news

Хитачи компани 1 сарын 5 өдөр нэг терабайтын хэмжээтэй хатуу диск зохион бүтээснээ зарласан байна. Deskstar 7K1000 нэртэй энэ шинэ хатуу дискийг Лас Вегас хотод хотод зохиогдох гэж байгаа цахилгаан барааны үзэсгэлэнгийн үеэр хэрэглэгчдэд үзүүлэх юм байна. Шинээр зохион бүтээгдсэн энэ терабайтын хэмжээтэй хатуу дискний жижиглэнгийн үнэ нь 399 доллар байх юм. Энэ нь 500 гигабайтын хэмжээтэй 2 хатуу диск худалдан авснаас хамаагүй хямдхан гэсэн үг. Deskstar 7K1000 хатуу дск нь 5 ширхэг ялтаснаас бүрддэг бөгөөд ялтас бүрд нь 200 гигабайтын мэдээлэл хадгалах боломжтой юм байна. 2007 оны эхний улиралд багтан шинэ хатуу диск худалдаанд гарах юм байна. Манай компани нэг гигабайтын хэмжээтэй винчестер бүтээхийн тулд 35 жил зарцуулсан. Нэг гигабатын винчестер 1991 онд хэрэглэгчидийн гар дээр очсон. Тэгвэл 500 гигабайтын винчестер үйлдвэрлэхэд 14 жил зарцуулсан. Харин терабайтын хэмжээтэй хатуу дискийг зохион бүтээхэд ердөө 2 жилийн хугацаа шаардагдлаа гэж тус компаний хэвлэлийн төлөөлөгч мэдээлсэн байна.