Дэлхийн мэдээ 2008 05 22 Пүрэв гараг

Лид1.НҮБ ийн ерөнхий нарийн бичгийн дарга Бан Ги Мун пүрэв гаригт Бирм улсад хоёр өдрийн айлчлал хийхээр хүрэлцэн ирсэн байна.
Олон улсын хүмүүнлэгийн байгуулагууд Бирмийн ард түмэнд туслахад нь саад болохгүй байхыг НҮБ ийн ерөнхий нарийн бичгийн дарга Бан Ги Мун уриалж байгаа юм. Айлчлалынхаа хүрээнд Бан Ги Мун Наргис хар салхи дайрсан бүс нутгуудаар явах юм байна. НҮБ ийн ерөнхий нарийн бичгийн дарга 1964 оноос хойш Бирм очиж байгаагүй юм. Бан Ги Муны явах замыг цэвэрлүүлэхээр зуу гаруй цэргийн албан хаагчыг илгээсэн гэж Франс Пресс агентлаг уламжилжээ. 5 сарын эхээр болсон хүчтэй хар салхиний үеэр 78 мянган хүн амь насаа алдаж 56 мянган хүн ор сураггүй алга болсонд тооцогдож байна. Олон улсын зарим байгуулагууд хар салхинд хэлмэгдсэн хүний тоо 1 сая 500 мянга давсан гэж мэдэгдэж байгаа юм. Нэгдсэн Үндэстний байгуулагын тооцоогоор бараг нэг саяй хүн орох орон, ундны цэвэр усаар дутагдаж байгаа юм байна. Гадаадын орнуудын үзүүлж байгаа тусламжаас татгалзаж байгаа Бирмийн эрх баригчдыг дэлхийн олон орон шүүмжилж байна. Байгалийн гамшигт хэлмэгдсэн хүмүүсийн 25 хувь нь л тусламжийн барааг авсан гэж НҮБ ын мэргэжилтнүүд мэдэгдсэн юм. Гадаадын орнуудын өгсөн тусламжийн барааг тараах ажлыг Бирмийн цэргийн эрх баригчид зохион байгуулжээ.

Лид2. Тав дугаар сарын эхээр Сычуань мужид болсон газар хөдлөлтийн хохиролыг арилгах сэргээн болсгох ажилд 13 тэрбум доллар зарцуулна гэж БНХАУ ын засгийн газар мэдээлсэн байна.
Сычуань мужийн орон нутгийн захиргааны барилгийг л сэргээн засварлахад 70 тэрбум юань буюу 10 тэрбум доллар зарцуулах болжээ. Хятадын ерөнхий сайд Вэнь Зя Бао бидэнд тулгарсан хүндрэлийг даван туулах боломж, эр зориг хятадын ард түмэнд бий гэж онцлон тэмдэглэсэн байна. Үүнээс өмнө Сыёуань мужийг сэргээн засварлахад 150 сая доллар зарцуулна гэж Хятадын засгийн газар зарлаж байсан юм. Сүүлийн 30 жилд анх удаа тохиосон хүчтэй газар хөдлөлтийн үе?эр амь үрэгдсэн хүний тоо 40 мянга давжээ. Хятадын даатгалын компаниуд 20 тэрбум долларын хохирол учирсан гэж тооцоолжээ. Үүний таван хувийг л даатгалын комданиуд төлж үлдсэн хэсгийг нь засгийн газар төлөх үүрэг хүлээж байна.

Лид3.Манай нам ялна гэдэгт бид итгэлтэй байна гэж өчигдөр болсон парламентын сонгууль дээр Гүржийн ерөнхийлөгч Михаил Саакашвили мэдэгдсэн байна. Тэгвэл сөрөг хүчнийхэн сонгуулийн үр дүнтэй санал нийлэхгүй байгаа хүмүүсийн жагсаал зохион байгуулахаар зэхэж байгаа гэнэ.
Одоо Гүржид парламентын сонгуулийн санал хураалтын хуудсыг тоолох ажил үргэлжилж байна . 138 сонгуулийн хэсгээс ирсэн санал хураалтын хуудсын дүнгээр Үндэсний нэгдсэн хөдөлгөөн гэдэг эрх баригч нам сонгогчдын 65 орчим хувийн санал аваад байгаа бол “Нэгдсэн сөрөг хүчин “ эвсэл 12 хувийн санал авчээ. Парламентад ороход 5 хувиас дээш хувийн санал авах шаардлагатай байдаг бөгөөд 7 хувмйн саналаар Христийн ардчилсан хөдөлгөөн, 6 хувийн саналаар Лейборист нам тэрхүү саадыг даван гараад байгаа юм байна. Саакашвилийн дэмжиж байгаа Үндэсний нэгдсэн хөдөлгөөн нам шинэ парламентын гуравны хоёр хувийн суудал авч магадгүй гэж санал асуулгаар гарчээ. Сонгуулийн үр дүнг худал мэдээлсэн хэмээн сөрөг хүчнийхэн эрх баригчдыг буруутгаад өөрсдийгө ялсан гэж мэдэгдсэн байна. Сөрөг хүчний удирдагчид сонгуулийн үр дүнтэй санал нийлэхгүй байгаа хүмүүсийн жагсаалыг Тбилисид зохион байгуулахаар зэхэж байгаа гэнэ. Нэгдсэн Гүржийн Үндэсний зөвлөлийн тэргүүн Леван Гачечиладзе сонгуулийн үр дүнг хиймлээр зохиосон тухай мэдэгдсэн байна. Өчигдөр болж өнгөрсөн Европын хөлбөмбөгийн аваргуудын лигийн шувтаргын тоглолттой холбоотойгоор хүмүүсийн сонгуульд оролцох идэвх муу байсан гэнэ. 1р сард болсон ерөнхийлөгчийн сонгуулийн үр дүнтэй эвлэрэхгүй байгаа сөрөг хүчнийхэн энэ парламентын сонгуулиар даагаа нэхэх байх гэж шинжээчид таамаглаж байжээ. Гүржид болж өнгөрсөн парламентын сонгуулийн ирц 55 хувь байсан тухай албан ёсоор мэдэгджээ. Гүржид З5ОО гаруй сонгуулийн хэсэг ажилласан бөгөөд тус улсын хуулиар санал хураалтын тооноос хамааралгүйгээр сонгуулийг хүчинтэй гэж тооцдог юм байна. Шинэ парламент нь өмнөхөөсөө 85 аар бага буюу 15О суудалтай байх гэнэ. Орон нутгийн 1О мянга, гадаадын 1ООО гаруй ажиглагчид сонгуулийн болон санал хураалтын хуудсыг тоолох явцыг аижглаж байгаа юм байна . Абхазад сонгууль явагдаж байх өдөр зэвсэгт буудалцаан болсон тухай бүртгэгджээ. Сонгуулийн хэсэг рүү автобусаар явж байсан зорчигчид рүү гал нээсний улмаас 2О минутын буудалцаан болж хэд хэдэн хүн шархаджээ. Абхазийн хол орчимд сөрөг хүчний нэгэн зүтгэлтнийг ангийн буугаар буудаж хөнөөсөн тухай ч бас мэдээлсэн байна.

Лид4. 199О оны эхээр Абхаз улс Тбилисийн хяналтнаас гарсан боловч 15 жилийн дараа ч хоорондын мөргөлдөөн шийдвэрлэгдээгүй л байгаа юм байна. Байгалийн үзэсгэлэн гоо цогцолсон Кодорын хавцал орчмын хөндий ЗХУ байх үед бүрэлдэхүүнд нь орж байсан Гүрж , Абхаз хоёр улсын хурцадмал нөхцөл байдлын төв болж байдаг юм.
Сухуми хотын олон байшин барилгуудаас 199Ооны эхэн үеийн дайн тулааны шархыг олж харж болно. Тэртээ дор урсах цэвэр тунгалаг голын эргээр адуу мал бэлчиж,тэнгэрийн мандалд цаст оргил бүхий Кавказын нуруу дүнхийн үзэгдэх нь амгалан тайван байдлыг илтгэх мэт. Гэвч үнэн хэрэгтээ тийм биш юм. Гүүрний нөгөө талд албан ёсоор тусгаар тогтноогүй Абхаз улс оршдог. Байгалийн гоо сайхныг үгээр хэлшгүй ч хүн амьтан хаана ч үл үзэгдэн, тариан талбайн хогийн өвч ургамлаар дүүрч , тосгон суурингуудад нь дээвэр цонхгүй хоосон байшингууд л үлдэж хоцорчээ. Урьд нэгэн цагт энд 25О мянган гүрж иргэд амьдран сууж байсан бөгөөд дайн тулаанаас болж дүрвэхэд хүрчээ. Абхазын нийслэл Сухуми урьд нь хар далайн эргийн сайхан хотын нэг гэгдэж ЗХУ ын өнцөг булан бүрээс хүмүүс амрахаар ирдэг байжээ. Гэтэл одоо энд нэг зочид буудал хоёрхон зоогийн газар л байдаг гэнэ. Дайнаас хойш 15 жил өнгөрөөд байхад хотын ихэнх хэсгийг сэргээн босгоогүй хэвээр л байна. Абхазийн ерөнхийлөгч Сергей Багапша энэ бүхэнд нэг их санаа зовдоггүй бололтой. “ “Бид тусгаар тогтносон бие даасан улс. Манай эдийн засаг улам бүр хөгжиж байна. Том нөөц бололцоо ч байгаа. Биднийг нэг л өдөр дэлхий дахин хүлээн зөвшөөрнө гэж тэрээр хэлсэн гэнэ. Гэвч хүчтэй хойд хөрш болох Орос улсын тусламжгүйгээр Абхаз нэг их хол явж чадахгүй бололтой. Учир нь эдийн засаг нь оросын мөнгөн дээр тогтдог юм байна. Албан ёсны валют нь рубль бөгөөд хүн амын 8О хувь нь оросын паспорттай гэнэ. Байгалийн үзэсгэлэн гоо цогцолсон Кодорын хавцлын дээд хэсэг одоо хүртэл Гүржийн засгийн газрын хяналтанд үлдсэн бол нөгөө талын доод хэсэгт нь Абхазад энхийг сахиулах үүрэг гүйцэтгэж байгаа Оросын цэрэг дайчид хуарагнаж байдаг гэнэ. Тэгвэл хэдхэн метрийн зайтай газар Гүржийн Дотоод Явдлын Яамны цэрэг дайчид байрлаж байдаг юм байна. Чухамдаа энэ хөндий л ЗХУ ын бүрэлдэхүүнд байсан 2 улсын хоорондын ээдрээтэй нөхцөл байдлын төв болж байдаг гэнэ. Энэ хөндийд цэрэг дайчдынхаа хүчийг нэмэгдүүлж байна гэж Орос Гүржийг буруушссан байна . Хоёр жилийн өмнө болсон ширүүн тулалдааны явцад энэ хавцлыг Гүрж хяналтандаа дахин авч бүс нутгийн засгийн газраа байгуулжээ. Энэ засгийн газар нь Москвагийн дэмжлэгийн хүлээсэн абхазын салган тусгаарлагч эрх баригчдын сөрөг хүч болох ёстой гэнэ.

Лид5. Атомын цахилгаан станц дээр алан хядах ажиллагаа явуулахаар бэлтгэж байсан гэж сэжиглэглсэн 2 хүнийг Шведэд баривчилсан байна.
Швед улсын цахилгаан эрчим хүчний бараг 1О хувийг боловсруулан гаргадаг 3 атомын реактор бүхий атомын цахилгаан станц алан хядах ажиллагаа явуулахаар зэхэж байсан 2 хүнийг баривчилсны улмаас хаагдаад байгаа юм байна . Стратегийн ач холбогдолтой байгууламжинд сэжиг хуванцар уут авч орох гэсэн нэгэн ажилчныг харуул саатуулснаас энэ бүх хэрэг үүсчээ. Цүнхэнд дэлбэрэх бөмбөг байгаагүй ч 2ОО7 онд Лондонд амжилтгүй болсон дэлбэрэлтийг зохион байгуулах үед ашиглаж байсан тэсрэх бодисны ул мөр илэрсэн байна. Энэ бодисыг Израилийн амиа золиослогч алан хядагчид голдуу ашигладаг гэнэ. Байцаалтын явцад тэрхүү хорон санаатан хуйвалдагчтай байсан нь илэрсэн бөгөөд түүнийг ч мөн баривчлан аваад байгаа юм байна.

Лид6. Чехийн засгийн газар 5 сарын 21 нд америкийн пуужингийн довтолгооноос хамгаалах төслийг баталсан шийдвэр гаргажээ.
Чехийн ерөнхий сайд Мирек Тополан засгийн газрын энэ шийдвэрийг олон нийтэд танилцуулжээ. Гэхдээ засгийн газрын энэ шийдвэрийг Чехийн парламентын гишүүд хэлэлцэж дэмжих ёстой. Үүний дараа л шийдвэр хүчин төгөлдөр хэрэгжих юм байна. Чехийн парламент АНУ ын цэргийн албан хаагчидын байх эрх зүйн асуудлыг шийдэх юм. АНУ ын албаны хүмүүсийн мэдээлж байгаагаар пуужингийн довтолгооноогс сэргийлэх радар нь цөмийн хөтөлбөр хэрэгжүүлж байгаа Иран улсын агаарын орон зайг хянах, Европын орнуудыг Ираны гэнэтийн довтолгооноос хамгаалах зорилготой юм. Яг ийм зорилготой радарыг Польшийн нутаг дээр байрлуулах гэж байгаа. Гэвч ОХУ үүнийг өөрийн үндэсний эрх ашигт харшилж байгаа гэж үзэж байна. АНУ ын цэргийн объект ОХУ ын хилээс холгүй байх нь аюултай гэж Оросын батлан хамгаалах яам, Гадаад хэргийн яам үзэж байна. Хэрвээ АНУ өөрийн цэргийн объектоо Чех, Польшид байрлуулах юм бол ОХУ өөрийн цэргийн ажиглагч нараа илгээнэ гэж анхааруулж байгаа юм.

Лид8. АНУ ын ерөнхийлөгч Жорж Буш ард түмэндээ хандан Куба руу гар утас илгээхийг зөвшөөрсөн зарлиг гаргасан гэдгээ зарласан байна.
2008 оны 3 сарын сүүлээр Кубын төрийн тэргүүн Рауль Кастро үүрэн телефоны үйлчилгээг хэрэглээнд нэвтрүүлэх, жирийн иргэд гар утас хэрэглэхийг зөвшөөрсөн юм. Гэвч Куба улсад гар утасны аппаратны үнэ өндөр байна. Дундаж цалинтай Кубы иргэн 4 сарынха цалинг үрэлгүй цуглуулж байж нэг гар утас худалдан авах болоод байгаа юм.
Куба улсын үүрэн холбооны ETECSA компани гар утсыг 120 доллараар худалдаж байна. АНУ д хамаатан садан нь амьдардаг Кубачууд гар утас илгээхийг хүсэх болжээ. Иймээс Жорж Буш америкчуудад хандан Куба руу гар утас илгээх хэрэгтэй гэж уриалсан байна. Кубын иргэд гар утас хэрэглэх болсноор өөрийн үзэл бодлоо чөлөөтэй илэрхийлэх эрх эдлэх ёстой гэж Жорж Буш онцлон тэмдэглэсэн байна. Гар утас хэрэглэхийг зөвшөөрсөн нь Рауль Кастрогийн хийж байгаа шинэчлэлийн зөвхөн нэг хэсэг юм. Одоогоос хоёр сарын өмнө DVD тоглуулагч, компьютер, богино долгионы зуух ахуй амьдралдаа хэрэглэхийг зөвшөөрчээ.

Лид9. Замын аюулгүй байдлыг сурталчлах кампанит ажилд Михаэль Шумахер оролцож байгаа гэнэ.
Формула нэг тэмцээний 7 удаагийн дэлхийн аварга бусад алдартай уралдааны тамирчидтай хамтран машиныхаа аюлгүйн бүсийг зүүж, жолооны ард согтууруулах ундаа хэрэглэхгүй байхыг уриалсан цуврал зар сурталчилгаанд оролцохоор зургаа авахуулсан байна.

Лид10. Энэ жил 65 настай кино жүжигчин Харрисон Форд хүрээлэн байгаа орчнийг хамгаалах сэдэвтэй зарлал сурталчилгаанд тоглосон байна.
Америкийн кино жүжигчин Харрисон Форд Conservation International байгуулагын удирдах зөвлөлийн гишүүий албан тушаалыг давхар хашдаг байна. Тэр байгаль хамгаалах, хүрээлэн байгаа орчин, цаг уурын өөрчлөлтийг багасгах үйлсэд идэвхитэй оролцдог. Байгаль хамгаалах сэдвээр хийгдсэн 30 секундын сурталчилгаа олон хүний анхаарлыг татжээ.
Conservation International байгуулагын удирдагч Питер Селигман анх энэ саналыг Харрисон Фордод тавьжээ. Харрисон Форд нийгмийн сайн сайхны төлөө сурталчилгаанд оролцоно гэдгээ шууд зөвшөөрчээ. Бидний тайрч хаясан ширхэг мод болгоны тоогоор бид өвчилдаг гэж Харрисон Форд сурталчигаандаа хэлдэгн байна.

Лид11. Австралийн эрх баригчид Тасманы мэрэгч амьтаныг мөхөж байгаа амьтаны тоонд оруулжээ. Тасманы мэрэгч амьтны тоо толгой сүүлийн 15 жилд 2 дахин буурсан байна.
Тасманы энэ мэрэгч амьтан нь хэмжээгээрээ нохойн гөлөг шиг, үр төлөө гэдсэндээ байдаг уутанд хамгаалж явдаг. Өвс ургамалаар хооллодог юм байна. Энэ амьтан Тасмани арал дээр олноороо амьдардаг. 1995 оноос энэ амьтан олноороо үхсэнийг нь олж байжээ. Үхсэн амьтанд шинжилгээ хийхэд хүзүүндээ жижиг хавдартай болсон байжээ. Хожим энэ өвчин нь хорт хавдарын нэг хэлбэр бөгөөд халдвартай болох нь тогтоогдсон юм. Австралийн хонин сүрэгт ч энэ өвчин халдсан байна. Мэргэжилтнүүдийн тооцоолсноор 2006 онд энэ мэрэгч амьтны тоо толгой 80 байжээ. Харин 90 ээд оны эхээр 140 мянган амьтан Тасмани, Австралид амьдарч байжээ.
Энэ өдөр

Дэлхийн мэдээ 2008 05 21 Лхагва гараг

Лид1. Бирмийн эрх баригчид НҮБ-ын 9 нисдэг тэргийг байгалийн гамшиг болсон бүс нутагт очих зөвшөөрөл олгосон байна. Эдгээр нисдэг тэргүүдээр НҮБ ын хүмүүнлэгийн тусламжийг гамшиг болсон бүс нутагт хүргэж өгөх зөвшөөрөл олгожээ.

НҮБ ын ерөнхий нарийн бичгийн дарга Бан Ги Мун байгалийн гамшигт нэрвэгдэж, амь насаа алдсан хүмүүсийн дурсгалыг хүндэтгэсэн байна.

Эр. Байгалийн гамшиг болсон бүс нутагт байгаа хүмүүсийн зөвхөн дөрөвий нэг хувьд л тусламжийн бараа хүрсэн. Би бодит байдалтай танилцаж
Гэж Бан Ги Мун онцлон тэмдэглэсэн байна. 5 сарын 2 нд болсон Наргис хар салхиний үеэр 78 мянган хүн амт насаа алдаж 56 мянган хүн ор сураггүй алга болсонд тооцогдож байна. Олон улсын зкарим байгуулагын мэдээгээр бол Бирмд болсон байгалийн гамшигийн үеэр 2 сая 400 мянган хүн хэлмэгдэж хохирол амсжээ. Энэ хүмүүсийн ихэнхи нь одоо түр хоргодох байранд өдөр хоногийн өнгөрүүлж байна. Брим улс НҮБ ын нисдэг тэргийг гамшигийн бүс руу нэвтрүүлэх шийдвэр гаргасан нь сайшаалтай хэрэг гэж Бан Ги Мун үзэж байна. НҮБ ын ерөнхий нарийн бичгийн дарга ойрын өдрүүдэд цэргийн дэглэмтэй Бирмийн төр засгийн удирдлагуудтай уулзах гэж байгаа юм. Тэрээр байгалийн гашмиг болж өнгөрсөн газар биечлэн очих хүсэлтэй байна. Байгалийн гамшиг болсоноос хойшг 18 хоногийн дараа Бирмд бүх нийтийн гашуудал зарласан юм. Бан Ги Муныг Бирмд хийх айлчлал нь гашуудлын өдрүүдтэй нь давхцаж байна. Өнгөрсөн ням гаригт Зүүн Өмнөд Азийн орнуудын эдийн засгийн хамтын ажиллагааны байгуулагын гадаад хэргийн сайд нарын уулзалт болсон юм. Энэ уулзалтаөд Бирмийн генерал Тан Шве оролцжээ. Уулзалтын үеэр Бирмийн генерал Тан Шве гадаадаас ирүүлсэн тусламжийн барааг тараах ажлыг бид хариуцна гэсэн байр сууриа хэвээр хадгалсан байна. 5 сарын 25-нд Бирмд хандивлагч орнуудын чуулга уулзалт Рангун хотод болох гэж байгаа юм. Энэ чуулга уулзалтын үеэр Бирмд тохиолдсон байгалийн гамшигийн асуудлыг хэлэлцнэ.

Лид2. Америкийн ардчилсан намын гишүүн сенатч Эдвард Кеннеди тархиний хорт хавдар туссан тухай Бостон хотын эмч нар мэдээлсэн байна. Энэ жил 76 настай улс төрч Эдвард Кеннеди Массачусетс мужийн Кейп Код хойгт байхдаа цус харвасан юм. Үүний дараа түүнийг нисдэг тэргээр Бостон хотыйн эмнэлэгт хүргэжээ.
Эдвард Кеннеди бол америкийн хамгийн нэр хүндтэй, нөлөө бүхий гэр бүлийн нэгэн гишүүн юм. Манай үзэгчид түүнийг АНУ ын ерөнхийлөгч асан Жон Кеннедигийн хамгийн бага дүү гэдэгээр нь сайн мэдэх юм. Кеннедигийн гэр бүлийн том хүү Жозеф дэлхийн 2-р дайны үеэр амь үрэгдсэн бол удаах хүү Жон 1960 онд АНУ ын төрийн тэргүүн болоод 3 жилийн дараа бүр тодруулах юм бол 1963 онд Даллас хотод мэргэн буучын суманд оногдож амиа алдсан юм. Хамгийн сүүлд 1968 онд Роберт Кеннеди бусдын гарт үрэгдэж байжээ. Эдвард Кеннедигийн гэр бүлийн гишүүд нь эмнэлэгт түүнийг сахиж байгаа юм. Харин тэд ямаэр нэгэн мэдэгдэл одоогоор хийгээгүй байна. Эмч нар дахин хэд хэдэн шинжилгээ хийж ямар эмчяилгээ хийхээ шийдэх болно. Эдвэрд Мур Кеннеди нь 1932 онд мэндэлсэн юм. 1962 онд АНУ ын Сенатын танхимд хамгийн залдуу гишүүн нь болж байжээ. Эдвард Кеннеди 1980 онд Ардчилсан намаас сонгуульд нэр дэшиж байсан ч сунгаанд Жимми картерт ялагдаж байжээ. Кеннедигийн гэр бүлийнхэнийг америкт улс төрчдийн удам гэж нэрлэдэг байна.

Лид3. Өнөөдөр Гүржид парламентын сонгууль болж байна. Гүрж улс тусгаар тогтнолоо зарласанаас хойш 7 дахь удаагаа хууль тогтоох дээд байгуулагынхаа гишүүдийг сонгож байгаа нь энэ юм.
Өнгөрсөн оны 11 сард Гүржийн сөрөг хүчнийхэн парламентыг тарааж ээлжит бус сонгууль зарлахыг шаардаж байсан билээ. Гүржийн эрх баригчид сөрөг хүчний шаардалагыг хүлээн авч ийнхүү парламенты ээлжит бус сонгуулийг явуулж байна. Гүржийн ерөнхийлөгчийн сонгууль хэрүүл маргаан, дуулиан шуугиан дүрэн байсан бол харин парламентын ээлжит бус сонгууль нь харьцангуй нам жим болж байна. Өнгөрсөн нэгдүгээр сарын улс орны нийгмийн уур амьсгалыг өнөөгийнхтэй харьцуулах юм бол Гүржид улс төрийн идэвхи буурчээ. Хэдийгээр 3-р сард Гүржин сөрөг хүчнийхэн өлсөлөн зарлаж ерөнхийлөгчийн сонгуулийг дахин явуулахыг шаардаж байсан ч энэ нь олон нийтийн анхаарлыг татаж чадаагүй юм. Гүржийн сөрөг хүчнээс сүүлийн нэг сард зохион байгуулсан жагсаал цуглаанд олон мянган хүн хамрагдаагүй байна. Иймээс ч энэ удаагийн парламентын сонгуульд сонгогчдын идэвхи сул байна гэж улс төр судлаачид дүгнэж байгаа юм. Гүржийн сонгуулийн хуулинд хийсэн нэмэлт өөрчөлтийн дагуу парламентын гишүүдийн тоог багасгажээ. Өмнө нь гүржийн парламент 235 гишүүнтэй байсан юм.
Харин шинээр сонгогдох парламент 150 гишүүнтэй байх болно. Эдгээрийн 75 нв намынхаа баталсан жагсаалтаар, харин үлдсэн 75 нь мажоритар системээр сонгогдох юм. Парламентын гишүүн болохын тулд нэр лэвшигч наад зах нь 5 хувийн санал авсан байх ёстой. Гшржийн нийслэлийн санал авах нэг хэсгийн дагаа сөрөг хүчин болон эрх баригчлдыг дэмжигчдийн хооронд үл ойлголцол гарч сонгогчид гар зөрүүлсэн тухай орон нутгийн мэдээллийэ хэрэгслүүд уламжилжээ. Гүржийн сонгуулийн ерөнхий хороо санал хураалтын дүнг пүрэв гаригийн шөнө зарлах юм байна. Парламентын сонгуулийг ажиглахаар гадаадын 1000 гаруй төлөөлөгч иржээ.

Лид4.Буддын шашны тэргүүн Дээрхийн гэгээнтэн 14 р Далай лам Их Британи Умард Ирландын Нэгдсэн Вант улсад 11 өдрийн айлчлал хийхээр өчигдөр орой хүрэлцэн ирсэн байна.
Айлчлалын хөтөлбөрийн хүрээнд Далай лам Их Британий ерөнхий сайд Гордон Браунтай уулзж, Их Британий парламентад үг хэлж, Метрополитэн сургуулийн хүндэт доктор цолыг хүртэх юм. Энэ их сургуульд Дээрхийн гэгээнтэн Далайл лам хэд хэдэн цуврал лекц уншна. Далай лам Их Британид ирэхээсээ өмнө Холбооны Бүгд Найрамдах Герман улсад айлчлал хийж Германы парламентын гишүүдтэй уулзсан юм. Түвдийн эрх чөлөө, тусгаар тогтнолыг дэмжигчид ерөнхий сайд Гордон Браунд хандан Далай ламыг Даунинг Стрит дахь ажлын өргөөндөө хүлээн авч уузахыг уриалжээ. Гэвч Далай лам, Гордон Браун нарын уулзалтыг Лондон хотын Кентерберийн Ламбет ордонд зохион байгуулах болжээ. Далай ламыг ерөнхий сайд Гордон Браун хүлээн авч уулзаж байгаа нь Хятад Их Британий харилцаанд сөрөг нөлөө үзүүлнэ гэж зарим хүмүүс болгоомжилж байна. Гэвч Гордон Браун далай ламыг шашны зүтгэлтэнийн хувиар хүлээн авч уулзаж байгаа гэж Британий либерал ардчилсан намын тэргүүн Мензис Кэмпбелл хэлсэнийг Ассошиэйтед пресс иш татан уламжилж байна. Далай лам 1959 оноос хойш хилийн чанадад амьдарч байна. Далай лам Түвдэд өөртөө засах эрх өгөхийг хятадын засгийн газраас шаардаж байгаа юм. Өнгөрсөн 3 сарын 10 нд Түвдийн Лхас хотод хятадын эсрэг лам нарын жагсаал болсон юм. Энэ жагсаалыг хятадын засгийн газар хүчээр тараасан нь дэлхийн олон орны шүүмжлэл, эсэргүүцэлтэй тулгарсан билээ. Түвд бол хэзээнээс л хятадын нэг хэсэг байсан гэж Бээжин нотлодог юм. Гэвч 20 р зууныг хүртэл Түвд нь өөртөө засах орон байжээ.
Лид5. Хятадын Сычуань мужид болсон газар хөдлөлтйн үеэр амь үрэгдсэн хүний тоо 40 мянгад хүрсэн тухай БНХАУ ын засгийн газрын мэдлийн Синьхуа мэдээллийн агентлаг албан ёсоор мэдээлсэн байна.
Харин аврагчдын тооцоолсноор албан ёсны энэ тоо нь бодит байдлаар дэндүү зөрүүтэй байгаа юм. Байшингийн нуранги доор хэчнээн хүн байгааг хэн хэлж мэдэхгүй байгаагийн зэрэгцээ амьд олдсон хүмүүс эмнэлэгт хүргэгдсэн хойноо шархаа даалгүй эндэж байгаа гэнэ. Өчигдөр л гэхэд хятадын аврагчид байишгийн нуранги доор бүтэн долоо хоносон хүнийг гаргаж авчээ. Хятадын газар хөдлөлийн төв Сычуань мужид дахин газар хөдлөлт болж магалгүй гэж анхрааруулсан байна. Одоо энэ мужид ихэнхи хүмүүс гэртээ орохоос эмээж, гадаа гудамжид хонохыг илүүд үзэж байна.

Лид6. АНУ ын Кентуки мужид Ардчилсан намаас нэр дэвшгчдийн сунгаа болж өнгөрлөө. Хатагтай Хилари Клинтон ялалт байгуулсан байна.
Ардчилсан намынхан дотороосоо Барак Обама арай илүү санал аваад байгаа юм. Хилари Клинтон Кентику мужид ялалит байгуулсанаар Барак Обамаг гүйцэж очих боломжтой болж байна. Хилари Клинтон Орегон мужид ялалт байгуулсаны дараа олон нийтэд хандан сонгуульд ялалт байгуулна гэдэгтээ итгэлтэй байгаагаа илэрхийлээд сурталчилгаааны ажлаа улам эрчимжүүлнэ гэж мэдэгдсэн байна. Харин Барак Обама мхягмар гаригийн орой Айова мужид очиж үг хэлжээ. Энэ мужид тэр өнгөрсөн 1-р сард хамгийн анхны ялалтаа байгуулж байсан юм. Бүгд Найрамдах намаас сонгульд нэр дэвшиж байгаа Жон Маккейн Барак Обамагийн хөтөлбөрийг шүүмжилж хэвлэлээр мэдээлэл тараасан байна. Тухайлбал тэр Барак Обамагийн Ираны талаар бармтлах бодлогийг нь эрс буруутгасан байна. Барак Обама одоогоос хэд хоногийн өмнө Иран улсад цөмийн зэвсэг байхгүй гэж хэлсэн юм. Харин яг одоо Орегон мужид анхан шатны сонгуулийн санаын хуудас тоолох ажил эхэлсэн байна. Орегон мужийн сонгогчдын дунд явуулсан санал асуулгын дүнгээс харах юм бол Барак Обама ялалт байгуулах төлөвтэй байна.

ТОВЧ МЭДЭЭ

12 балын шаталбараарх 5-6 баллын хүчтэй газар хөдлөлт өнөөдөр Москвагийн цагаар ОО:43, орон нутгийн цагаар 5:43 д Эрхүү мужид болсон байна. Газар хөдлөлтийн төв нь Байгал нуурын ай сав орчмын дунд хэсэг байсан тухай Байгалийн газар хөдлөлт судлах станцаас ИТАР ТАСС д мэдээлжээ. Эрхүү хотод 2-3 баалын газар хөдлөлт мэдрэгджээ . Амь насаа алдсан, эвдэрч нурсан тухай мэдээлэл одооогоор байхгүй байгаа юм байна.

Ливаны засгийн газар Хизбала бүлэглэлийнхэн таван өдрийн турш хэлэлцээр хийжээ.Эрх баригчид болон сөрөг хүчнийхэн эвсэлийн засгийн газар байгуулах тохиролцоонд хүрсэн байна.

ОХУ ын Пенза мужид мухар сүсэгтэнүүдийн орогнож байсан газа доорх агуйг орон нутгийн эрх баригчдын шийдвэрээр хүчний байгуулагынхан дэлбэлж устгасан байна. Энэ агуйд хагас жилийн турш 35 мухар сүсэгтэн дэлхийн төгсгөлийг хүлээж орогнож байсан билээ. 5 сарын 16 нвд агуйгаас хамгийн сүүлчийн 9 хүн сайн дураараа гарсан байна.

Дэлхийн зах зээл дээр газрын тосны үнэ нэмэгдэж шинэ дээд амжилт тогтоосон байна. Одоо Нью Йоркийн түүхий эдийн бирж дээр нэг баррель газрын тосыг 130 америк доллараар арилжиж байна. Зарим эдийн засагчид сарын дараа нэг баррель газрын тос 150 доллар хүрч магадгүй гэж таамаглаж байна.

Лид7. ОХУ ын ерөнхий сайд Владимир Путин Сочи хотод ажиллаж байна. Тэрээр Оросын зам тээвэрийн асуудлаар орон нутгийн удирдлагуудтай уулзжээ. Сочи хотод энэ өдрүүдэд Оросмын тээврийн салбарын хөгжлийн тухай үзэсгэлэн нээгдсэн юм.
Оросын засгийн газрын тэргүүн ойрын хэдэн жилд зам тээврийн салбарыг хөгжүүлэх хөтөлбөрийг баталсан байна. Энэ хөтөлбөрийг хэрэгжүүлэхэд 13 триллион рубль төсөвлөжээ. Сочи хотод зам тээврийн. Хөгжлийн тухай үзэсгэлэн гаргасан нь ч бас учиртай. Энэ хотод өвлийн олмпийн наадам болох гэж байгаа юм. Олимпийн наадмйн нээлт болохоос өмнө Сочид шинэ нисэх онгоцны буудал ашиглалтад орох юм. Үзэсгэлэнгийн үеэр Москва хотын дарга Юрий Лужков ерөнхий сайд Путинд Москва хотын замын ачааллыг хэрхэн хөнгөвчлөх тухай шинэ төлөвлөгөөг танилцуулсан байна. Түүнээс гадна Москвагийн Шереметьево, Внуково, Пулково, нисэх онгоцны буудал, томоохон төмөр замын зангилааг хэрхэг сайжруулах гэж байгааг ч танилцуулжээ.
Эр. Энэ удаа ОХУ-ын засгийн газар урьд өмнө нь хийж байгаагүй томоохон хөрөнгө оруулалтыг хийх гэж байна. Дэд бүтэцийг хөгжүүлэхгүйгээр бид эдийэн засгаа амжилттай хөгжүүлэх боломжгүй

Лид8. Бразилийн Сан Паулу хотын Конгоньяс нисэх буудлын ойролцоо хүчтэй гал түймэр гарсан тухай шуурхай албаны мэдээлэлд үндэслэн тус улсын орон нутгийн хэвлэлүүд мэдээлсэн байна.

Нэгэн худалдааны төвийн доод давхруудаас хар утаа олгойдож байсан нь гал түймэр гарах шалтгаан болжээ. Гамшиг тохиолдсон газрын ойролцоо орших байшингуудын хүн амыг нүүлгэн шилжүүлсэн байна. Ахуйн хийнээс үүдээд гудасны дэлгүүрт гал гарсан байж магадгүй гэж гал сөнөөгчид таамаглаж байгаа юм байна. Хүний амь нас хохирсон , бэртэж гэмтсэн тухай албан ёсоор мэдээлсэнгүй. Эхэндээ Пантанал агаарын тээврийн компанийн онгоц унаснаас болж түймэр гарсан гэж мэдээлжээ. Учир нь бараг жилийн өмнө ТАМ гэдэг бразилийн агаарын компанийн Айрбус 32О осолдож байсан Конгоньяс нисэх буудлаас холгүй орших Моэма дүүргийн Арагуарийн гудамжинд гал авалцаж байгаа үзэгдсэн юм байна. . Онгоц осолдсон гэсэн хувилбарыг Пантанал компани няцаажээ. Үүнээс гадна түймэр гарсан газар онгоцны хөөрөх газардах замын чиглэлээс хол учир энд онгоц унах ёсгүй гэж Бразил улсын Нисэх алба болон Үндэсний агаарын тээврийн товчоо мэдээлсэн байна. Жил хүрэхгүйн өмнө 199 хүний амь насыг авч одсон агаарын золгүй ослоос хойш хотын бүсэд оршдог Конгоньяс нисэх буудлын нэр хүнд нилээд буурраад байгаа гэнэ. .

Лид9. Түймэр гарч Берлины филармонийн барилгад нилээд хэмжээний хохирол учирснаас болж концерт хойшлогджээ.
Берлины филармонид гарсан гал түймрийг унтраахын тулд дээврийг нь өрөмдөж нүхлэхээс өөр аргагүй болсон гэнэ. Гагнуурын ажлын явцад гал гарсан байх гэж берлины цагдаагийн газар үзэж байгаа юм байна . Филармонийн ажилтнуудыг болон үзэгчдийг маш хурдан гаргаж амжээ Амь нас хохирсон тухай мэдээлэл одоогоор байхгүй байгаа юм байна. Тус филармонийг 1963 онд уран барилгач Ганс Шаруны төслөөр барьж байгуулжээ. Одоогоос 120 жилийн өмнө ашиглалтад орсон эн барилга дуу чимээг гайхалтай сайхан дамжуулдаг байсан тул дэлхийн хамгийн шилдэг барилга байгууламжийн тоонд зүй ёсоор оруулдаг байсан юм. Одоо Берлины филмармонийг ноён Саймон Ратлл удирддаг байна. Гал унтраах багийнхан зарим хөгжмитйн зэмсэгүүдийг шатаж байгаа байшингаас гаргасан байна. Харин төгөлдөр хуур гэх мэт овор хэмжээ ихтэй хөгжмийн зэмсэгийг аварч чадсангүй.

Лид10. Москвагийн “Орчин үе” театрт зохиолч Андрей Платоновагийн “Шарманка” жүжгийг тавих гэж байна. Шинэ жүжгийг амилуулах хэцүү даалгаварыг найруулагч Михаил Ефремов авчээ. Тэр олны анхаарлыг татахын тулд жүжгийг бэлтгэлийг хүссэн хүн бүхэн үзэж болно гэж зөвшөөрчээ.
Зохиолч Андрей Платонов “Шарманка” найраглалаа одоогоос 80 жилийн өмнө туурвисан юм. Иймд социализмийн үеийн үг хэллэгүүд нэлээд оржээ. Жүжигчид хуучнй үг хэллэгийг эзэмшихийн тулд тусгай толь бяиг хэрэглэжээ. Шарманка зохиолд социалист үзэл санаатай лоозон уриа нь сүүлдээ цтга учраа алдаж байгаа харуулсан байна. Энэ жүжигийн гол үйл явдал нь ЗХУ- ын нэгэн хамтралд Кузей гэдэг роботын хамт ирдэг байна. Энэ үед нэгэн хөрөнгөтөн хүрэлцэн ирж ЗХУ ыг худалдан авахгэж байгаагаар үйл явдал цааш өрнөдөг. Платонов 30 аад оны эхэн үед бичсэн эжнэ найраглалаа 1980 аад оны сүүлээр хэвлүүлжээ. Харин одоо л театрын бүтээл болж тайзан дээр амилах гэж байна.

Лид11. Хүн ба амьтны эд эсийг нийлүүлэхийг оролдож байгаа эрдэмтдэд Британийн парламент зөвшөөрөл олгосон гэнэ . Энэ эрдэмтэд генетикийн гибридэн эмбрионоос одоогоор эмчилгээгүй гэгдэж байгаа өвчнийг анагаах эд эс гаргаж авахыг хүсчээ.

Хүнийг хиймлээр олшруулан үржүүлэхийн нэгэн адил энэ судалгаа шинжилгээг шашны болон ёс суртахууны үүднээс олон хүн эсэргүүцэж байгаа гэнэ. Шинжлэх ухаан чухал уу, ёс суртахуун чухал уу гэдэг асуудлаар олон арван жил маргасаар ирсэн бөгөөд энэ удаа ч гэсэн шинжлэх ухаан дахин ялсан байна. Хүний эд эсийг амьтныхтай нийлүүлж гибридэн эмбрион гээч зүйлийг гаргаж авч болох уу гэсэн генетикийн ч байж болох, гүн ухааны ч байж болох асуудлыг британийн парламент авч хэлэлцэж байна. Энэ судалгаа шинжилгээг эсэргүүцэгч консервативчууд удахгүй бид хачин сонин юм үзнэ шүү гэж индрээс айлган сүрдүүлж байхад харин лейбористууд бид мангас бий болгох гэж байгаа юм биш , ноцтой өвчнүүдийг эдгээж олон мянган хүнийг аврах гэсэн юм гэж хариу тайлбарлаж байгаа гэнэ. “ Бусдад тус болохын тулд л хүүхэд бий болгож , ашиглаж болохгүй гэж консервативч депутат Дэвид Бёрроуз хэлсэн бол “ Өнөөдөр бид эдгэрэшгүй архаг өвчнүүдийг анагаах бодит боломж олж авч байна “ гэж лейборист Фиона Мактаггарт эсэргүүцсэн байна. Гэлээ ч гэсэн энэ талын туршилт Британид явагдсаар байгаа бөгөөд өнгөрсөн сард 99 хувь нь хүнийх , нэг хувь нь генетикийн ямар ч мэдээлэлгүй амьтны өндгөн эс бүхий эмбрион нэгэн лабораторид гаргаж авчээ. Энэ эд эсийн үр хөврөл нь 14 хоногоос илүү хугацаагаар амьдарч чадахгүй бөгөөд зөвхөн шинжлэх ухааны зорилгоор л бий болгожээ. Ийм туршилтын үр дүн юунд хүргэхийн одоогоор хэн ч хэлж мэдэхгүй байна. Саяхан Тасман арлын нэгэн үхсэн барын ДНК г жирийн нэг хулганы биед амжилттай суулгасан тухай мэдэээ барууны олон нийтийн хэвлэлд гарсан байна. Үүнийг католик шашны сүм хийд байгалийн жам ёсны эсрэг гэмт хэрэг, Франкенштейны шинжлэх ухаан хэмээн үзэж байгаа юм байна. Эмбритон гэдэг үг цухуйлгаагүй өөр сонголт бүхий судалгаа шинжилгээний ажлыг британийн болон ирландын хамба лам нар санхүүжүүлж байгаа гэнэ.

Лид12. Нью Йорк хотын Уолл Стреет гудамжинд байрладаг нэгэн түргэн холны газар 175 долларын үнэтэй Гамбургер зарж байна.
Энэ түргэн хоолны газрын эзэн нь үйлчлүүлэгчид ер бусын содон зүйл санал болгохоор ийм гамбургр хийсэн гэж мэдэгджээ. Уолл Стреет гудамжид Нью Йоркийн хөрөнгийн бирж байрладаг. Хөрөнгийн бирж дээр ханш унаж, заримдаа хувцааны үнэ өсөж янз бүрийн л үйл явдал болдог. Хувьцааны ханш нь өссөн өдөр магнай тэнэгэр брокер ийм үнэтэй гамбургер худалдан авч баяраа тэмдэглэж болно шүү гэж түргэн хоолны газрын захирал Ройтерс агентлагийн сурвалжлагчид ярьсан байна. 175 долларыг үнэтэй гамбургерт япон үхрийн мах, загасны түрс, швейцарь бяслаг ойн мөөг оржээ. Жирийн өдрүүдэд энэ түргэн хоолны газар нэг ширхэжг гамбургерыг 4 доллараар зардаг байна.
ЭНЭ ӨДӨР
1712 оны энэ өдөр Оросыцн 1 р Петр хаан нийслэл хотоо Москвагаас Петербург руу шилжүүлсэн байна.

1840 оны энэ өдөр Шинэ Зеланд бол Их Британий колони Английн засгийн газар зарлажээ.

1928 оны энэ өдөр Уолт Дисней Микки Маусын дүрийг дангаар ашиглах эрх авсан байна.

1945 оны энэ өдөр Сири, Ливан улсууд Францын колони байхаа больж, тусгаар тогтнолоо зарласан байна.

1992 онд БНХАУ д цөмийн зэвсэгийн туршилт хийж байжээ.

Өнөөдөр ОХУд Номхон Далайн флотын өдрийг тэмдэглэж байна. 1731 онд Оросууд Номхон Далайн флотыг байгуулж байжээ.

Өнөөдөр Энэтхэг улсад алан хядлагатай тэмцэх өдрийг тэмдэглэж байна.1991 оны энэ өдөр Энэтхэгийнэ ерөнхий сайд асан Ражив Ганди дэлбэрэлтэд өртөж амь насаа алдаж байсан юм.

Дэлхийн мэдээ 2008 05 17 Бямба гараг

Лид1. ОХУ ын ерөнхийлөгч Дмитрий Медведев монгол улсын ерөнхийлөгч Намбарын Энхбаярыг хүлээн авч уулзсан байна.
Хоёр орны төрийх тэргүүн нар орчуулагчгүйгээр хамтран ажиллах тухай энэ гэрээ хэлэлцээрийн тухай ярилцжээ. Учир нь Монголын төрийн тэргүүн оюутан ахуй цагаа Москвад өнгөрүүлж Пушкины нэрэмжит Москвагийн Утга зохиолын дээд сургуулийг төгссөн юм. Оросын агуу их зохиолч Пушкины хэлийг монголд дэлгэрүүлэх үйлсэд хувь нэмэр оруулсны төлөө Намбарын Энхбаярт Пушкины нэрэмжит шагналыг Дмитрий Медведев гардуулжээ. “ Юуны түрүүнд ОХУ ын ерөнхийлөгчийн албан тушаалд дэвшсэн явдалд танд баяр хүргэхийг хүсч байна. Оросын хөлбөмбөгийн Зенит баг Манчестерт хийсэн тоглолтын эцэст чухал ялалт байгуулсанд ч бас баяр хүргэе гэж Монголын ерөнхийлөгч уулзалтын эхэнд хэлжээ. Дмитрий Медведев, Намбарын Энхбаяр нар Монгол –Оросын харилцаа хамтын ажиллагаааг өргөжүүлэх талаар санал бодолоо солилцжээ. 2009 онд Монгол улс Халхын голын дайны ялалтын 7О жилийн ойг тэмдэглэх юм. Энэ баярын үйл ажиллагаанд Дмитрий Медведевийг хүрэлцэн ирэхийг урьсан байна.

Лид2. Сычуань мужид болсон газар хөдлөлтийн улмаас Хятадын
баруун өмнөд нутгийн 5 сая орчим хүн орох оронгүй болоод байна гэж хятадын засгийн газрын төлөөлөгчид мэдэгдсэн байна .
Байгалийн гамшигт нэрвэгдсэн хүмүүсийн яс тоо хөдөө оон нутагт холбоо харилцааг сэргээсний дараа тодорхой болох аж. Зөвхөн даваа гаригт болсон газар хөдлөлтөнд гэхэд л 22 О69 хүн амь үрэгдэж мөн хэмжээний хүн алга болсон тухай албан ёсоор мэдэгджээ . Хятадын ерөнхийлөгч Ху Цзинтао баасан шаригт байгалийн гамшиг болсон газар хүрэлцэн очихдоо аврах ажиллагаа шийдвэрлэх үе шатандаа ороод байгаа тухай мэдэгдэн “ Аврах үйл ажиллагаа амжилттай болох бүхий л бэрхшээлийг арилгаж , хамаг хүч чадлаа дайчлах болно” гэж хэлсэн байна . Үүний зэрэгцээ ийм олон сургуулийн барилга яагаад нурж унасан шалтгааныг тодруулах тусгай мөрдөлт судалгаа явуулж чанаргүй барилга бариулсан хариуцлага хүлээх ёстой хүсүүсийг хатуу шийтгэхээр болжээ. Газар хөдөлсөн нутгуудад Хятадаас гадна Орос, Сингапур, Өмнөд Солонгос, Япон, Тайвань , Гонконгийн авран хамгаалагчид ажиллаж байгаа юм байна. Удахгүй бас өөр орны авран хамгаалагчдыг ч хүлээж авах тухай Бээжин мэдэгджээ. 48 хүний бүрэлдэхүүнтэй , 4 сургуультай нохойтой Оросын Онцгой байдлын яамны баг өнгөрсөн баасан гаригт Мяньчжу хотод хүрэлцэн очиж ажлаа эхэлсэн, мөн нэрвэгдсэн хүмүүст зориулсан ачаа бүхий 3 онгоцыг Хятад руу илгээсэн тухай РИА новости агентлаг мэдээлсэн байна. Баасан гаригт болсон дахин газар хөдлөлтийн хүч чадал Рихтерийн шаталбараар 5,5 баллд хүрсэн гэж америкийн мэргэжилтнүүд тооцоолжээ . 5р сарын 12 нд болсон 7,9 баллын хүчтэй газар хөдлөлтөнд нэрвэгдсэн зарим нэг муж одоо ч хүртэл хүрч очиж боломжгүй тусгаарлагдмал хэвээр байгаа гэнэ.
Лид3. Интер вирусийн халдвар авсан байж болзошгүй нэг тохиолдол Казакстанд бүргэгдсэн байна. Энэ өвчний халдвартай хүн нь Хятадын иргэн гэж Казахстаны онц байдлын яамны хэвлэлийн албанаас мэдээлжээ.
Хятадын 27 настай иргэн 4 сарын 26 нд Казахстан улсын Алма Ата мужийн Алакольск дүүрэгт иржээ. Удаан хугацааны турш түүнд энтеровирус байгаа шинж тэмдэг илэрч байжээ. Одоо өвчтөнийг Алакольск дүүргийн халдвартын эмнэлэгт хэвтүүлж тусгаарласан байна: Дүүрэгт хятадын иргэнтэй холбоо харьцаатай байсан хүмүүсийг шинжилгээнд оруулж, ариун цэвэр, хяналтын ажлыг хийж байгаа юм байна. Халдварт өвчинийг газар авахуулахгүй байхы тулд шаардлагатхай бүх арга хэмжээг авч эхэлсэн гэж Казахстаны онц байдлын яамны мэдээлэлд дурьжээ. Одоогийн байдлаар БНХАУ д энэ өвчний халдварыг 30 мянган хүн авсан байна. Тэдний 90 хувь нь тэгээс дөрөв хүртэлх насны хүүхдүүд байгаа юм. Энэ өвчний хамгийн анхны тохиолдол БНХАУ ынАньхой мужид 4 сарын 20 нд бүртгэгдсэн билээ.
Дараа нь өвчин эрчимтэй тархаж хятадын бүх бүс нутагт илрээд байна.
Энтеровирус 71 нь бага насны хүүхдэд ихэвчилэн халдаж байгаа. Харин насанд хүрсэн хүн өвдөх магадлал бага байдаг. Өвчин агаар дуслын зам, бохир гараар дамжин халдаж хоол боловсруулах эрхтэн, амьсгалын эрхтэнүүдийг гэмтээдэг. Улмаар биед нь тууралт үүсэж мененгит болж амь насаа алддаг байна. Энтеровирусын дэгдэлт таван жил тутам нэг удаа Европ АНУ д гарч байжээ. 2006 оос 2007 оны хооронд Энэтхэг, Тайланд, Хятад, Малайз, Бруней, Японд энэ өвчиний тохиолдол бүртгэгдэж байсан юм.

Лид4. Венесуэлийн төрийн тэргүүн Уго Чавес Перу улсын Лима хотод болж байгаа Латин Америк Европын холбооны дээд хэмжээний уулзалтад оролцож байна. Уулзалтын үер Уго Чавес Германы канцлер хатагтай Ангела Меркелээс уучлалт хүсжээ.
Одоогоос хэдхэн хоногийн өмнө Уго Чавес Германы канцлер Ангела Меркель бол нацист Адольф Гитлерийн залгамжлагч гэж нэрлэж байжээ.
Эр. Би Германы канцлер хатагтай Ангела Меркелээс уучлалт хүсэж гар барьсан. Тэр ч бүү хэл түүнийг үнэссэн. Энэ бүхэн Аргентины ерөнхийлөгчийн нүдний өмнө болж өнгөрсөн. Германы канцлер Ангела Меркель Лимад болж болж байгаа уулзалтын үеэр Уго Чавесын хэлж байсан хатуу ширүүн үгэнд ач холбогдол өгөөгүй гэдгээ нотлон харуулахыг оролдож байсан гэж хэвлэлийнхэн дурьдаж байна.

Лид5. АльКаида алан байгууллагын тэргүүн Осама Бин Ладен Израилын тусгаар тогтнолын 6О жилийн ой болж байгаатай холбогдуулан мэдэгдэл гаргасан байна.
Лалын шашинтнуудын нэгэн сайтад Бин Ладены үг хэлсэн бичлэгийн байрлуулжээ. Энэхүү бичлэгт тэрээр өөрийн дэмжигчдэд хандан палестины чөлөөлөх тэмцлийг үргэлжлүүлэхийг уриалжээ. “ Бид Израил болон түүний холбоотнуудын эсрэг тэмцлээ зогсоохгүй. “гэж хэлжээ. Израиль палестины хоорондын зөрчил мөргөлдөөн нь Бин Ладеныг барууны орнуудын эсрэг тэмцэх нэг шалтгаан болжээ. Энэ бичлэг нь Бин Ладены жинхэнэ дуу хоолой мөн эсэхийг мэргэжилтнүүд хараахан тогтоож чадаагүй байна. Чухамдаа энэ сайтан дээр л Аль Каида бүлэглэлийнхэн өөрийнхөө мэдэгдлийг байрлуулдаг юм байна .

Лид6. АНУ ын төрийн тэргүүн Жорж Буш Израиль улсад хийсэн айлчлалаа өндөрлөөд Саудын Арабад хүрэлцэн ирсэн байна. АНУ ын ерөнхийлөгч Жорж Буш Саудын Арабын эрх баригчидтай бүс нутгийн тогтвортой байдал, газрын тосны үнэ ханшын талаар ярилцсан байна.
Саудын арабын газрын тосны сайд Жорж Буштай уулзсаныхаа дараа газрын тосны олборлолтоо нэмэгдүүлэх шийдвэр гаргасан байна. Газрын тосны нөөц баялаг ихтэй энэ улс өдөрт 300 баррель газрын тос ахиу олборлож байх болжээ. Бид өдөр бүр захиаглагчдаасаа олборлолтоо нэмэгдүүлээч гэсэн хүсэлтийг хүлээн авдаг. Иймээс тэдний хүсэлтийг биелүүлэх нь зүйтэй гэж үзэж байна гэж сайд хэлсэн байна. 2008 оны 6 сар гэхэд Саудын Араб өдөрт 9,45 сая баррель газрын тос олборлож байх юм байна. АНУ газрын тос хэрэглэж байгаа хэмжээгээрээ дэлхийд нэгдүгээр байранд ордог юм. Америкчууд хэрэгцээнийхээ газрын тосны ихэнхи хэсгийг Саудын Арабаас худалдан авдаг байна. Нью Йоркийн түүхий эдийн бирж дээр одоо нэг баррель газрын тос 127 доллар 82 центийн үнэтэй байна.

Лид 7.АНУ ын Техас мужид жижиг оврын нэг онгоц орон нутгийнхаа нисэх буудалд газардахдаа нөгөө онгоцны дээр буусан байна . Хүний амь нас хохироогүй ч гэсэн энэ явдлын шалтгааныг тодруулах мөрдөлт явуулж байна гэж Скай Ньюс мэдээлсэн байна .
Нөгөө онгоцоо хөөрөх үеэр Техасийн нисэгч онгоцондоо суусан юм байна. Буух талбайд орж ирсэн онгоцны дугуй нөгөө онгоцны далавчинд орооцолдсон байх гэсэн урьдчилсан таамаг гарчээ. Энэ хэрэг явдал гарсан Нордвест Региогал о нисэх буудалд диспетчерийн хяналтын өндөрлөг байдаггүй бөгөөд нисэгчид ямар үйлдэл хийх гэж байгаагаа задгай давтамжаар бие биедээ мэдээлдэг гэнэ. Энэ хоёр нисэгч нислэгийн зурвасыг яагаад зохицуулж чадаагүй нь одоо болтол тодорхойгүй байна.

Лид8 .Доминиканы бүгд найрамдах улсад ерөнхийлөгчийн сонгууль болж өнгөрсөн байна. Сонгуульд Доминиканы бүгд найрамдпах улсын ерөнхийлөгч асан Леонель Фернандс ялалт байгуулжээ.
Доминиканы бүгд найрамдах улсын сонгуулийн ерөнхий хорооны мэдээгээр тэр 53 хувийн санал авч бусадл өрсөлдөгчидөө хошуучилжээ. Фернандс энэ жил 54 настай, өмгөөлөгч мэргэжилтэй. 1996 аас 2000 оны хооронд ерөнхийлөгчийн аллбан тушаалыг хашиж байжээ. Харин түүний өрсөлдөгч Мигель Варгаса 41 хувийн санал авсан байна. Тэр сонгуульд өөрийгөө ялагдсаныг хүлээн зөвшөөрч байгаагаа мэдэгдэж Фернандст баяр хүргэжээ. Доминиканы бүгд найрамдах улсын ерөнхийлөгчийн сонгуульд 7 хүн нэри дэвшиж өрсөлдсөн юм байна.

Лид9. Зимбабве улсын сонгуулийн ерөнхий хороо ерөнхийлөгчийн сонгуулийн 2р үе шатыг явуулах хугацаа урагшлуулсан байна. 5р сарын 16 нд засгийн газрын харьяаны сонинд мэдээлснээр сонгуулийн 2р үеийг 6р сарын 27 нд явуулахаар болжээ. Үүнээс өмн ө сонгуулийг 7р сарын 31нд явуулахаар зэхэж байсан байна.
Сонгуулийн 2р үе шатыг ийнхүү хожуу явуулах гэж байсныг сөрөг хүчний Ардчилсан Өөрчлөлт Хөдөлгөөний тэргүүн Морган Цвангираи шүүтжтлж байжээ. Тэд 5р сарын 23 нд сонгууль явулахыг шаардсан байна. Тус улсын үндсэн хуулийн дагуу сонгуулийн 2р үеийг 1р үе дууссанаас хойш 3 долоо хоногийн дотор зохион байгуулах ёстой юм байна . Гэвч Зимбабве улсын сонгуулийн хороо ерөнхийлөгчийн сонгуулийн үр дүнг 5р сарын 3 ны өдөр өөрөөр хэлбэл санал хураалт болсноос 2-сарын дараа сонгуулийн үр дүнг зарлажээ. 2ОО8 оны 3сарын 29 нд парламентын болон ерөнхийлөгчийн сонгуулийг энэ улс нэгэн зэрэг явуулсан юм. Сонгуулийн ерөнхий хороо парламентын сонгуулийн үр дүнг шуурхай зарласан бол харин ерөнхийлөгчийн сонгуулийн санал хураалтын үр дүнг нийиэд мэдэгдэлгүй уджээ. Парламентын сонгуульд тус улсын сөрөг хүчний Ардчилсан өөрчлөлтийн нам 11О суудал авч олонхи болсон юм. Харин ерөнхийлөгч Роберт Мугабегийн нам ялагдал хүлэээжээ. Ерөнхийлөгчийн сонгуульд Ардчилсан хүчнээс нэр дэвшсэн Морган Цвангираи өөрийгөө ялсан тооцож байгаа юм. Сонгуулийн ерөнхий хорооныхон ерөнхийлөгчийн сонгуулийн үр дүнг будлиантуулсан гэж тэрбээр үзэж байгаа юм.

Лид10. Оросын сансрын ачааны хөлөг “ Прогресс М-64” бямба гаригийг шөнө Олон улсын сансрын станцад залгагдсан байна. Нислэгийг удирдах төвийн мэдээлснээр ачааны пуужин олон улсын сансрын станцтай төлөвлөсний дагуу амжилттай залгагдсан байна .
Прогресс М 64 хөлгөөр ОУСС ад шатахуун , хүнсний бүтээгдэхүүн, ундны цэвэр ус авчирсан байна. Энэ хөлгийн бүхээгт 9О ширхэг эмгэн хумс тээвэрлэж авчирсан бөгөөд жингүйдлийн үед тэдгээрийн эд эсэд ямар өөрчлөлт гарахыг Анагаах ухаан биологийн Хүрээлэн явуулж байгаа туршилтаараа судлах юм байна.

Лид11. Лондон хотын амьтны хүрээлэнгийн мэдээлснээр 1970 оноос хойш манай дэлхийн зэрлэг амьтадын тоо 25 аас 30 хувиар буурсан байна.
Хуурай газрын амьтадын 25 хувь нь харин далай тэнгисийн 28 хувь нь, голын улсанд амьдардаг амьтадын 29 хувь нь устаж үгүй болжээ. Энэ бүхэнд хүн төрөлхтөн бид буруутай гэж мэргэжилтнүүд хэлж байна. Зэрлэг амьтад устаж үгүй болж бүр мөсөн мөхөж байгаа үндсэн шалтгаан нь хүрээлэн байгаа орчины бохирдол, хөдөө аж ахуйн үйл ажиллаагаа, хотжих үйл явцын эрчимжилт, ан агнуураас болж байгаа юм байна. Лондоны амьтан хамгаалах нийгэмлэг, олон улсын зэрлэг амьтадыг хамгаалах сантай хамтран 1400 гаруй зүйлийн амьтадын хэв маягийг ажиглаж дүгнэлт шинжилгээ хийж байна.

Дэлхийн мэдээ 2008 05 16 Баасан гараг

Лид1. БНХАУ –ын Сычуань мужид өнгөрсөн даваа гаригт болсон хүчтэй газар хөдлөлтийн үеэр амь үрэгдсэн хүний тоо 50 мянгад дөхөж очиж байна. Гамшигийн бүсэд ажиллаж байгаа аврах албаны штабын дарга хятадын төв телевизэд энэ тухай мэдээлжээ.
Аврах албаны мэдээгээр ойролцоогоор 12 мянган хүн байшингийн нураги доор дарагдсан байгаа юм. Байгалийн гамшигийн хохиролыг арилгахад нийтдээ 116 мянган цэргийн албан хаагчдыг дайчлаад байгаа юм. Хамгийн сүүлд хятадын засгийн газар гамшигийн бүс рүү нэмж 30 мянган цэргийн албан хаагч илгээх шийдвэр гаргасан юм. Даваа гаригт болсон газар хөдлөлтөд Сычуань мужийн 10 сая хүн өртсөн юм. Хятадын ардын чөлөөлөх армийнхан нисдэг тэрэгээр явж хүнсний бүтээгдэхүүн тарааж, байшингийн нурангид дарагдсан хүмүүсийг гарган авч байна. Хятадын засгийн газар аврах ажиллагаанд 35 сая доллар зарцуулжээ. БНХАУ даяар байгалийн гамшиг болсон мужийн иргэдэд туслах, хандив цуглуулах хөдөлгөөн өрнөж байна. Олимпийн бамбарын буухиатай зэрэгцэн хандив авах ажиллагааг зохион байгуулжээ. Хятадын иргэд одоогоор нэр тэрбум юань Сычань мужид хандивлажээ. Хятадын кино жүжигчин Жэки Чан 10 сая юань хандивлаж гамшигийн бүсэд байгаа хүмүүст сэтгэл санааны дэмжлэг үзүүлэхийн тулд дуу зохиосон байна. Тайвань аралынхан Сычуань руу хүмүүнлэгийн бараатай хоёр онгоц илгээжээ. ОХУ ын онц байдлын яам ИЛ 76 загварын ачааны онгоцын хятад руу илгээжээ. ОХУ ундны цэвэр ус, хүнсний бүтээгдэхүүн, майхан, эмнэлэгийн багаж хэрэгсэлүүдийг Хяталын талд хүлээлгэн өгөх гэж байна. Хятадын засгийн газзар АНУ-д хандан хятадын Сычуань мужийн газрын зургийг сансрын хиймэл дагуулаас авч дэлгэрэнгүй мэдээлэл өгөхийг хүссэн байна. Хиймэл дагуулаас авсан зурагтай болсноор хаана аврах ажиллагааг явуулах хэрэгтэй байгаа тодорхойлоход тус дөхөм болох юм. Сычань мужид шар мөрний эрэг дээр усан цахилгаан станц байдаг юм. Энэ усан цахилгаан станцийн даланд ноцтой цууралт гарсаныг тогтоосон байна. Яаралтай арга хэмжээ авахгүй бол Сычуань мужид үеэр болж магадгүй гэж хятадын мэргэжилтнүүд сэрэмжлүүлжээ.

Лид2. БНХАУ ын бүрэлдэхүүнд багтсан хэвээр нь Түвдэд бие даасан бодит байдал олгох тухай буддын шашны тэргүүн дурдаад энэ асуудлыг шийдэхийн тулд Хятадын эрх баригчидтай хийх гэрээ хэлэлцээрийн явцад итгэлцэл хэрэгтэй байгаа бөгөөд одоогоор ийм итгэлцэл байхгүй байна гэж тэрээр үзэж байгаа юм байна
Далай лам Германд хийх айлчлалынхаа үеэр Хойд Рейн- Вестфалийн холбооны газар нутгийн ерөнхий сайдтай уулзаж, мөн эдийн засгийн хөгжил хамтын ажиллагааны асуудал эрхэлсэн сайдтай ярилцах болон бундестагийн депутатууд ба улс төрийн гол намуудын удирдлагуудтай ярилцах юм байна . Харин Германийн ерөнхийлөгч болон канцлер Гадаад хэргийн сайд нар Далай ламтай уулзахгүй гэнэ. Үүний зэрэгцээ Далай ламыг Германийн албан ёсны төлөөлөгчид хүлээн авахыг Берлинд суугаа БХНАУ ын элчин сайд эсэргүүцжээ. “ Нэгдмэл нэг Хятадын бодлогыг дэмжихийг германы засгийн газраас бид шаардаж байна “ гэж дипломат төлөөлөгчийн газраас хэвлэлийнхэнд зориулсан мэдээлэлдээ дурдсан байна .

Лид3. Өнөөдөр Британийн хатан хаан 2р Елизавета нөхрийн хамт Станбулд хүрэлцэн иржээ. Энэ нь 37 жил хүсэн хүлээсэн Түркэд хийж байгаа хатан хааны хамгийн сайхан төрийн айлчлал болж байгаа юм байна.
Европын Холбоонд элсэн орох гэсэн Туркийн халуун санал хүсэлтийг хатан хаан дэмжиж байх гэж Анкара маш их итгэж найдаж байгаа гэнэ. 2р Елизавета нөхөр болох Эдинбургийн ван Филиппийн хамт албан ёсны олон хүлээн авалтанд оролцох бөгөөд тарсны дараа нь байнга өөрийн хөлгийн бүхээгт ирж хонож байхаар болжээ. Хатан хаан нөхөртэйгээ жил бүр 2 удаа гадаадад айлчилдаг гэнэ. Энэ хоёр 1961, 1971 онд Түркэд ирж байжээ. Хатан хаан зөвхөн нийслэлээр хязгаарласангүй. Бас аж үйлдвэрийн томоохон төв болох туркийн Детройт гэгддэг Бурса хотоор орсон бөгөөд өнөөдөр Стамбулчууд түүнийг угтан авсан байна . Европын нийгэмлэгт хамаарагдах үгүй тухай асуудал урган гарах бүр Британи үргэлж Туркийн талд байсаар иржээ. Энэ удаа ч гэсэн европын холбооны тухай шууд дурдаагүй ч хатан хааны айлчилсан улсыг өөрийнхөө эгнээнд оруулахгүй байж яаж болох вэ гэсэн далд утгын ээлжит энэ айлчлал агуулж байгаа нь
ойлгомжтой гэж үзэж байгаа ажээ. Хатан хаан 2 р Елизавета олон сургууль, лицей, музей зэргээр оржээ. Одоо нас сүүдэр 82 хүрсэн хатан хаанд хурц, халуун ногоотой зоог барихгүй байхыг Букингемийн ордноос хичээнгүйлэн хүссэн байна .

Лид4. Францын төрийн албан хаагчдын бараг гуравны нэг нь пүрэв гаригт болсон эсэргүүцлийн жагсааалд оролцсон байна. Францын үйлдвэрчний эвлэл засгийн газрын санаачилсан бүтэцийн өөрчлөлт хийх, орон тоог цомхотгох төлөвлөгөөг эсэргүүцэж байна.
Жагсаалд боловсролын салбарынхан хамгийн идэвхитэй оролцож байгаа юм. Учир нь Францын төрийн тэргүүн Николя Саркози боловсролын салбарт ажиллагсадын тоог 2 дахин багасгахыг хүсэж байгаа.
Эр. Би сургуульд 30 жил ажилласан. Ямар ч шалтгаангүйгээр би дуртай ажилаа орхихийг хүсэхгүй байна.
Багш нарын орон тоог багасгах гэж байгаа их дээд сургуулийн оутан, ерөнхий боловсролын сургуулийн сурагчид ч эсэргүүцэж жагсаалд оролцжээ. Франс прес ангентлагийн мэдээлснээр үйлдвэрчний эвлэлийнхэн Парис, грненобле, Марсельд жагсаал хийжээ.

Лид5. Израиль улс тусгаар тогтнолоо зарласаны 60 жилийн ойг тэмдэглэж байгаа бол энэ өдрүүдэд Палестины өөртөө засах оронд эмгэнэл сүйрлийн өдрийг тэмдэглэж байна.
Палестины засаг захиргааны тэргүүнм Махмуд Аббас энэ өдөр ард түмэндээ хандан хэолсэн үгэндээ Израиль Палестины хооронд үргэлжилж байгаа дайсагналцал удаан үргэлжлэхгүй гэж найдаж байгаагаа илэрхийлжээ. Израиль улс тусгаар тогтнолоо зарласанаас хойш олон сая арабчууд төрөх нутагаа орхин явжээ. Бид жилийн бүрийн энэ өдөр Араб хшүн бүрт учирсан сэтгэл санааны зовлонг эргэн дурсаж байна гэж Махмуд Аббас онцлон тэмдэглэсэн байна. Үүний дараа Палестинчууд Израиль Палестины дайнд амь үрэгдсэн хүмүүсийн дурсгалыг хүндэтгэж хоёр минут дуугүй зогсжээ. Иордан голын баруун эргийн Рамалла хотынхон агаарт 21 мянга 915 ширхэг хар өнгийн агаарын бөмбөлөг хөөргөжээ. Энэ нь Израиль улс оршин тогтнож байгаа өдрийн тоо юм. Газ хотод Исламын жихад бүлэгллэл ерөнхий боловсролын сургуулийн бага ангийн хүүхдүүдэд цэргийн албан хаагчын дүрэмть хувцас өмсгөж гарт нь тоглоомон буу бариулан жагсаал шугам жагсаал хийжээ. Израилийн тусгаар тогтнолын 60 жилийн ойн баярт оролцохоор ирсэн АНУ ын ерөнхийлөгч тус улсын хууль тогтоох дээд байгуулагын гишүүдэд хандан үг хэлсэн байна. АНУ Израилийг үргэлж дэмжиж байх болно гэж Жорж Буш онцлон тэмдэглэжээ. Израильд хийсэн айлчлалынхаа дараа Жорж Буш Саудлын Араб, Египет улсад албан ёсны айлчлал хийнэ. Лалын нэгэн сайт дээр Аль Каеда алан хядагч бүлэглэлийн тэргүүн Усама Бен Ладены мэдэгдэл тавигдах гэж байна. Усама Бен Ладен энэ удаа Израилийн тусгаар тогтнолын талаар байр сууриа илэрхийлнэ гэж Ройетр агентлаг уламжжилсан байна. Хамгийн сүүлчийн удаа Бен Ладен 2008 оны 3 сарын 20-нд мэдэгдэл хийсэн билээ. Түүний хамгийн сүүлчийн мэдэгдэл нь Иракт байгаа америкийн цэргийн албан хаагчдын эсрэг чиглэсэн байсан.

Лид6. Ардчилсан Намаас АНУ ын ерөнхийлөгчид нэр дэвшсэн Барак Обама ёс зүйгүй үг хэлснийхээ төлөө нэгэн сурвалжлагчаас уучлалт гуйсан байна.
Детройт хотын Крислер пүүсийн нэгэн автомашины үйлдвэрт зочилж байх үеэр орон нутгийн теле сувгийн сурвалжлагч эмэгтэй Пегги Агар “ та америкийн автомашины үйлдвэрийн ажилчдад яаж туслах гэж байна гэж чангаар асуухад нэр дэвшигч Барак Обама “ одоохон хонгор минь” гэсэн мөртөө асуултанд нь хариулаагүй гэнэ. Ийм ёс зүйгүй үг хэлсэн нь 2 дахь удаагаа болж байгаа бөгөөд үүнээс өмнө 4р сард Пенсельванид ажилчидтай уулзаж байхдаа бас нэг эмэгтэйд ингэж ханджээ. Дараа нь мичиганы сэтгүүлч эмэгтэйгийн утсаны авто хариулагч дээр нь үлдэж хоцорсон уучлалт гуйсан тухайг нь орон нутгийн телевизээр дамжуулсэн байна . “ Байсхийгээд л янз бүрийн хүмүүст ингэж хандаад байдаг нэг муу зуршилтай . Энийг хүндэлж байгаа гэж огт хэлэхгүй .хүмүүсийн шүүлжилж байгаа нь ч шударга хэрэг” гэж. Барак Обама хэлсэн гэнэ. Сэтгүүлч бүсгүй ерөнхийлөгчид нэр дэвшигч утасдахад үнэхээр гайхсан бөгөөд “ Намайг үүнээс ч илүү муухай үгээр хэлж байсан. Хэний төлөө саналаа өгөхөө мичиганчууд шийдэх хэрэгтэй. Бидний төлөө юу хийх гэж байгаа асуудалд Обама ганц секунд ч гэсэн зарцуулж чадна шүү гэж “ тус сэтгүүлч детройтийн сонинд бичсэн байна. Ерөнхийлөгчид нэр дэвшихийн төлөө өрсөлдөж байгаа шийдвэрлэх цаг үеэр Барак Обама Мичиганд иржээ. Түүний өрсөлдөгч Хиллари Клинтон өмнө нь Баруун Виржинид болсон урьдчилсан сонгуулийн сунгаагаар ялсан хэдий ч 8р сард хурлдах Ардчилсан намын их хурал дээр саналааа өгөх төлөөлөгчдийн тоогоор хоцорч яваа юм байна

ТОВЧ
АНУ ын Калифорни мужид ижил хүйстэнүүдийн гэрлэлтийг албан ёсоор хүлээн зөвшөөрчээ. Хүн бэлгийн чиг баримжаанаасаа үл хамаарч гэр бүлтэй бролох ёстой гэж Калифорни мужийн шүүх үзсэн байна. 2000 онд АНУ ын Калифорни мужид ижил хүйстэн хосуудын гэрлэлтийг хориглож байсан юм. Ийнхүү АНУ ын Массачусетс Калифорни мужид ижил хүйстэнүүдийн гэрлэлтийг зөвшөөрч байна.

Чили улсад залуучуудын хөжгмийн наадам болох еэр эмх замбаараагүй байдаг гарчээ. Баг өмссөн залуучууд ямар ч шалтгаангүйгээр замын хажуугийн шонг буолга татаж машины зам дээро түүдэг асааж эхэлсэн байна. Тухайн үед тэднийг зогсоох гэсэн цагдаа нар өөдөөс эсэргүүцэл үзүүлж чулуу лонх шидэж эхэлжээ. Цагдаа нар тэднийг тараахын тулд усан буу хэрэглэсэн байна. Цагдаа нар 20 хүнийг баривчилжээ.

Лид7. Нигер улсын Лагос хотоос холгүй газрын тос дамжуулах шугам хоолой дэлбэрсэний уршигаар 100 гаруй хүн амь насаа алдсан байна.
Нигерийн улаан загалмайн нийгэмлэгийн мэдээлснээр 20 гаруй хүнийг эмнэлэгт хэвтүүлжээ. Эдгээр хүмүүсиыйн ихэнхи нь гүн түлэгдэлтэй байгаа юм байна. Дэлбэрэлтийн дараа газрйн тос дамжуулалтыг бүрэн зогсоожээ. Нигерийн касгийн газар аврах алба, гал унтраагчдийг осол гарсан газар рцуу илгээсэн байна. Гэрчүүдийн хэлсэнээр газрын тос дамжуулах шугам хоолойн хажууд за засаж байсан хүнд даацын экскаватор шугам хоолойг гэмтээжээ. Африкийн орнуудаас Нигер улс гакрыйн тосны нөөц ихтэй. Нигщрт газрын тос дамжуулах шугам хоолой хагарч дэлбэрэх үзэгдэл тогтмол гардаг байна.

Лид8. АНУ ын тэрбумтан хөрөгө оруулагч Карл Айкан инетрнэтийн хамгийн олон хэрэглэгчтэй YAHOO компаний захиралуудын зөвлөлийг бүрэн бүрэлдэхүүнээр нь огцруулах оролдлого хийжээ.
Yahoo –ийн удирдлага Майкрософт компаний тавьсан саналыг хүлээн авахаас татгалзсаны дараа Карл Айкан энэ алхамыг хийжээ. YAHOO –ийн удирдах зөвлөлийн жил бүрийн хурал 7 сарын 3-нд болно. Энэ үеэр YAHOO ийн зкахиралуудын зөвлөлийг сонгох асуудал хөндөгдөх юм. Санал болгож байгаа удирдах зөвлөлийн гишүүний дотор Карл Айканы нэр байгаа. Тэр YAHOO ийн хувьцааг 2,5 тэрбум доллараар худалдан авахыг хүсэж байгаа юм.

Лид9. Ливанд үргэлжилсэн мөргөлдөөнд эцэс төгсгөл болж байна. Ливаны сөрөг хүчин Хезболла бүлэглэл, засгийн газартайгаа хэлэлцээр хийжээ.
Яриа хэлэлцээрийн үр дүнд Хизбалла бүлэглэл нисэх онгоцны буудал, тэнгисийн боомтын үйл ажиллагааг сэргээх боломж олгох болжээ. Түүнээс гадна Хизбалла бүлэглэл хяналтандаа аваад байсан гол замуудыг нээх болжээ. Ливаны засгийн газар, сөрөг хүчний Хизбалла бүлэглэлийн хооронд 5 сарын 6 нд мөргөлдөөн гарч эхэлсэн юм. Ливаны засгийн газар Хизбалла бүлэглэлийн мэдлитйн харилцаа холбоо, телевизийн сувгийг хяналтандаа авна гэж мэдэгдсэн нь энэ удаагийн мөргөлдөөний гол шалтгаан болсон юм.
5 сарын 6-аас хойш Ливанд болсон мөргөлдөөнд нийт 65 хүн амь насаа алдаж 200 гаруй хүн шархадсан байна.

Лид10. Утга зохиолын хамгийн нэр хүндтэй шагналын нэг болох Александр Солженицынын нэрэмжит шагналыг өнөөдөр Москвад 11 дэхь удаагаа гардуулсан байна . Энэ жилийн шагналыг донын зохиолч Борис Екимов хүртжээ.
“Оросын хөдөө нутгийн зэлүүд байдлыг болон жирийн даруу төлөв хүний хэзээ ч няцашгүй сайн сайхан чанаруудыг сэтгэл хөндүүрлэм хурцаар дүрсэлсэн зохиолд энэ удаагийнхаа шагналыг олгож байгаа гэж шүүгчид хэлсэн байна. Энэ шагналыг хүртсэн зохиолч Борис Екимов өдгөө 69 настай бөгөөд хэд хэдэн роман, 2ОО гаад тууж өгүүллэгийн эзэн юм гэж НТВ ээс мэдээлсэн байна. “ Энэ шагналыг хүртэхэд төрөл садны болон дарга цэргийн холбоо тус болсон байна. Солженицыны төрөл төрөгсдөд болон дэргэд нь хамт амьдардаг хүмүүст л энэ шагналыг олгодог юм байна гэж хэн ч зэмлэхгүй байх гэж би бодож байна. Нэрсийн жагсаалтанд утга зохиолыг зүгээр нэг дайраад өнгөрсөн хүмүүс нэг ч байхгүй . Ямар ч гэсэн бүгд авьяаслаг, мэргэжлийнх. Тэдний нэгэнд намайг хамааруулжээ “ гэж Борис Екимов ярьсан байна. Эх орны утга зохиолын уламжлалыг хамгаалан хөгжүүлэхэд хувь нэмрээ оруулсан зохиолчид олгодог Александр Солженицынын нэрэмжит энэ шагналыг “Архипелаг Гулаг” хэвлэлийн газраас бий болгосон бөгөөд 25 мянган доллар дагалддаг юм байна .

Лид11. Оросын Зенит, Шотландын Глазго Рйенжерс багийнхан английн Мэанчестер хотод тоглолт хийсэн билээ. Зенит багийнхан ялалт байгуулсаны дараа хожигдол хүлээсэн Глазго Рейнжерс багийн дэмжигчид эмх замбараагүй байдал өдүүлсэн байна.
Тэд дэлгүүр үйлчилгээний газрын цонхны шилийг хагалж танхайрчээ. Глазго Рейнжерсс багийн дэмжигчид Манчестер хотын цагдаа нартай сөргөлдөжээ. Энэ үеэр хэд хэдэн хүн хүнд бэртлээ. Цагздаас нар нийгмийн хэв журмыг зөрчсөн 42 хүнийг саатулсан байна. Манчестер хотынхон хөлбөмбөгийн тоглолтын дараа хэвийн амьдралын хэмнэлдээ орж байна. Өнөөдөр өглөөний 7 цагийн байдлаар Манчестер хотод такси захиалж, галт тэргээр хотоос гарч явах боломжгүй байжээ. Өглөөний 9 цаг хүртэл хот тэр аяараа хогонд дарагдсан байна. Хотын хэвийн амвдралын хэмнэл алдагдсан тул онцын шаардлагагүй бол орон гэрээсээ гарахгүй байх, машинаараа замын хөдөлгөөнд оролцохгүй байхыг орон нутгийн радио станцаар мэдээлж байжээ. Тоглолт болохоос өмнө Манчестер хотод байдал тогтвортой тайван байжээ. Манчестер хотын нэгэн гудамжинд байрлуулсан хөл бөмбөгийн тэмээнийг дамжуулж байсан дэлгэц ажиллахгүй болсны дараа гудамжинд эмх замбараагүй байдал гарч эхэлсэн байна.

Лид12. Бельги улсад манай дэлхийн хамгийн залуу нисэгч байна. Тэр бие дааж жижиг оврын нисдэг тэрэгээр аялаж байна.
11 настай Йенс де Влеминк гэдэг хүү нисэх онгоц жолоодохдоо мэргэжлийн нисэгчээс дутахааргүй болжээ. Онгоцны нарийн ьүвэнгтэй эд анги, тоног төхөөрөмжүүдийг бүгдийг нь ажиллуулж чаддаг байна. Залуудаа нисэгчээр ажиллаж бахйсан өвөө нь түүнд онгоц жолоодохыг зааж өгчээ. Тэр долоо хоногт хэд хэдэн удаа онгоцны жолооддог. Хүү өсөж том болоод том онгоцны нисэгч болно гэж мөрөөддөг байна.
Лид13. Японы эрдэмтэд мөсөн спортын салбарт нэгэн шинэ нээлт хийжээ.
Мөсөн гулгуурын талбайн найдвартай үйл ажиллагааг хангахын тулд байнгийн хөргүүрийн систем ажилуулах шаардлага гардаг. Тэгвэл энэ удаа Японы зохион бүтээгчид хөргүүрийн систем хэрэглэхгүйгээр байнга хэлбэрэ хадгалж чадах мөсөн гулгуурыг хийжээ. Хиймэл мөс нь жинхэнэсээ огт ялгагдахгүй. Японы мэргэжлийн тармирчид энэ шинэ мөсө талбай дээр гулгаж туршилт хийж байна. Мэргэжилтгнүүд зах зээл дээр энэ бүтээгдэхүүн эрэлт ихтэй байх болно гэж үзэж байна.

Энэ өдөр

1881 оны энэ өдөр дэлхийн түүхэнд анх удаа трамвай нийтийн тээврийн үйлчилгээнд гарчээ. Берлины дагуул Лихтерфельде хотод трамвай явж байжээ.
1948 оны энэ өдөр Израиль ЗХУ-ын хооронд дипломат харилцаа тогтоож байжээ.
1966 оны энэ өдөр Хятадад соёлын хувьсгал эхэлжээ.

1975 оны оны энэ өдөр Японы иргэн нко Табеи дэлхийн түүхэнд Эверестийн оргилд гарсан анхны эмэгтэй болжээ.

1985 оны энэ дөр ЗХУ-д архиний эсрэг бүх нийтийн хөдөлгөөн эхэлсэн байна.

Дэлхийн мэдээ 2008 05 15 Пүрэв гараг

Лид2. БНХАУ-ын Сычуань мужийн Вэньчуань гацаанд дахин хүчтэй газар хөдлөлт болжээ. Хятадын засгийн газрын мэдлийн Синьхуа агентлаг энэ тухай уламжилж байна.
Газар хөдлөлт орон нутгийн цагаар өглөөний 10 цагт болсон юм байна. Дахин газар хөдлөлт болох үеэр эхний газар хөдлөлтөөр нурсан байшин барилгийн хэлтэрхий, ан цав даамжирсан байна. Сычуаньд даваа гаригт анх газар хөдөлсөнөөс хойш 25 цагийн дотор 1000 гаруй удаа рихтерийн шаталбараар 5 аас 6- баллын хүчтэй газрын чичиргээ мэдрэгджээ. Даваа гаригт 7,8- баллын хүчтэй болсон газар хөдлөлтийн төв нь Сычуань мужийн засаг захиргааны төв Чэнду хотоос 90 км –ын алсад байх Чэнду хотод байсныг мэргэжилтнүүд тогтоосон байна. Хамгийн сүүлчийн мэдээгээр Сычуань мужид болсон газар хөдлөлтийн уршигаар 15 мянган хүн амь насаа алдаж 14 мянган хүн ор сураггүй алга болсонд тооцогдож байна. Байгалийн гамшиг болсон бүс нутгийн байшин барилгийн 88 хувь нь бүрэн нуржээ. Байшин барилгийн нурангид дарагдсан хүмүүсийг аврах, амь үрэгдсэн хүмүүсийн цогцосыг олох ажил одоо чя үргэлжилж байгаа юм. Газар хөдлөлтийн чичиргээ хятадын Ганьсу, Шэньси, Чунчин мужид, нийслэл Бээжин хотод, хятадтай хил залгаа Тайланд, Солонгос улс Тайваньд арал дээр мэдрэгдсэн юм. БНХАУ ын төрийн зөвлөлийн дарга ерөнхий сайд Вэнь Зяо Бао байгалийн гамшиг болсон өбүс нутагт ажиллаж байгаа юм. Тэрээр гамшигийн бүс рүү 90 нисдэг тэрэг, 30 мянган цэргийн албан хаагчдыг нэмж илгээх шийдвэр гаргасан байна. Ингэснээр Сычуань мужид нийтдээ 116 мянган цэргийн албан хаагч аврах ажиллагаанд дайчлагдах юм. Япон, Солонгос, Энэтхэг, ОХУ, Монгол улс байгалийн гашиг учирсан хятадад хүмүүнлэгийн тусламж үзүүлж байна. Өнөөдөр ОХУ ын Ил 76 онгоц хятадын Сычуань мужид хүмүүнлэгийн бараа хүргэж өгчээ. ОХУ хятад улсад дулаан хөнжил, майхан, ундны цэвэр ус тусламж болгон өгч байна.
Лид3. Холбооны Бүгд найрамдах Герман улсын гадаад хэргийн сайд Франк Валтер Штайнмайер ОХУ-д айлчлал хийжээ. Германы гадаад хэргийн сайд Москва хотод ОХУ ын ерөнхийлөгч Дмитрий Медеведетэй уулзаж хоёр орны харилцаа хамтын ажиллагааны талаар ярилцсан байна.
Дмитрий Медеведев төрийн тэргүүний албан тушаалд дэвшсэнээсээ хойш анх удаа гадаадын орны төрийн өндөр албан хаагчийг хүлээн авч уулзаж байгаа нь энэ юм. Европын холбооны орнуудаас Герман бол Оросын хамгийн гол түнш гэж ОХУ ын төрийн тэргүүн хэлжээ. Еьропын холбооны орнуудаас хамгийн трүүнд би Германд айлчал хийнэ гэж Дмитрий Медведев онцлон тэмдэглжээ. Сүүлийн жилүүдэд орос германы хооронд худалдаа эдийн засгийн харилцаа эрчимтэй хөгжиж байгаа юм. Зөвхөн өнгөрсөн онд Орос Германы хооронд хийсэн худалдааны бараа эргэлт 56 тэрбум долларт хүрсэн байна. Оросын ерөнхийлөгч Германы гадаад хэргийн сайдтай уулзахдаа Ираны цөмийн хөтөлбөр, Абхазын асуудлаар албыан ёсны байр сууриа илэрхийлжээ.

ТОВЧ
Холбооны Бүгд Найрамдах Герман улсын Канцлер Ангела Меркель латин америкий орнуудаар айлчлал хийж байна. Энэ айлчлалынхаа хүрээнд хатагтай Ангела Меркель Перу, Бразил, Колумб, Мексик улсад зочлох юм байна. Перу улсын нийслэл Лима хотод Европын холбоо-Латин америкийн орнуудын төрийн тэргүүн нарын дээд хэмжээний уулзалт болох гэж байгаа юм.

Буурал Европ тивийн хамгийн том галт уул сэргэж халуун хайлмаг цацаж эхэлсэн байна. Сицилийн Этна галт уул сэргэж халуун хайлмаг цацаж байгаа ч ойр орчмын оршин суугчдад нь ямар ч аужл учруулахгүй гэж мэргэжилтнүүд амлаж байна. Харин ч эсрэгээрээ байгалийн энэ үзэгдлийн үзэхээр жуулчид Сицилийг зорих болжээ.

Щвецарийн иргэн Ив Росси Альпийн нурууны нэгэн оргилоос өөрийн зохион бүтээсэн хөдөлгүүрний далавчтайгаар нислэг хийсэн байна. Тэр 6 минутын хугацаанд мянган метр замыг туулжээ. Хөдөлгүүрийнх нь түлш шатахуун дуусмагц тэр шүхэрээ дэлгэж газардсан байна. Тэр хөдөлгүүртэй далавчыг зохион бүтээхэд амьдралынхаа 2 жилийг зарцуулжээ.

Лалын Бүгд Найрамдах Иран улсад үйл ажиллагаа явуулдаг ОХУ ын консулын газарт дэлбэрэлт үйлдэхээр зэхэж байсан бүлэг хүмүүсийг баривчилсан байна. Эдгээр хүмүүс өнгөрсөгн 4-р сарын эхээр Ираны Шираз хотын төвд байдаг нэгэн сүмд халдлага хийж байснаа хүлээжээ. Тухайн үед 14 хүн амь насаа алдаж 200 гаруй хүн шархадсан юм. Ираны тусгай албаныхан ОХУ ын консулын газар, элчин сайдын яамны барилгын харуул хамгаалалтыг чангатгасан байна.

Лид4. Энэтхэгийн Жайпур хотын баруун дүүрэгт 7 удаа хүчтэй дэлбэрэлт болжээ. Энэтхэгийн цагдаагийн газрынханы мэдээлснээр тэсрэх бөмбөг цагийн механизмтай байжээ.
Алан хядах ажиллагааны үеэр 80 гаруй хүн амь насаа алдаж 200 гаруй хүн шархадсан байна. Дэлбэрэлт гудамж талбайд хүн их байдаг үдэш оройн цагаар болжээ. Энэтхэгийн цагдаа нар шуурхай ажиллаж дэлбэрэлтийг зохион байгуулсан хүмүүсийг илрүүлжээ. Цуврал дэлбэрэлтийг Харкат уль Жехад э Ислам гэдэг алан хядах байгуулага үйлдсэн гэж энэтхэгийн цагдаа нар үзэж байна. Энэ бүлэглэлийн хэд хэдэн гишүүдийг баривчилж мэдүүлэг авч эхэлсэн байна.

Лид5. АНУ ын ерөнхийлөгч Жорж Буш лхагва гаригийн орой Израиль улсад хүрэлцэн ирсэн байна. Израиль Палестины хооронд энхийн гэрээ хэлэлцээр байгуулахад нь дэмжлэг үзүүлэх нь Жорж Бушын айлчлалын гол зорилго юм.
Жорж Буш Израилийн нийслэлийн Бен Гуриона нисэх буудалд газарджээ. Түүнийг Израилийн төрийн тэргүүн Шимон Перес, ерөнхий сайд Эхуд Ольмерт, парламентын дарга Кнессета Далия Ицик нар биечлэн угтсан байна. Америкийн ерөнхийлөгч сүүлийн 4 сарын дотор хоёр дахь удаагаа Израильд айлчилж байгаа нь энэ юм. Төрийн эрх барьсан өмнөх 7 жилд Буш нэг ч удаа Израильд хөл тавьж байгаагүй. Энэ удаа Жорж Буш Израиль улсын тусгаар тогтнолын 60 жилийн ой болж байгаатай тохиолдуулан энд ирж байна. Жорж Буш Израилийн парламентад үг хэлэхдээ америк, израиль улс тусгаар тогтнолоо зарлахдаа ижил замыг туулсан. Манай хоёр орны төр засгийн баримталдаг зарчим ч адилхан. Бид эрх чөлөөт ардчилсан нийгэм байгуулахын төлөө тэмцэж байгаа. Бид алан хядагчидтай тэмцэхийн тулд хамтран холбоотон болох хэрэгтэй гэж онцлон тэмдэглэсэн байна. Жорж Бушыг Израильд ирсэн өдөр Газын зурваст байгаа палестины алан хядагч бүлэглэлийнхэн пуужингаар харважээ. Үүний улмаас 14 израилийн иргэн амь үрэгдсэн байна. Пуужин хотын худалдааны төв дээр унасан гэж орон нутгийн мэдээллийн хэрэгслүүд уламжилжээ.
Лид6. АНУ ын ерөнхийлөгчийн сонгуульд нэр дэвшиж байсан Жон Эдвардс Ардчилсан намаас нэр дэвшиж сунгаанд оролцож байгаа Барак Обамаг албан ёсоор дэмжиж байгаагаа илэрхийлжээ.
Жон Эдвардс 2008 оны 1-р сард ерөнхийлөгчийн сонгуулийн сунгаанаас нэрээ татаж авч байсан юм. Тэр сонгуулийн сунгаанаас гарсан ч хэнийг дэмжиж байгаагаа илэрхийлээгүй байсан юм. Жон Эдвардс Барак Обамаг дэмжиж байгаагаа илэрхийлснээр 19 санал Барак Обамад нэмэгдэж байна гэсэн үг юм. Барак Обамаг англи-саксончууд дэмжиж байгаа бол харин Хилари Клинтоныг элитүүд илүү дэмжиж байгаа юм. Жон Эдвардс нь Ардчилсан нам дотороо нөлөө ихтэй тул Барак Обамагийн байр суурь улам нэмэгдэх болно гэж ажиглагчид дүгнэж байна. Ардчилсан намаас АНУ ын төрийн тэргүүний сонгуульд хэн өрсөлдөх нь тодрох мөч ойртож байна.

Лид7. ОХУ ын ерөнхийлөгч Дмитрий Медведев жижиг болон дунд бизнесийг дэмжих зарлигт гарын үсэг зурсан байна.
Иргэд жижиг болон дунд бизнес эрхлэх, аж ахуйн нэгж байгуулах зөвшөөрөл авахын тулд шаардагдах баримт бичгийг цөөлөх болжээ. Оросын ерөнхийлөгч өөрийн зарлигтаа 2 сарын дотор Төрийн ДУМ-аар батлуулах хуулийн төсөл бэлтгэхийг засгийн газарт даалгажээ. Энэ хууль батлагдсанаар жижиг дунд бизнес эрхлэгчидэд үзүүлэх дарамтыг багасгах болно гэж үзэж байна. Бизнес эрхэлэгчид энэ хуулийн төслийг сайшааж байна.
Лид8. Их Британи Умард Ирландын Нэгдсэн Вант Улсын батлан хамгаалах яамныхан сансрын үл танигдах биетүүд, нисдэг тавагны тухай мэдээллийг олон нийтэд танилцуулсан байна.
Нисдэг таваг, сансрын үл танигдах биетүүдийн тухай мэдээллийг үүнээс өмнө нууцын зэрэглэлд багтааж байжээ. Одоо хүссэн хүн бүхэн Их Британий батлан хамгаалах яамны нууцад хамаарч байсан 1978 аас 1987 оны хооронд хамаарагдах 8 боть бичиг баримт, гэрэл зураг, дүрс бичлэгийг интернээс үзэж танилцах боломжтой. Олон нийтэд ил болгож байгаа бичиг баримтуудыг Их Британий Үндэсний Архивийн газрын сайтаас нэг сарын турш үнэ төлбөргүй татан авч үзэж болно. Эдгээр бичиг баримтуудын ихэнхи нь тэнгэрт ажиглагдсан нисдэг биетийг дүрслэн бичсэн илтгэл, гэрэл зураг байгаа юм байна. Нисдэг таваг, харь гаригийнханыг харсан гэх жирийн иргэдийн мэдүүлэгч бас байгаа юм байна. Нууцын зэрэглэлд байсан эдгээр бичиг баримтыг тухайн үеийн Английн ерөнхий сайд Маргарет Тэтчер, тагнуулынхан гээд зөвхөн хязгаарлагдмал хүрээний хүмүүс мэддэг байжээ. Бүр хүүхэд ахуй үеэсээ л харь гаригийнхантай холбоо тогтоосон гэх нэг хүний захиа ч бас одоо олон нийтэд ил тод болж байна. Иргэн бүр хүссэн мэдээллээ олж авах эрхтэй гэсэн хуулийн заалтын дагуу өмнө нь нууцын зэрэглэлтэй байсан материалыг бид ил болгож байна гэж Их Британий батлан хамгаалах яамныхан мэдээлсэн байна.

Лид9.Сансар судлаачид манай галлактикийн хамгийн залуу сансрын биетийг илрүүлсэн байна.
Эрдэмтэд энэ сансрын биетийг G1.9+0.3 гэж нэрлэжээ. Энэ сансрын биет одоогоос 140 жилийн өмнө сансар огторгуйд болсон хүчтэй дэлбэрэлтийн үеэр үүсжээ. Үүнээс өмнө манай галлактикийн хамгийн залуу сансрын биетээр одоогоос 330 жилийн өмнө бий болсон Кассиопей А гэдэг биетийг тооцож байсан юм. Шинээр илрүүлсэн сансрын биетийн эргэн тойронд асар их хэмжээний тоосонцор, хий, байгаа юм байна. Иймээс энэ биетийн ялгаруулж байгаа гэрлийн цацрагийн хэмжээ нь олон сая дахин бага байгаа юм байна. Одоо сүүн замд байгаа энэ биет хэдэн сая жилийн дараа гариг болох юм байна. Эрдэмтэд G1.9+0.3- ийг анх 1985 онд ажиглажээ. Сүүлийн 22 жилийн ажиглалтын үр дүнд энэ сансарын эрхэс анх байсан хэмжээнээсээ 16 хувиар өсжээ.

Лид10. Францын Канн хотод 61 дэхь удаагийн кино наадам нээлтээ хийсэн байна.
Кино наадмын нээлтэд Денис Хоппер, Кейт Бланшет, Жилиан Андерсон, Дэнни Гловер, Гаэль Гарсия Берналь нар гээд олны танил алдартай жүжигчид хүрэлцэн иржээ. 1969 онд алдар хүндийн оргилд гарч байсан дуучин Ричи Хэйвенса “Эрх чөлөө” дуугаа өргөн барьсан нь хүрэлцэн ирсэн зочидын хувьд гэнэтийн бэлэг болжээ. Инээдмийн жүжигчин Жек Блэк хулсны баавгайны багт хувцас өмссөн 40 гаруй хүний хамт кино нээлтэд хүрэлцэн ирж “Кунгфучин хулсны баавгай” хүүхэлдэйн кино сурталчилсан байна. Энэ жил Канны кино наадам америкийн жүжигчин Жуллиана Мурын гол дүрд нь тоглосон “Сохрол” киногоор эхэлж байгаа юм. Энэ киног бразилийн найруулагч Фернандо Мейреллес португалийн зохиолч Жозе Сарамагаогийн зохиолоос сэдэвлэн бүтээжээ. Кинонд америк, мексикийн жүжигчид тоглосон бөгөөд Япон улс санхүүжүүлжээ. Кино наадамд найруулагч Стивен Спилбергийн бүтээсэн Индиана Жонсийн шинэ адал явдал гэдэг кино оролцож байна. Каннын кино наадамп найруулагч Клинт Иствуд, Роберт де Ниро нар бүтээлээ авч иржээ. Поп од дуучин Маддона ч кино урлагт хүчээ сорьж байгаа. Маддона өөрийн хийсэн киногоо ч бас үзэгчдэд өргөн барьж байна. Стивен Спилбергийн бүтээсэн Кубын хувьсгалч Че Гаварын тухай 4 цаг 50 минут үргэлжилсэн кино бүтээжээ. Энэ кино Канны кино наадамд тэргүүн байр эзлэх магадлал өндөр байна гэж урлаг судлаачид үзэж байна. Каннын кино наадамд нийтдээ 22 кино оролцож байна.
Лид11. ОХУ ын нийслэл Москва хотод “Арт Москва” нэртэй уран зургийн үзэсгэлэн яармаг нээгдсэн байна. Энэ үзэсгэлэнд дэлхийн 12 орны уран бүтээлчийн 45 бүтээл оролцож байна.
Энэ жилийн дүрслэх урлагийн яармагт оролцох бүтээлүүдэд маш хатуу шалгуур тавьжээ. Одоогоос хэдэн жилийн өмнө Арт Москва яармагт 10 мняган доллартэй ирээд нэлээн хэдэн цуглуулагатай болоод буцах боломж байжээ. Харин одоо 10 мянган доллараар ганц ч зураг худалдан авах боломжгүй болсон байна. Учир нь сүүлийн үед дүрслэх урлагийн бүтээлийг үнэлэх үнэлэмж өөрчлөгджээ. Арт Москва яармагийг зохион байгуулагчид нь сэтгүүлчдэд хандан урлагийн бүтээлийг зарж байгаа үнийг нь бус харин чанар, ур хийцийн гайхамшигийн талаар олон нийтэд мэдээлэхийг уриалж байна. Арт Москва яармагаас дэлхийн дүрслэх урлагийн хөгжлийн өнөөгийн түвшинг харж болно гэж урлаг судлаачид хэлж байна.

Энэ өдөр
Өнөөдөр дэлхийн гэр бүлийн өдөр. 1994 оноос эхлэн жил бүрийн 5 сарын 15-нийг, дэлхийгн гэр бүлийн өдөр болгон тэмдэглэх тогтоол гаргаж байжээ.

1928 оны энэ өдөр Микки Маус хүүхэлдэйн кино дэлгэцээр анх удаа гарч байжээ.

1935 оны энэ өдөр Москва хотйын метроны анхны шугам ашиглалтад орсон байна. ЗХУ-ын төр засгийн удирдагууд 1922 онд метро барих шийдвэр гаргажээ.

Дэлхийн мэдээ 2008 05 14 Лхагва гараг

ЛИД: Хятадын Сычуань мужид болсон 2 дахь удаагийн газар хөдлөлтийн улмаас нас барсан хүний тоо 12 мянгад хүрээд байна . Одоо энэ байгалийн гамшигт нэрвэгдсэн хүмүүсийг эрж олох , авран хамгаалах ажилд хятадын 2О мянган цэргийн албан хаагчид шамдан ороод байгаа юм байна .

Хятадын Сычуань мужид сүүлийн хоногт болсон 2 дахь удаагийн Рихтерийн шаталбараар 6 баллын газар хөдлөлтийн улмаас 12 мянган хүн амь насаа алдааж, 3О мянга орчим хүн шархдаж гэмтэж, 94 мянган хүн нурангин дор байна гэж албан ёсоор мэдээлээд байна . Байшалийн гамшиг тохиолдсон энэ бүс нутагт гадаадын жуулчид байсан бөгөөд одоогоор 19 британи хүн ор сураггүй алга болсон гэж бүртгэгдээд байгаа юм байна . Хятадын эрх баригчид төмөр баруун өмнөд мужуудын төмөр замын харилцааг тодорхой бус хугацаагаар зогсоожээ. Үндэсний газар хөдлөлтйиг судлах төв байгалийн энэ гамшиг дахин шинэ цохилт өгч магадгүй гэж урьдчилан сануулсан байна . Сычуань мужийн гол хот Чэндуд газар дорх хүчтэй түлхэлтээс болж нисэх онгоцны буудал нь бараг хөдлөөд явж байсан гэнэ. Нисэх буудлын журам сахиулагчид нүүлгэн шилжүүлэх тухай зарлаж амжаагүй байхад айж тэвдсэн олон зуун зорчигчид нүд ирмэхийн зуур терминалыг орхиж оджээ. Сургуулиудын хичээл орж байсан өдрийн цагаар газар хөдөлсөн учир нурангид дарагдсан хүмүүсийн ихэнх нь хүүхдүүд байгаа гэнэ. 7 давхар сургуулийн барилга эвдрэн нурж шууд овоо болон хувирчээ. БНХАУ ын төрийн Зөвлөлийн тэргүүлэгч Вэнь Цзябао “ энэ хүмүүсийг ямар ч үнэ цэнээр хамаагүй аврах нь гол зорилт . Цаг хугацаа одоо хүмүүсийн хувьд амь нас нь болж байна “ гэж хэлжээ. Хүмүүсийг эрж олох, авран хамгаалахаар хятадын 2О мянган цэргийн албан хаагчид ажиллаж байгаа юм байна.


ЛИД 2: ОХУ ын ерөнхийлөгч Дмитрий Медведев багаа бүрдүүлж эхлээд байна . Хөгжлийн бэрхшээлтэй хүмүүст дэмжлэг үзүүлэх явдал шинээр томилогдсон ерөнхийлөгчийн ажлын эхлэл боллоо.

ОХУ ын ерөнхийлөгчийнхөө үүрэгт ажилд шилжин орсон өдрийнхөө орой Дмитрий Медведев төрийн тэргүүний туслах болон зөвлөхүүдээ өөрийн тогтоолоор томилсон байна . Энэ тогтоолоор төрийн тэргүүний зөвлөхөөр Александр Абрамов, Лариса Брычева, Аркадий Дворкович, Джахан Поллыева, Сергей Приходько, Константин Чуйченко нар томилогджээ.
ОХУ ын ерөнхийлөгч Медведев хөгжлийн бэрхшээлтэй хүмүүст нийгмийн нэмэлт халамж дэмжлэг үзүүлэх тухай тогтоолд гарын үсэг зурсан нь шинэ ерөнхийлөгчийн ажлын эхлэлүүдийн нэг болсон байна .“ Хөгжлийн бэрхшээлтэй хүмүүст хандах хандлагаа оросын нийгэм үндсээр нь өөрчлөх ёстой. Энэ хүмүүсийг халамжлах явдал манай төрийн нэг давуу тал болно. “ гэж хөгжлийн бэрхшээлтэй хүмүүсийг дэмжих зөвлөгөөн дээр ОХУ ын ерөнхийлөгч Медвевев үг хэлэхдээ мэдэгдээд “ мөнгөн тусламж, хөнгөлөлт үзүүлснээр хязгаарлаж болохгүй. Гол нь тэдэнд бүрэн дүүрэн амьдрах таатай нөхцөл бололцоог бүрдүүлж өгөх хэрэгтэй байна гэсэн байна. Хөгжлийн бэрхшээлтэй хүмүүст дэмжлэг үзүүлэх тухай удахгүй болох засгийн газрын хуралдаанаараа үргэлжлүүлэх авч хэлэлцэхээр болжээ.

ЛИД3: Украйны ерөнхийлөгч Виктор Ющенког парламантад үг хэлэхийг тасалдуулжээ. Гэвч энэ парламент , энэ эвслийг сонгогчдынхоо өмнө хариуцлага хүлээх бүх ажлыг би хийнэ гэж тэрээр хэлсэн байна .

Дээд Радад элсэн орох боломж Украйны ерөнхийлөгчид олгосонгүй. Өнөөдөр Украйнд ээлжит шуугиан дэгдээд байна . Учир нь Украйны ерөнхийлөгч Виктор Ющенкогийн эсрэг хүчнийхэн биш харин Юлия Тимощенкогийн улбар шар эвслийн хамтран зүтгэгчид Виктор Ющенког парламентын индэрт гарахыг зөвшөөрсөнгүй. Тэд Виктор Ющенког хуралдааны танхимд үг хэлж байхад нь тасалдуулж үүдний танхимаас ард түмэнд ханд гэж албаджээ. Ерөнхийлөгч Виктор Ющенког бараг хагас жил парламентынхан хүлээсний эцэст арай гэж нэг юм Дээд Радад иржээ. Нарийн бичгийн дарга Арсений Яценюк парламентын хуралдааныг нилээд хэл амтай депутатуудын ордог хаалгаар орж микрофонгүй үг хэлж нээсэн байна. Учир нь үргэлж ордог хаалгыг нь хамтран зүтгэгчид нь цоожилчихсон байсан гэнэ. Виктор Ющенко хамгаалалт бүхий чуулганы танхимд орж чадалгүй үүдний танхимаас парламентад биш шууд ард түмэнд хандаж үг хэлсний нь тус улсын төвийг бүх телевизийн сувгаар дамжуулжээ. Дээд Радаг тараах эсвэл засгийн газрыг огцрох байх гэж олон хүн хүлэж байсан байна. Сүүлийн үед ерөнхийлөгч , ерөнхий сайд хоёрын харилцаа эрс муудаж байгаа бөгөөд улс төрийн бүх фронтоор өрсөлдөж байгаа гэнэ. Гэхдээ Виктор Ющенко бүгдэд нь урьдчилан сануулж хэлэхдээ “ эвслийг өөрчлөн шинэчлэх ямар ч адал явдал тохиолдохгүй, парламентын урьдчилсан сонгууль явуулах ямар ч оролдлогыг би огт хүлээж авахгүй . Энэ парламент, энэ эвсэл сонгогчдынхоо өмнө хариуцлага хүлээх бүх ажлыг би хийнэ “ гэсэн байна. Үүний гол шалтгаан нь парламентаар дамжуулж ерөнхийлөгчийн саналыг харгалзалгүйгээр ерөнхий сайдыг томилж байх тухай үндсэн хуульд өөрчлөлт оруулах гэсэн Юлия Тимошенкогийн эсвслийн хүсэлт болсон юм байна .

ЛИД4: Баруун Виржини мужид болсон ерөнхийлөгчийн урьдчилсан сонгуулиар Хиллари Клинтоныг ялсан байна . Энэ мужийн дундаж оршин суугч Хиллари Клинтоны хувьд боломжийн сонгогчид болж байгаа гэнэ.

АНУ ын ерөнхийлөгчийн албан тушаалд өрсөлдөж байгаа нэр дэвшигчдийн анхан шатны сонгуулийн явцаас харахад Ардчилсан Намаас нэр дэвшигч , сенатч Хиллари Клинтон нилээд тасархай тэргүүлж яваа юм байна . Баруун Виржини мужийн урьдчилсан сонгуулийн өмнө явуулсан нийгмийн санал асуулгаар Хиллари Клинтон Барак Обамагаас илүү нэр хүндтэй гэж гарсан байна. Энэ мужийн дундаж оршин суугч нь хангамж сайнгүй , дээд боловсролгүй цагаан арьсан байгаа нь Хиллари Клинтоны хувьд боломжийн сонгогчид болж байгаа гэнэ. Яг ийм үзүүлэлт бүхий мужуудад Клинтон нилээд нэр хүнд олжээ.
11-р сарын ерөнхийлөгчийн сонгуулийн өмнө ардчилагчид болон бүгд найрамдахчуудын хооронд санал хураалтын төлөөх ширүүн тэмцэл өрнөх тийм газруудад АНУ ын тэргүүн хатагтай агсан илүү нэр хүндтэй байгаа юм байна . Гэлээ ч гэсэн Баруун Виржинил үзүүлсэн амжилт сонгуулийн явцад бүхэлд нь нөлөөлөхөд Клинтонд тус болж чадахгүй гэж ажиглагчид үзэж байна Яагаад гэвэл тус мужийн хүн ам 2 саяас хэтэрсэнгүй. Гэвч Барак Обама ялсан мужинйхаа тоогоор болон түүний төлөө санал өгөхөөр амалсан намын нэр нөлөөтэй гишүүд буюу супер төлөөлөгчдийнхөө тоогоор тэргүүлж явна. Хэн хэндээ зай тавьж өгөхийг хүсэхгүй байгаа энэ хоёрын өрсөлдөөн харин ч Бүгд Найрамдах Намаас нэр дэвшигч Жон Маккейны байр суурийг бэхжүүлэхэд нөлөөлнө гэж ажиглагчид үзэж байгаа юм байна .

ЛИД5: Хитроугийн нисэх онгоцны буудлын 5р терминалыг хариуцсан дарга Марк Буллок ажлаасаа халагджээ. Энэ хүн Британийн агаарын харилцааг хөгжүүлэх үйлсэд чамгүй хувь нэмэр оруулсан бөгөөд нилээд эгзэгтэй цаг үед Хитроу нисэх буудлыг удирдаж байжээ.

Марк Буллок Хитроугийн нисэх буудлын 5р терминалыг 3р сарын эцсээр нээж ашиглалтанд оруулах ажлыг хариуцаж байжээ. Даанч энэхүү шинэ терминалаас болж олон зуун нислэг хйошлогдон, хэдэн мянган хүний тээш алга болсон юм . Компанийн менежментийн зогсолтоос болж Буллок албан тушаалаа ориж байгаа тухай британийн агаарын компаниас мэдээлсэн байна . 5р терминалын нээхийг зохион байгуулсан явдлыг Нийгэмлэгүүдийн танхимын тээврийн асуудал хариуцсан хороо өнгөрсөн 7 хоног онцгойлон авч хэлэлцсэн байна . Зорчигчийн шинэ терминал хэний бүрэн мэдэлд байсныг Британийн агаарын харилцааны Холбоо болон Бритиш Айрвайз компаниас тайлбар хийхийг парламентын гишүүд шаардсан байна. Британийн Агаарын харилцааны холбооны ерөнхий захирал Колин Мэтьюс үүний хариуд “ засвар хийгээгүй өргүүр шат болон тээш ангилалтын туршигдаагүй тогтолцоо гэх мэтийн асуудлын талаар урьд нь мэдэгдээгүй” гэж хэлжээ. Хитроугийн 5р терминалыг барьж байгуулахад 4,3 тэрбум фунт стерлинг зарцуулжээ. Өнгөрсөн 4р сард Бритиш Айрвайз компани шуурхай үйл ажиллагааны хэлтсийн эрхлэгч Гарет Кирквуд , үйлчлүүлэгчдийн албаны захирал Дэвид Нойс гээд хоёр ч сайн менежрээсээ хагацаад байгаа гэнэ. Ажлаасаа халагдаж байгаа Марк Буллокийн оронд Лондоны метроны дарга Майк Браун томилогдож байгаа бөгөөд тэрээр шинэ ажлаа 9р сараас эхлэх юм байна .

ЛИД 6: Өчигдөр улсын нөөцөд нийлүүлэх нефтийг түр хугацаагаар зогсоох асуудлын төлөө АНУ ын конгрессийн дээд танхим саналаа өгсөн байна гэж Ассошейтэд Пресс агентлаг мэдээлсэн байна .

Нэг баррель нь 12О долларын үнэтэй байгаа түвшинд халдашгүй нөөцийг нэмэгдүүлэх нь утга учиргүй зүйл гэдэг дээр ардчилагчид болон бүгд найрамдахчууд санал зөрөлдсөн байна . Хэрвээ энэ нефтийг худалдаанд оруулах юм бол үнийн өсөлтйиг барьж болох юм гэж хууль тогтоогчид үзэж байгаа гэнэ. “ Бид түүхэнд байгаагүй өндөр үнээр нефть худалдан авч хадгалж байна. Эрчим хүч тээгчдийн өндөр үнийн түүдэг галд америкийн хэрэглэгчид шатаж байхад тэр гал руу нь засгийн газар түлээ шидэх хэрэггүй юм “ гэж Хойд Дакота мужийн ардчилагч сенат Байрон Дорган мэдэгдсэн байна . Энэ хоригийг хүчинтэй болгохын тулд зөвхөн танхимын төлөөлөгчдийн дэмжлэг төдийгүй ерөнхийлөгч Жорж Бушийн гарын үсэг хэрэгтэй гэнэ. Нефтийн халдашгүй нөөцийг нийлүүлэлтийн хүнд хэцүү, урьдчилан таамаглашгүй тохиолдлоос хамгаалах зорилгоор 197О онд байгуулжээ.

ЛИД 7: АНУ ын ерөнхийлөгч Жорж Буш Израильд айлал хийхийн өмнө Израилын ерөнхий сайд Эхуд Ольмерт мэдэгдэл хийсэн байна .
Израилын ерөнхий сайд Эхуд Ольмерт Палестины өөртөө засах орны тэргүүн Махмуд Аббастай хийсэн гэрээ хэлэлцээрийн явцад дорвитой ахиц гарсан тухай мэдэгдсэн байна . Гол чухал хэд хэдэн асуудлаар харилцан ойлголцож тохиролцсон гэх боловч дорвитой асуудлаар ямар нэг шийдвэрт хүрч чадаагүй гэж палестины эх сурвалжуудад няцаажээ. Энэхүү гэрээ хэлэлцээрийн эхлэлийг америкийн Аннаполист болсон бага хурал дээр Аббас Ольмерт хоёр тавьж байсан байна . АНУ ын ерөнхийлөгч Иераиль улс байгуулагдсаны 6О жилийн ойн ёслолын ажиллагаанд оролцож энхийн гэрээ хэлэлцээрээ улам идэвхжүүлэхийг орлдож байгаа юм байна .


ЛИД8: Хэрвээ алс холын гариг ертөнц дээр амьдрал байгаа бол тэр хүмүүсийг нүгэл хилэнцээс ангижирсан байхаар бурхан бүтээсэн байх ёстой гэж Ватиканы одон орон судлалын төвийн захирал бөгөөд Ромын католик шашны гол сансар судлаач Габриэль Фюнес үздэг гэнэ.
Ромын католик шашны гол сансар судлаач Габриэль Фюнес бусад гариг ертөнц дээр амьдрал байж болох боломжийг үгүйсгэхгүй байгаа тухайгаа мэдээлсэн байна. Ватиканы нэгэн сонинд нийтлүүлсэн “ Харь гаригийн хүмүүс бол миний ах дүүс” гарчигтай өгүүлэлдээ Фюнес сансар огторгуйд бурханы бүтээсэн оюун ухаантай өөр хүмүүс аж төрж байж болох тухай бичсэн байна . Фюнес Ватиканы Одон орны судлалын төвийг удирдаж , янз бүрийн орны их сургуультай хамтран ажилладаг бөгөөд олон улсад хүлээн зөвшөөрөгдсөн мэргэжилтэн юм байна . Харь гариг дээр амьдрал байгаа үгүйг эрж хайх явдал түүний хэлснээр бурхан шүтэх явдалд харшлахгүй гэнэ. Хэрвээ харь гаригийн хүн гэж байдаг бол тэдний зарим нь бүдүүлэг нүгэл хилэнцээс ангижирсан байх ёстой гэж Фюнес үздэг юм байна.

ЛИД9: Иракт амь үрэгдсэн дайчдын ээжүүдийн сэтгэл санааг гутааж доромжлохгүй гэсэндээ АНУ ын ерөнхийлөгч Жорж Буш гольф тоглохоос татгалзсан тухайгаа мэдэгдсэн байна .
2ОО3 оны 8р сард Багдад оршдог НҮБ ын төв байрыг бөмбөгдсөн явдал Бушийг гоьф тоглохоос татгалзахад хүргэжээ. Иракт суугаа НҮБ ын нэгэн удирдах ажилтан амь үрэгдсэн энэ бөмбөгдөлтийн тухай мэдээг Буш гольфийн талбай дээр дуулсан гэнэ. Иракаас цэрэг дайчдыг татан гаргана гэж сонгуулийн өмнөх хөтөлбөртөө дэвшүүлсэн явдал АНУ г алан хядагчдын шинэ заналхийлэлд оруулж, ойрх Дорнод дахь АНУ ын чиг баримтлалыг сулруулж , ингэснээрээ хэт даврагчдыг өөгшүүлж байгаа юм биш биз гэж АНУ ын ерөнхийлөгчид Ардчилсан намаас нэр дэвшсэн Хиллари Клинтон, Барак Обама нар сануулан хэлсэн байна . Иракт үй олноор устгах байгаа гэж таныг төөрөгдөлд оруулснаас үүдээд Иракт дайн дэгдсэн гэж үзэж байна уу гэсэн асуултанд “ Би тэгж бодохгүй байна . Дэлхийн бүх тандан туршаачид тийм байж магадгүй гэж таамаглаж байсан . Гэхдээ манай тагнуулынхан тийм амжилтгүй ажилласанд миний урам хугарсан “ гэж Буш хариулсан байна .

Дэлхийн мэдээ 2008-05-13 Мягмар гараг

Лид1. БНХАУ-ын Сычуань мужид сүүлийн 30 жилд болоогүй хүчтэй газар хөдлөлт болжээ. Рихтерийн шатлалбараар 7,6 баллын хүчтэй газар хөдлөлт өчигдөр орон нутгийн цагаар 14 цаг 28 минутад болсон байна. Хятадын аврах албаныханы мэдээлснээр байгалийн гамшигийн улмаас10 мянган хүн амь үрэгджээ. Гэхдээ цаг тутам учирсан хохиролын хэмжээ нэмэгдэж байна гэж албаны хүмүүс мэдээлж байна.
Газар хөдлөлтийн чичиргээ нь Сычуань мужаас 1500 км-ын алсад байх Бээжин Шанхай хотод, хөрш зэргэлдээ Тайланд, Тайвань, Солонгост мэдрэгдсэн байна. Байгалийн гамшиг болсон тухай мэдээлэл авсан даруйдаа хятадын төр засаг шуурхай арга хэмжээ авчээ. Өчигдөр орой хятадын ерөнхий сайд Вэнь Зя Бао байгалийн гамшиг болсон Сычуань мужид ирсэн байна. Дашрамд дурьдахад Вэнь Зя Бао нь геологич мэргэжилтэй юм байна. БНХАУ-ын ерөнхийлөгч Ху Жин Тао ард түмэндээ хандан байгалийн гамшигт нэрвэгдсэн мужийн ард иргэдэд сайн дурын үндсэн дээр тусламж үзүүлэхийг уриалжээ. Хятадын аврах албаныхан бүхэл шөнийн турш байшин барилгийн нуранги дороос амь үрэгдсэн хүмүүсийн цогцосыг гарган авсан байна. Газар хөдлөлтөд Мычуань мужийн засаг захиргааны төв Чэнду хотоос 92 км ын зайтай орших Вэньчуань хот хамгийн ихээр хэлмэгджээ. Уулархаг бү нутагт байдаг энэ хотод 100 мянган хүн оршин суудаг байна. Өнгөрсөн шөнө бороо орсон тул аврах албаныхан нисдэг тэргээр гашмгийн бүс рүү очих бололцоогүй байгаа юм байна. Байшин барилгийэн нуранги дороос амь үрэгдсэн хүмүүсийн цогцосйг гаргаж авах ажилд хяталдын ардын чөлөөлөх армийн 50 мянган цэргийн албан хаагч дайчлагджээ. Газар хөдлөлтийн төв байсан Вэньчуань хотын байшин барилгийн 80 хувь нь газрын хөрснөөс арчигджээ. Тус хотын нэгэн сургуулийн 900 гаруй сурагч сургуулийнхаа барилгийн нурангид дарагдсан тухай Синьхуа агентлаг мэдээлсэн юм. Сурагчдийн хувь заяа хэрхсэн тухай мэдээлэл одоогоор алга байна. Үүнээс өмнө 1976 онд хамгийн хятадын Тян Шаньд газар хөдлөлт болж 240 мянган хүн амь насаа алдаж байсан юм.

Лид2. ОХУ ын шинэ засгийн газар эмхлэн байгуулагджээ.
ОХУ ын ерөнхийлөгч Дмитрий Медведев гүйцэтгэх засаглалын бүтэц бүрэлдэхүүнийг баталсан байна. Засгийн газрын бүтэц бүрэлдэхүүнийг ерөнхий сайд Владимир Путин төрийн тэргүүндээ өчигдөр танилцуулсан юм. Путины боловсруулсан бичиг баримтад Дмитрий Медведев гарын үсэг зурж, засгийн газрыг байгуулах тухай зарлиг гаргажээ.
Владмир Путины тэргүүлсэн засгийн газарт шадар сайдын орон тоог нэмсэн байна. Ерөнхий сайдын нэгдүгээр орлогчоор Виктор Зубков, шадар сайдаар Игорь Шувалов, Александр Жуков, Сергей Иванов, Алексей Кудрин, Игорь Сечин, Сергей Собянин нар томилогджээ. ОХУ ын шинэ засгийн газрын гишүүдийн ихэнхи нь Санкт-Петербург хотынхон байгааг хэвлэлийнхэн онцолж байна. ОХУ ын гадаад хэргийн сайд Сергей Лавров, батлан хамгаалахын сайд Анатолий Сердюков, дотоод хэргйин сайд Рашид Нургалиев, онц байдлын сайд Сергей Шойгу нар албан тушаалдаа улиран сонгогджээ. Владимир Путин аялал жуулчлал, спортын яамыг шинээр байгуулжээ. Энэ яам спорт, аялал жулчлал, залуучуудын асуудлыг эрхлэх юм байна. Энэ яамны сайдаар оросын хөлбөмбөгийн холбооны тэргүүн Виталии Мутко томилогдожээ. ОХУ ын холбооны аюулгүй байдлыг газрыг Сергей Нарышкин тэргүүлэх болжээ.

Лид3. Наргис хар салхи дайран өнгөрсөны дараа Бирмийн тал АНУ-аас хүмүүнлэгийн тусламж авахаас татгалзаж байсан юм. АНУ ын засаг захиргаа Бирмийн эрх баригчидтэй удаан үргэлжилсэн хэлэлцээр хийсний эцэст тусламжийн бараа ачсан онгоцоо илгээжээ.
АНУ ын хүмүүнлэгийн бараа ачсан нисэх онгоц Бирмийн нийслэл Янгон хотын нисэх онгоцны буудалд өнөөдөр өглөө газардсан байна. АНУ өөрийн тусламжын бараагаа Тайландаас татжээ. АНУ ундны цэвэр ус, эм тариа, дулаан хөнжил гээд нийт 30 тонн барааг Бирмийн талд шилжүүлэн өгчээ. АНУ, Бирмийн харилцаа сүүлийн 40 гаруй жил хүйтэн хөндий байгаа юм. Бирмд хүний эрх зөрчигддөг гэж АНУ үргэлж шүүмжилдэг. Байгалийн гамшигийн дараа 33 мянган хүн ор сураггүй алга болсонд тооцогдож байна. Бирмийн тал гадаадын орнуудаас хүмүүнлэгийн тусламж авч байгаа ч тараах ажлыг Бирмийн тал хариуцаж байгаа юм.

Лид4. Абхазын батлан хамгаалах яамныхан Гүржийн тангуулын нисэгчгүй онгоцны хэлтэрхийг хэвлэлийнхэнд үзүүллээ.
Сүүлийн үед Гүржийн тагнуулын нисэгчгүй онгоц Абхазын бүс нутагт нислэг хийж байгаа билээ. Одоогоор дэлхийн аль ч улс орноор тусгаар тогтнолоо хүлээн зөвшөөрүүлээгүй байгаа Абхазын тал Гүржийн тагнуулын онгоцыг буудан унагааж байна. Энэ удаа Абхазын батлан хамгаалах яамныхан Гүржийн тагнуулын нисэгчгүй онгоцны хэлтэрхийг хэвлэлийнхэнд үзүүлсэн байна. Энэ нь Абхазын талын сөнөөсөн 7 дахь онгоц болж байна. Онгоцны серийн дугаар, хөдөлгүүрийн таних тэмдэг нь Гүржийнх мөн гэдэгийг нь нотлож байгаа юм. Үүнээс өмнө Гүрж улс Абхазын нутаг дэвсгэр дээгүүр тануулын нисэгчгүй онгоц нисгэдэггүй гэж мэдэгдэж байсан билээ.

Лид5. Гүржийн төрийн тэргүүн Михаил Саакашвили Европын холбоонд хандаж Абхазын бү нутагт явуулж байгаа Оросын бодлогийг хэлэлцэхийг хүссэн байна.
Латви, Литви, Словени, Швед, Польшийн гадаад хэргийн сайд нартай уулзахдаа Михаил Саакашвили энэ тухай мэдэгджээ. ОХУ ын явуулж байгаа бодлого нь Гүржийн газар нутгийэ аюулүй байдалд заналхийлж байна. Оросын цэргийн онгоц манай улсын агаарын орон зайг зөрчиж байна гэж Михаил Саакашвили мэдэгджээ. Уулзалтын үеэр Гүржийн төрийн тэргүүн Сочид болох өвлийхн олимпийн наадмын танилцуулагыг тараажээ. Энэ танилцуулагад Абхазын тухай мэдээлэл орсон байгаад Гүржийн төрийн тэргүүн эгдүүцэж байгаагаа илэрхийлжээ. Европын холбооны орнууд одоогоор Гүрж Оросын хооронд үүсээд байгаа зөрчилийн талаар ямар тайлбар хийгээгүй байна.

ТОВЧ
АНУ ын зүүн зүгийн мужуудад үер усны гамшиг болж байна. Үерийн улмаас хэдэн зуун мянган хүн толгой хоргодох орон гэргүй болжээ. Эрх баригчдын мэдээлнээр Мэрилэнд, Дэлавер, Нью Жерси мужид 150 мянган хүн гэрэл цахилгаангүй өдөр хоногийг өнгөрүүлж байна. Хүчтэй аадар бороо Нью Йорк хотод ч орж иргэний агаарын тээврийн нислэгүүд хойшлогджээ.

ОХУ ын Саха Якутын өөртөө засах орны уулархаг бүс нутагт шар усны үеэр болж байна. Иймээс байгалийн гамшиг болж байгаа бүс нутагт онц байдал зарлажээ. Сахагийн Бердигест сууринд ойролцоогоор 19 байшин усанд автжээ. Эдгээр байшингийн 200 гаруй оршин суугчийг өөр газар руу нүүлгэн шилжүүлсэн байна. Саха Якутын өөртөө засах орны томоохон зам харгуй усанд боогджээ.

Чадын эрх баригчид өнгөрсөн даваа гаригт Судан улстай хиллэдэг боомтоо бүрэнм хаах шийдвэр гаргасан байна. Өчигдөр Чад улс Судантай диломат харилцаагаа тасалж байгаагаа зарласан юм. Учир нь Суданы засгийн газар Чад дахь салан тусгаарлагч, алан хядагчдийг дэмжиж байна гэж мэдээлсэн билээ. Улс орныхоо аюулгүй байдлыг хангахын тулд бид хилээ хаахаас өөр аргагүй болж байна гэж Чадын гадаад хэргийн сайд мэдэгдсэн байна. Дипломат харилцаагаа тасалсанаас хойш Чад Суданы хоород соёл, эдийн засгийн харилцаа бүрэн зогсоод байна.

Грекийн шатахуун түгээх станцид ажилладаг тээврийн жолооч нар хөдөлмөрийн хөлсөө нэмэгдүүлэхийн тулд ажил хаялт зарлаад байна. Үүний улмаас Грекийн олон хотод шатахуцн түгээх станцууд ажиллахгүй байна. Шатахуунгүй болсон машинууд олон арван км үргэлжилсэн түгжрэлийг үүсгэжээ. Тэнгисийн боомтууд дээр олон мянган тонн ачаа бараа бөөгнөрчээ. Шатахуун түгээх газрын жолооч нарын үйлдвэрчний эвлэл жолооч нарын цалинг 13 хувиар нэмэгдүүлэхийг шаардаж байна. Хэрвээ ажил хаялт дахин нэг өдөр үргэлжилэх юм бол Грекийн тээврийн салбар бүхэлдээ саатах болно гэж мэргэжилтнүүд анхааруулж байна.

Лид6 Их Британи Умард Ирландын нэгдсэнх вант улсын цог жавхлант хатан хаан 2р Елизаветта Бүгд Найрамдах Турк улсад төрийн айлчлал хийж байна.
Хатан хаан 2 р Елизавета, түүний нөхөр Эдинбургийн гүн Филлипп нарын хийж байгаа айлчлал нь таван сарын 16 хүртэл үргэлжилнэ.
Айлчлалын хүрээнд тэд Туркийн Анкара, Бурсу, Стамбуд хотуудад зочилно гэж Букимгемийн ордоноос тараасан албан ёсны мэдээнд дурьдсан байна. Их Британий хатан хааны гэр бүлийн гишүүдээс Турк улсад хамгийн сүүлд 1971 онд айлчлал хийж байжээ. Европын холбоонд элсэх гэж байгаа Турк улсыг дэмжих болно гэдгээ илэрхийжл энэхүү айлчлалыг хийж байна гэж Турк дэхь Их Британий бүрэн эрхэт элчин сайд мэдэгджээ. Их Британий хатан хаан 2р Елизаветта Туркийн Анкара хотод тус улсын ерөнхийлөгч, ерөнхий сайд нартай уулзаж хэлэлцээр хийх юм. Дараа нь Туркийн автомашины үйлдвэрлэлийн төв болсон Бурсу хотод зочилно. Бурсу хот нь автомашины үйлдвэрлэлээс гадна амралт жуулчлалын төв гэдэгээрээ алдартай юм.

Лид7. Иргэний дайны ирмэг дээр байгааа Ливан улсын засгийн газарт АНУ цэргийн тусламж үзүүлэхэд бэлэн байна гэж Жорж Буш мэдэгдлээ.
Сүүлийн хэд хоногт Ливаны сөрөг хүчний Хезболла бүлэглэл засгийн газрынхаа эсрэг тэмцэл хийж хэд хэдэн мужид хяналтаа тогтоож амжсан юм. АНУ ын засгийн газар Ливанд цэргийн тусламж үзүүлсэнээр Хезболла бүлэглэлийн эсрэг хийж байгаа тэмцэлийг илүү үр дүнтэй болгохын тул ийм алхам хийх хэрэгтэй гэж АНУ ын төрийн тэргүүн Жорж Буш үзэж байна. Жорж Бушын хэлснээр Хезболла бүлэглэл Ливанд эмх замбараагүй байдлыг дэвэргэж, бүс нутгийн аюулгүй байдал заналхийлж байгаа юм. Хезболла бүлэглэлд том цохиолт өгөхийн тулд Ливаны засгийн газар хүчтэй зэвсэгт хүчинтэй байх ёстой гэж Цагаан ордоны эзэн Би Би Си телевизд өгсөн ярилцлагадаа онцлон тэмдэглэсэн байна. Ливан үүсээд байгаа хямралын гол эх үндэс нь Иран улс гэж АНУ ын засаг захиргаа үздэг юм. Иран улс Хезболла бүлэглэлийн гол санхүүжүүлэгч нь юм. АНУ ын ерөнхийлөгч тун удахгүй Ойрхи Дорнодын орнуудаар айлчлал хийх гэж байгаа юм. Тэр Израиль, Саудын Араб, Египет улсад албан ёсны айлчлал хийнэ.

Лид8. Өнөөдөр Меланом буюу арьсний хавдарын эсрэг тэм цэх дэлхий нийтийн өдөр тохиож байна.
Меланом буюу арьсны хавдар нь ихэвчилэн далайэ эргийн орнуудын оршин суугчдад тохиодог байна. Эхэндээ хүний арьсан дээр маш олон тооны жижиг мэнгэ гарч энэ нь аажимдаа энэ нь томорсоор загатгаа үүсгэж, улмаар үрэвсэж арьсний хавдар болж хувирдаг байна. Энэ өвчинтэй тэмцэх дэлхийн өдөр тохиож байгаатай холбогдуулан олон хотод эмч нар үнэ төлбөргүй үзлэг оношилгоо хийж байна. Энэ өвчиөөс болж зөвхөн манай хойд хөрш ОХУ д жилд 2000 мянган хүн амь насаа алддаг байна.

Лид9. Сүүлийн үед америкчууд хүүхэддээ ямар нэр өгч байгаа АНУ ын нийгмийн халамжийн газар мэдээлсэн байна.
Энэ байгуулага 2007 онд америкт төрсөн хүүхдүүдийн нэрэнд судалгаа хийжээ. Америкчууд шинээр мэндэлсэн охиндоо Эмми, хүүдээ Жейкоб гэдэг нэр өгөх нь түгээмэл байгаа гэнэ. Элизабет, Саманта, Изабелла, Эмма, Ава, Мэдисон гэдэг нэрийг охиндоо ихэвчилэн өгдөг байна. Харин хөвгүүдэд Жейкоб, Майкл, Жошуа, Мэтью, Дэниел гэдэг нэр түгээмэл байна.
Эдгээр нэртэй холбоотой ямар нэгэн сөрөг ойлголт нийгэмд бага байдаг тул эцэг эхчүүд хүүхэдээ ийм нэр өгч байна гэж мэргэжилтнүүд тайлбарлаж байна. Түүнээс гадна ихэр хүүхдэд эцэг эхчүүд ижилхэн үсгээр эхэлсэн нэр өгдөг нь судалгаагаар тодорхой болжээ. АНУ ын нийгмийн халамжийн байгуулага 1880 оноос хойш шинээр мэндэлж байгаа хүүхдүүдийн нэрэнд судалгаа хийдэг болжээ. Харин 1997 оноос хойш жил бүрийн судалгааны тайлангаа олон нийтэд ил тод зарладаг болжээ.

Лид10. Үзэгч та бидний сайн мэдэх SEX and the CITY буюу “Их хотын хүсэл тачаал” телевизийн цуврал олон ангит киноноос сэдэвлэн бүтээсэн бүрэн хэмжээний уран сайхны киног бүтээжээ. Энэ киноны нээлт Их Британий нийслэл Лондон хотод болж байна.
Их хотын хүсэл тачаал олон ангит кино сүүлийн арав гаруй жилийн турш телевизийн дэлгэцээр гарч байгаа юм. Энэ кинонд хувийн амьдрал нь ээдрээтэй ч бие дааж бусдаас хараат бус байж чаддаг бүсгүйчүүдийн тухай өгүүлдэг билээ. Энэ киноны үйл явдалын дагуу автобусны аялалыг ч АНУ д хийдэг болжээ. Бас киноны гол баатаруудын эдлэж хэрэглэдэг эд зүйлсийг ч үйлдвэрлэж худалдах болжээ. Лондон хотод нээлтээ хийж байгаа энэ кинон бол олдоогоос 4 жилийн өмнө зураг авалт нь бүр мөсөн дууссан олон ангит киноны үргэлжлэл гэж хэлж болох юм. Телевизийн олон ангит цувралын адил энэ кино эмэгтэй эрэгтэй хүмүүсийн харьцааны тухай өгүүлдэг гэж уран бүтээлчид нь ярьж байна.

Лид11. Кубын шинэ удирдагч Рауль Кастро засгийн эрхийг авсанаасаа хойш ард түмнийхээ амжиргааны түвшин, амьдралын нөхцөлийг сайжруулахын тулд томоохон өөрчлөлт хийж байгаа билээ. Энэ долоо хоногоос эхлэн Кубачууд богино долгионы цахилгаан зуух гэртээ хрэрэглэх боломжтой боломжтой болж байна.
Улс орны эдийн засгаа хөгжүүлэх, либералчлах бодлогийн хүрээнд Рауль Кастро гар утас, компьютер, DVD тоглуулагч гээд цахилгаан барааг ахуй амьдралдаа хэрэглэхийг зөвшөөрсөн билээ. Тэгвэл энэ удаа Куба гэрийн эзэгтэй нар гал тогооны өрөөндөө богино долгионы зуухтай болж байна. Гэхдээ үшнэ өндөр байгаа тул хүссэн хүн бүхэн үүнийг худалдаад авчих бэл бэнчигүй байна. Гэвч Кубын иргэд айл хөршөөрөө нийлж мөнгөө хуримтлуулаад богино долгионы зуух худалдан авч ээлжилж хэрэглэхээр тохиролцож байна.

Энэ өдөр

1835 оны энэ өдөр Оросын суут зохиолч Александр Сергеевич Пушкины “Алтан загасны үлгэр” ийг анх удаа хэвлэж байжээ.

1836 оны энэ өдөр Петербург, Павловскийн хооронд анхы төмөр зам барих ажил эхэлсэн байна.

1942 оны энэ өдөр Оросын сансрын нисэгч, ЗХУ ын баатар Монгол улсын баатар Владимир Александрович ЖАНИБЕКОВ мэндэлсэн байна. Тэр 1981 онд Монголын сансрын нисэгч Гүррагчаатай хамт Союз хөлгөөр сансарт нисэж байсан юм.

1995 оны энэ өдөр Английн иргэн Элисон Харгривз гэдэг эмэгтэй дэлхийн дээвэр Гималай уулын ноён оргил Эверестэд хүчил төрөгчийн баг зүүлгүйгээр ганцаарааа гарсан байна.