Дэлхийн мэдээ 2008 08 09 Бямба гараг

Лид1. Олимпийн хөгжөөн дэмжигчид луйварчдын золиос болсон байна.
Бээжингийн зуны олимпийг үзэх гэж олон мянган доллараа төлж тасалбар авсан АНУ ,Австрали, Европын Холбооны олон жуулчид интернет- луйварчдын золиос болсон байна.
Олимпийн тасалбарыг дамлан худалдахыг хориглосон хэдий ч өнгөрсөн жил олон мянган тасалбар жинхэнэ үнээсээ 1О дахин илүү үнэтэйгээр интернетүүдийн мэдэлд очсон байжээ. Дамын наймаалагчдын зэрэгцээ томоохон тэмцээнүүд болон нээлтийн ёслолын ажиллагааг үзэх тасалбарыг худалддаг олимпийн хуурамч сайтууд сүлжээнд бий болсон байна. Иймэрүү интернет сайтуудыг яагаад 7р сар хүртэл Олонулсын олимпийн Хороо байлгаад байсан нь сонин юм. Хятадад амьдардаг настай ээж аавдаа олимпийн тасалбар авч өгөх гээд хохирсон Америкийн Техас мужийн Хьюстон хотын нэгэн эмэгтэйгийн ярьснаар бол тэрхүү сайтууд олимпийн албан ёсны бэлгэ тэмдэгтэй , маш итгэл үнэмшилтэй харагдаж байсан гэнэ. Энэ эмэгтэй 2ООО доллар төлөөд тасалбараа ч мөнгөө ч эргүүлж авч чадаагүй юм байна . 7р сард ОУОХ Бёжинг Тикетинг. Ком болон олимпийн бэлэг тэмдгийг хууль бусаар ашигласан бас нэгэн интернет сайтыг хаах арга хэмжээ авч явуулсан хэдий ч эрх баригчид үүнийг хэтэрхий оройтож хийсэн гэж байхгүй билетэнд үйлчлүүлэгчдийн 58 мянган долларыг зарцуулсан жуулчлах товчооны нэгэн ажилтан үзэж байна. Олимп эхлэхээс 2 долоо хоногийн өмнө л сайтыг хаасан эрх баригчид чадах бүхнээ хийсэн юм шиг дүр үзүүлсээр байгаа гэнэ. Үнэн хэрэгтээ олимпийн тасалбарыг дамлан худалдаж луйвар хийж байгаа иймэрхүү явдал хэдэн сарын өмнө илрэх үед ОУОХ ямар нэг хэмжээгээр таслан зогсоохын оронд юу ч хийхгүй суусаар байсан юм байна. Хэд хэдэн тамирчдыг ивээн тэтгэсэн найз бүсгүй нь байхгүй тасалбарын золиос болчихоод байгаа АНУ ын хуульч Кевин Лейндекер хэрхэн луйвар явуулсан бүдүүвчийг судалж шинжлэх гэж байгаа гэнэ. Хуурамч тасалбар худалдсан сайтууд одоо болохоор тэднийг зуучилдаг пүүсүүд хөөдсөн гэж нотолж байгаа юм байна. Үүнийг мөдөн байцаалт явуулснаар л илрүүлэн тогтоох боломжтой нь мэдээж . Америкийн олимпийн хороо хоёр пүүсийг шүүхэд өгөөд байгаа гэнэ. “ “Албан ёсны , нэр хүнд бүхий эх сурвалжаас тасалбараа худалдаж авах зайлшгүй шаардлагатай гэдгийг бид ядартлаа тайлбарлаж хэлсэн шүү дээ” гэж ОУОХ Би Би Си д хариу өгсөн байна

Лид2. Өмнөд Осетийн нөхцөл байдлыг авч хэлэлцэж байгаа НҮБ ын Аюулгүй Зөвлөлийн хуралдаан хоёр дахь өдрөө хуралдаж ямар ч шийдвэр боловсруулаагүй байна.
Гүржийн шаардлагаар Аюулгүйн Зөвлөлийн хуралдааыныг зогсоожээ. Хэзээ дахин шинэ зөвлөгөөн хийх тухай хугацааг зарлаагүй байна. ОХУ Гүржийг буруутгасан тогтоол батлахыг шаардаж байгаа юм. НҮБ дахь АНУ ын төлөөлөгч Залмайн байгуулагаас мэдэгдсэнээр Гүрж улс гал зогсооход бэлэн байна гэж хэлжээ. Харин НҮБ дахь ОХУ ын суурин төлөөлөгч Виталий Чуркин дайны гал зогсоохийг уриалахаас гадна бүх байдлыг хүчирхийлэл эхлэхээс нь өмнөх байдалд хүргэхийг Гүржийн талаас шаардсан байна. Хуралын дараа Гүржийн газар нутгийн бүрэн бүтэн байдал алдагдаж байгааг шүүмжилсэн байна. АНУ ын төрийн нарийн бичгийн дарга Кондализа Райс ОХУ ыг гал зогсоохыг уриалсан юм. Өмнөд Осетээс ирсэн мэдээгээр бол Гүржийн цэргүүд Цхинвали хотоос гарсан байна. Гэвч хүлээн зөвшөөрөгдөөгүй байгаа бүгд найрамдах улс дахь Оросын генерал Марат Кулахметовын хэлснээр Гүржүүд миномтын гал нээсээр байжээ. Хотод хүнсний бүтээгдэхүүн, унды ус дутагалтай байна.

Лид3.Хиллари Клинтон Невада мужийн Гендерсон хотод үг хэлэхдээ ардчилагчдаас нэр дэвшсэн хүмүүсийн төлөө саналаа өгөхийг өөрийн талыханд уриалсан байна.
Ардчилсан намаас ерөнхийлөгчид нэр дэвшсэн Барак Обамагийн төлөө саналаа өгөхийг сенатч Хиллари Клинтон олон нийтийн өмнө анх удаа өөрийн талынханд уриалжээ. Анхан шатны сонгуулийн явцад намайг дэмжиж байсан хүмүүс сенатч Маккейныг бодвол сенатч Обаматай илүү нийтлэг байгаа гэж тэрээр мэдэгджээ.
Клинтон Обама хоёр олон сарын турш АНУ ын Ардчилсан намаас ерөнхийлөгчид нэрээ дэвшүүлэх гэж хөл зэрэгцэн явж байсан бөгөөд тэр хоёрын хувийн харилцаа энгийн бус байсан тухай америкийн олон нийтийн мэдээллийн хэрэгслүүд нийтэлж байсан байна. 6р сард Хиллари Клинтон ялагдлаа хүлээн зөвшөөрч Обаматай хамт олон нийтийн өмнө гарч ирэн түүнд амжилт хүссэн билээ. Бид өөр өөрийн замаар явж байсан Харин одоо хамтдаа байх болно гэж сонсогчдын өмнө Хиллари Клинтон мэдэгдээд удахгүй болох ерөнхийлөгчийн сонгуульд ирц сайтай байх явдлыг хангахыг төлөө ажиллахыг ардчилагчдад уриалжээ. 8р сарын сүүлээр болох Денверт болох Ардчилсан намын их хурал дээр урьд өмнө Обамаг нэг биш удаа шүүмжилж байсан Хилларигийн нөхөр АНУ ын ерөнхийлөгч асан Билл Клинтон үг хэлэхдээ түүнийг дэмжих бодолтой байгаа юм байна. Гүржид болж байгаа нөхцөл байдалтай холбогдуулан Обама Маккейн хоёр өчигдөр үзэл бодлоо илэрхийлсэн байна . Бүгд найрамдах намаас нэр дэвшигч Жон Маккейн Айова мужид сурталчилгааны ажлаар явж байгаа бөгөөд НҮБ ын Аюулгүй Байдлын хурлдаааныг нэн даруй хуралдуулахыг Цагаан ордноос шаардсан бол Гавайн аралд амарч байгаа Обама энхийн шийдвэрт хүрэхийн тулд АНУ-ыг дэлхийн нийгэмлэгтэй хамтран ажиллахыг уриалжээ.
Лид4. Цасан нурангид дарагдан үхэх аюулд учраад байсан америкийн сноубордистын амь насыг Аргентины уулын сувилалын газрынхан аварчээ.
Нэг метр орчим зузаан цасанд дарагдсан өсвөр насны энэ хүүг цахилгаан радио гэрэлт цамхагийн дохиогоор олжээ. Аврагчид цаг алдалгүй хөдөлж бараг эцсийн мөчид түүний амийг аварсан юм байна. дахид хэдхэн секунд өнгөрсөн бол тэр хүү амь насаа алдах байсан гэнэ. Нилээд олон бэртэл гэмтэлтэй хэдий ч биеийнх нь байдал тогтвортой байгаа гэж эмч нар ярьсан байна. Хориотой газраар гулгаж яваад өөрөө өөрийгөө хөнөөх шахсаныг аврагчид үгүйсгэхгүй байгаа гэнэ.

Лид5.Британид зул сарын баярыг зун тэмлэглэж байна.
Британийн нэгэн дэлгүүрийн эзэн зул сарын баярыг түргэтгэн худалдаа зохион байгуулжээ. Энэхүү өвөрмөц санааг худалдан авагчид аль хэдийнэ үнэлээд байгаа гэнэ. Наймдугаар сард Санта Клаус гарч ирсэн явдалд үзэгчид маш их баярлажээ. Тэгэхдээ энэхүү үлгэрийн баатар дахныхаа оронд жирийн нэг судалтай унтлагын хувцас өмссөн байсан байна. Ийм байдалтай болоод тэр үү өвлийн өвгөн хүүхдүүдтэй хэл амаа амархан ололцож, элсэн довнуудын дэргэд зургаа дуртайяа татуулж байсан гэнэ. Элсээр энэ баярын гол бэлэг тэмдэг болдог цаа буга, чарга , гацуур зэргийг барьж урлажээ.
Лид6. Бангладешийн эрх баригчид хуванцар хог хаягдлуудыг дахин боловсруулж байна.
Хуванцар савыг дахин боловсруулах хэцүү ажилд зөвхөн эмэгтэйчүүд ажилладаг. Кола, пепси, цэвэр ус савлаж байсан хуванцар савыг өнгө өнгөөр нь ялгадаг байна. Үүний дараа таглааг нь бас өнгө өнгөөр нь ялгадаг. Харин үүний дараа жинхэнэ дахин боловсруулах ажилд эрчүүд орно. Тэд хуванцар савыг жижиглэдэг. Харин хамгийн сүүлчийн шатанд бас өнгөөр нь ялгаж хуванцарын үйлдвэр рүү илгээдэг байна.
Лид7. Германд эмэгтэй цагдаа нарыг бууны сумнаас хамгаалдаг шинэ хөхөвч боловсруулан гаргажээ.
Энэхүү сорилыг 2 сар шахмын хугацаанд чанд нууц нөхцөл байдалд явуулсан бөгөөд мөрдөстэй 3 мянган эмэгтэйчүүд одоо тийм загварын дотуур хувцастай болоход бэлэн болоод байгаа гэнэ. Үүнийг боловсруулсан хүмүүсийн хэлснээр бол хуванцар болон металл оруулгатай хөхөвч өмссөн хуягт хантаазанд сум тусах юм бол ноцтой шархдаж болзошгүй юм байна. Харин энэхүү тусгай хөхөвчийг цэвэр хөвөн даавуу , полиамид ,эластанаар хийж загвар бүрийн дээр цагдаа гэсэн шошго наасан гэнэ.
Лид8. Филиппинд мэрэгч амьтад байр сууцны хана туургийг мэрж их хэмжээний хохирол учруулдаг байна. Мэрэгч амьтадаас болж бүтэн байшин нурж, байр сууцанд ч суулт үүсэж байжээ.
Тэгвэл мэрэгч амьтад үүд ч даахааргүй сайн чанарын блок үйлвэрлэх болжээ. Байшин бариа хавтанд шувууны өд хийдэг болжээ. Шувууны өд, цементийг хольж хийх болжээ. Барилгийн материалд шувууны өдийг ашигладаг болсоноор хоёр асуудлыг шийдэж байна. Эхнийх нь мэрэгч амьтадын шүдэнд тэсвэртэй барилгийн түүхий эд гарган авч байгаа бол харин шувууны фермийнхэн шувууны өдийг хэрхэн далдруулах вэ гэж толгойгоо өвтгөхөө больж байна.

Лид. Ангараг гариг дээр судалгааны ажил хийж байгаа Феникс төхөөрөмж ангараг гариг дээр ямар ч хэлбэрийн амьд биет байх боломжгүй хүчиллэг хий байгааг илрүүлсэн байна. Гэвч эрдэмтэд ангараг гаригаас амьд биетийн үл мөрийг олох найдвараа гээгээгүй байна. Хортой бодис ангараг гариг дээр сансараас орж ирсэн, эвсэл Феникс төхөөрөмжтэй хамт ирсэн байж болох юм гэж хэлж байна. Учир нь амьдрал үүсэхэд гол нөхцөлийг нь бүрдүүдэг
магни, натри, бром гэх мэт химийн бодисыг илрүүлсэн юм. Ирэх жил улаан гариг руу өөрөө явагч төхөөрөмж илгээж нарийвчилсан үзлэг хийх гэж байна.

Лид. 1945 оны 8р сарын 6 нд болсон дэлбэрэлтэнд 14О мянган хүн амь насаа алджээ . Сүүлийн үед туяаны өвчнөөр 1ОО мянга гаруй япон хүн нас барсан байна. Гашуудлын ажиллагаа орон нутгийн цагаар 8:15 д нэг минутын чимээгүй зогсолтоор эхэлсэн байна.
1945 оны 8р сарын 6 ны яг энэ мөчид 5ОО метрийн өндөрт атаомын бөмбөг дэлбэрчээ. Жил бүр Хиросима хотын Энхтайвны паркад нас барагчдаа дурсан санах хонх дэлдсээр иржээ. Сургуулийн сурагчид тэнгэрт мянган цагаан тагтаа хөөргөжээ. Япончууд цагаан тагтааг талийгаачдын сүнс гэж билэгшээдэг юм байна. Энэ ажиллагаанд 45 мянга орчим хүн оролцжээ. Мөн дэлхийн 55 орны төлөөлөгчид ч хүрэлцэн ирсэн байна. Дэлхийн 2р дайны үед японы эзлэн түрэмгийлэлд хүнд нэрвэгдсэн хятадын төлөөлөгчид хамгийн түрүүнд иржээ. Хиросима хотын амбан захирагч атомын бөмбөгдөлтйин хор уршгийг бүрэн болон амьд гарсан хүмүүсийн сэтгэл санаанд хэрхэн нөлөөлж байгааг дүүрэн илтгэн харуулах зорилго бүхий судалгааны 2 жилийн хөтөлбөрийг хотын эрх баригчид хэрэгжүүлж эхлээд байгаа гэдгээ амалсан байна . Японы ерөнхий сайд Ясуо Фукуда хэлэхдээ “ Би энд Хиросимад бас дахин ирээд байна. Япон улс өөрийн үндсэн хуулиа болон цөмийн зэвсэггүй байх 3 зарчмаа баримтлах болно гэдгээ амлаж байна. Бүх нийтээрээ цөмийн зэвсэггүй болох хөдөлгөөнд зайлшгүй нэгдэн орохыг би дэлхийн нийгэмлэгийн бүх удирдагчид дахин сануулан хэлмээр байна гэжээ. Тэрхүү 3 зарчим нь цөмийн зэвсгийг байлгахгүй, үйлдвэрлэхгүй, зөөвөрлөн оруулахгүй байх юм байна. Жил бүр Японд Хиросима Нагасакийн эмгэнэлт явдалд нэрвэгдсэн хмүүсийн тоон баримтуудыг нийтэлдэг юм байна. Бөмбөгдөлтийн дараах эхний 4 сард 14О мянган хотын оршин суугч амь насаа алдсан гэдэг бармт тодорхой байдаг юм байна. Одоо энэ тоо 258 мянга 31Од хүрээд байгаа бөгөөд энэ жил 5 мянган япон хүний нэр нэмэгдэн бичигджээ. . .