэж таамаглаж байгаа юм. АНУ д хувийн мэдээлэл алдагдсанаас болж жилд тэрбум долларын алдагдалд ордог байна.

Лид7. Мексикийн буланд үүссэн Эдуард хар салхи 8 сарын 5 нд АНУ ын Техас, Луизиана мужийн зааг бүс нутагт ирсэн байна. АНУ ын үндэсний цаг уурын албаны мэдээлсэнээр салхи секундэд 30 метр хурдалсан байна.
Дараа нь эх газарын гүнд орсон хойноо баруун хойд зүг рүү Техас мужийн засаг захиргааны төв рүү 20 км цагийн хурдтай хөдөлжээ. Одоо Эдуард хар салхи Хьюстен хотоос 75 кмын зайтай байна. Хар салхи шуурч байга бүс нутагт 5,5 сая хүн амьдарч байгаа юм. Техас мужид хар салхи шуурах үеэр 250 мм хур тунадас унажээ. Техас мужид нутгийн оршин суугчдийн өөр газар рүү нүүлгэн шилжүүлэх арга хэмжээ авахад бэлэн байсан ч ингэх шаардлага гараагүй байна. Нутгийн оршин суугчидыг байгалийн онц аюултай үзэгдэл өнгөртөл орон гэртээ хүлээхийг зөвлөжээ. 2008 он гарсанаас Мексикийн буланд бий болсон тав дахь хар салхи нь Эдуард болж байна.

Лид8. АНУ ын Нью Йорк хотын цагдаа нар Гамбино гэдэг зохион байгуулалттай гэмт хэргийн бүлэглэлийн загалмайлсан эцэг гэгддэг Жон Жюниор Готтиг Лонг Айлан дахь гэрт нь байхад нь баривчилсан байна.
Энэ тухай Ассошэйтэд пресс агентлаг уламжилжээ. Хууль сахиулах байгуулагийнханаас тараасан мэдээнд Жон Готти аллага зохион байгуулсан, хар тамхи мансууруулах бодисын наймаа хийсэн хэрэгт сэжиглэгдэж байна. Готти зохион байгуулалттай гэмт хэргийн бүлэглэлийн бүрэлдэхүүнээс 1999 онд гарсан юм байна. Тэр цагаас хойш түүнийг хэд хэдэн удаа баривчилжээ. Эцгийнх нь тухай сонин дээр нийтлэл бичсэн сэтгүүлч бүсгүй Кертиса Сливаг тэр зодож байжээ. 2008 он гарсанаас хойш АНУ ын цагдаа нар энэ гэмт хэргийн бүлэглэлийн 70 гаруй гишүүнийгбаривчилжээ.

Лид9. Өчигдөр оросын их зохиолч Алексадр Солженицынтай салах ёс гүйцэтгэх гашуудлын ажиллагаа болж өнгөрсөн юм. Тэгвэл өнөөдөр орой Доны сүмд дам хуврагууд мөргөл хийх гэж байна.
Солженыцин социализмийн үед хэлмэгдэж, хөдөлмөрийн үасан хүмүүжүүлэх хуаранд хоригдож, аргагүйн эрхэнд хилийн чанадад цагаачлан амьдарч байсан ч сүүлдээ ялагч болж тодорсон юм. Түүнийг хорвоогийн миөнх бусыг үзүүлсэн нь дэлхийн утга зохиолд нөхөж баршгүй гарз хохирол гарлаа гэж утга зохиол судлаачид хэлж байна. Оросын утга зохиллын салбарын төлөөлөгчид, төдийгү төр засгийн удирдагчид ч түүнд хүндэтгэл илэрхийлж байна. Оросын ерөнхий сайд Владимир Путин ирж салах ёс гүйцэтгэжээ.
Лид10. Оросын нийслэл Москва хотод ирсэн гадны жуулчидын заавал очдог газрын нэг бол яах аргагүй “Хуучин Арбат” гудамж юм. Москва хотын захиргаанаас энэ гудамжинд их засвар хийх шийдвэр гаргажээ. Хуучин Арбатын шинэ дүр төрх ямар байхыг одоо сонирхуулъя.
Хуучин Арбат гудамжинд засвар хийж байх хооронд бэлэг дурсгалын зүйлс худалддаг хүмүүст өөр газар бизнесээ үргэлжлүүлэхийг санал болгох юм байна. Хуучин Арбат гудамжний өнгөт хавтанг солих ажил бараг дууссан байна. Дараа нь байшин барилгийн өнгө төрхийг нь засаж янзлоа гэж байна.
Москва хотын дарга Юрий Лужковын төлөвлөгөөгөөр бол Хуучин Арбаты гудамжнаас бүгдийг нь өөрчлөх гэж байна. Одоо байгаа жижиглэнгийн худалдааг хязгаарлаж энэ гудамжинд томоохон номын дэлгүүр нээх гэж байна. Харин гудамжинд сууж хөрөг зурдаг зураач нар, сайн дурын уран сайханчдыг хэвээр ажиллуулах юм байна.
Лид11. Их Британи нэгэн залуу хос гэрлэх ёслолоо ер бусын дахин давтагдашгүй байдал хийхийг хүссэн байна. Тэд хувийн жижиг онгоц хөлслөн авч тэнгэрт хуримын ёслолоо хийжээ.
Тэнгэрт хуримлахын тулд залуу хосууд 3 ширхэг онгоц хөлсөлжээ. Агаарт гэрлэх ёслолыг удирдах ламтанг олох гэж нэлээн цаг алдсан байна. Ер бусын гэрлэх ёслолыг удирдахаас олон лам татгалзжээ.Агаарт болсон энэ хуримийн бүх зүйл нь уламжлалыг дагасан байжээ. Сүйт бүсгүй цагаан даашинж өмсөж харин өндөр өсгийгүй гоёлын гуталаар гоёжээ. Хуримын ёслолд уригдсан зочид гэрлэх ёслолыг газраас ажиглаж байр хүргэж байжээ.
Эм. Би сэтгэл хангалуун байна. Тэртээ доор газар харагдаж, өндөрт гарахад өөрийн эрхгүй бага зэрэг айдас төрж байсан. Нисэж байхдаа Ламтаны юу ярьж байгаан анхааралтай сонсож яг цага олж Тиймээ, би зөвшөөрч байна гэж хэлэх нь хялбар байгаагүй ээ.
Онгоц хөөрөхөөс өмнө сүйт залуу, сүйт бүсгүй ламтаны хувцасанд энгэрийн микрофон бэхэлсэн байсан ч чанга хашгирч ярих шаардлагатай байжээ. Шинээр гэрлэсэн хосууд тангарагийн үгээ хэзээ ч мартахааргүй чанга хэлсэн гэж газардсан хойноо ярьжээ.